سکول دی چھت ݙھاوݨ نال ٩ طالبات سمیت ١١ افراد ملبے تلے دب تے شدید زخمی

بہاول پور (سرائیکی نیوز۔ عرفان جوئیہ) سکول دی چھت ݙھاوݨ نال ٩ طالبات سمیت ١١ افراد ملبے تلے دب تے شدید زخمی تھئی گئے اندرون شہر فرید گیت دے نیڑے واقعے بہاول پور پبلک سکول دی چھت اچانک ݙھہ گئی جیندے نتیجے ءچ کلاس ءچ موجود طلباء تے استاد ملبے تلے دب گئے واقعے دی اطلاع ریسکیو ١١٢٢ تے ݙوجہی امدادی ٹیماں موقعے تے پھج گئیاں تے زخمیاں کوں فوری طی امداد کیتے بہاول وکٹوریہ اسپتال منتقل کر ݙیتا ، زخمیاں ءچ نوں طلباء تے ݙو استاد شامل ھن جبکہ ھک طلبہ دی حالت تشویشناک ھِ ۔ عینی شاھدین دے مطابق سکول دی عمارت پرانڑی تے بوسیدہ ہووݨ دی وجہہ نال چھت ݙھہ گئی ، وقوعہ دی اطلاع تے ڈپٹی کمشنر شوذب سعید موقعے تے پھج گئے تے امدادی کماں دی نگرانی کیتی۔

Ad Setup by Google

ڈپٹی کمشنر نے ھدایت تے واقعہ دی فوری تحقیقات شروع کر ݙیتی ، دریں اثناء صوبائی وزیر خوراک سمیع اللہ چوھدری نے بہاول پور میں سکول دی چھت ڈھاوݨ دے واقعے تے گہرے ݙوکھ  و افسوس دا اظہار کریندے ہووے زخمی تھیوݨ والے بالاں دی جلد صحت و تندرستی کیتے دعا کیتی ھِ صوبائی وزیر خوراک نے ضلعی انتظامیہ کوں ھدایت جاری کیتی ھِ کہ ایں واقعے دی تحقیقات کر تے حقائق کوں سامنڑیں گن تے آیا ونجے تاکہ مستقبل ءچ ایہو جئے واقعات پیش نہ آون۔

Similar Posts

Leave a Reply

Your email address will not be published. Required fields are marked *