بہاول پور (سرائیکی نیوز) ٣٢ فیصد ٹیکس ٹیلی کام ریٹیلرز ڊے ذریعے وصول کرݨ معاشی قتل ڊے مترادف ھِ، ملک مصطفیٰ چنڑ، تفصیل دے مطابق بہاول پور اے ٹیلی کام انڈسٹریاں دیاں ہر روز من مانیاں تے نال بغیر تنخواہ دے کم کریندے ریٹیلرز دا کمشین گھٹا ݙیتا گئیں جئیں وجہہ توں ١٤ ڈسٹرکٹ تے مشتمل ٹیلی کام ریٹیلرز ایسوسی ایشن دے چیئرمین ملک مصطفی چنڑ دی زیر سرپرستی احتجاجی ریلی کڈھی گئی تے مطالبہ کیتا گئیا کہ پہلے توں ریٹیلرز کوں ٹیلی کام کمپنیاں دی طرف توں کہیں قسم دا کوئی تعاون نی ݙیتا ویندا تے اپریل توں مزید کمیشن گھٹا ڈیوݨ افسوس ناک ھِ انہاں سرائیکی نیوز نال گالھ مہاڑ کریندے ہووے آکھیا کہ اگر ٹیلی کام انڈسٹری دی بلیک میلنگ دا سلسلہ بند نا تھئیا ملکی سطح تے کم کرݨ والے ریٹیلرز ممبر ایسوسی ایشین ممبران ٹیلی کام دیاں سیماں ، لوڈ تے کارڈ ویچݨ بند کر ݙیسن۔
ریلی اچ شیخ کمال ، نائب صدر ساجد مختیار، جنرل سیکریٹری احسان اکرم ، فنانس سیکریٹری اے ڈی عباسی نےدے نال بہاول پور دے ریٹیلرز نے شرکت کیتی تے حکومت توں مطالبہ کیتا کہ ایں مافیا صفت ٹیلی کام انڈسٹریاں دیاں من مانیاں توں جان چھڑائی ونجے ایں مہنگائی دے دور تے بغیر تنخواہ تے دکاناں تے دور دراز علاقیاں اچ ٹیلی کام انڈسٹری واسطے کم کریندے ریٹیلرز کوں بہوں چیزاں اپنڑیں سر تے گھیندن ایندے اچ ڈکیتیاں دیاں واردتاں اچ وی کہیں قسم دا ادارہ تعاون نی کریندا، صرف انہاں کوں سیل نا مطلب ھِ ، ملک مصطفی چنڑ نے اکھیا کہ فرنچائز توں ودھ مائیکرو ٹرانسیکشن اساں اپنڑیاں جاناں تے کھیڈ تے کریندے ھیں ایں بارے کوئی کمپنی تعاون نی فرمیندی ، انہاں آکھیا کہ جاز دے طرفوں اپریل اچ کمیشن گھٹاون دی پر زور مزمت کریندے ھیں تے کمیشن ودھاون تک احتجاج دا سلسلہ جاری رکھیسوں تے مزید ملکی سطح تے گھن ویسوں۔
