وزیر اعلی دورہ بہاول پور، تھیلیسمیا کیتے ٩٠ کروڑ دے فنڈ جلد ملݨ دی نوید

بہاول پور (سرائیکی نیوز۔ عرفان جوئیہ) وزیر اعلی پنجاب سردار عثمان بزدار بلوچستان توں واپسی تے اچانک بہاول پور پھج گئے وزیر اعلی عثمان بزدار نے بہاول وکٹوریہ ہسپتال ءچ تھلیسیمیا اینڈ بون میرو ٹرانسپلانٹ سینٹر ءچ زیر علاج بالاں دی عیادت کیتی تے انہاں دی خیریت دریافت کیتی وزیر اعلی نے زیر علاج بالاں دے گھر والیاں توں سینٹر ءچ فراہم کیتی ونجن والی سہولتاں بارے پچھ گچھ کیتی ۔ سینٹر ءچ زیر علاج ھک طلباء آمنہ نے وزیر اعلی عثمان بزدار نال گالھ مہاڑ کریندے ہووے آکھیا کہ او مزید تعلیم حاصل کرم چاھندی ھِ جئیں تے وزیر اعلی نے متعلقہ حکام کوں ھدایت ݙیتی کہ او دھیی آمنہ دی مزید تعلیم کیتے فوری اقدامات کرم تے تعلیمی اخراجات پنجاب حکومت چاوے تاکہ ایکوں چنگے تعلیمی ادارے ءچ داخل کروایا ونجے وزیر اعلی عثمان بزدار نے سنیٹر دی عمارت دے مختلف حصے ݙیٹھے تے منصوبے تے کم دی رفتار مزید تیز کرݨ دی ھدایت کریندے ہووے آکھیا کہ تھلیسیمیا اینڈ بون میرو ٹرانسپلانٹ سینٹر کیتے ٩٠ کروڑ روپے دے فنڈاں دی فرامی جلد کر ݙیتی ویسی تے بون میرو ٹرانسپلانٹ سینٹر دے منصوبے کوں جدل آپریشنل کیتا ویسی۔

پنجاب حکومت بون میرو ٹرانسپلانٹ دے منصوبے کیتے ترجیحی بنیاداں تے فنڈ مہیا کریسی تے اے منصوبہ ہر صورت اگلی مالی سال ءچ فنکشنل تھئی ویسی منصوبے کیتے ضروری مشینری تے آلات وی خریدے ویسن بون میرو ٹرانسپلانٹ سینٹر دے منصوبے کیتے وسائل ءچ کمی نا آوݨ ݙیسوں۔ ایں منصوبے دی تکمیل نال جنوبی پنجاب سمیت دیگر علاقیاں دے مریضاں کوں بہوں سہولت ملسی۔

وزیر اعلی پنجاب عثمان بزدار نے ہسپتال دے دورے بعد میڈیا نال گالھ مہاڑ کریندے ہووے آکھیا کہ منصوبے دا دورہ کر تے زمینی حقاحق توں آگاہی حاصل کرنا ھا ، تے انشاء اللہ اساݙی حکومت ایں اہم منصوبے کوں جلد مکمل کریسی تے تھلیسیما تے بون میرو دے مریضاں کوں علاج معالجے دی معیار سہولت میسر آسی۔

وزیراعلیٰ عثمان بزدار نے سول ہسپتال بہاولپور کوں نواب سرمحمد صادق خان عباسی دے نام منسوب کرݨ دے حوالے نال پوچھے گئے سوالاں دا جواب ݙیندے ہووے آکھیا کہ سول ہسپتال بہاولپورکوں نواب سرمحمد صادق خان عباسی دے ناں نال ملاوݨ مناسب تجویز ھِ تے اساں سول ہسپتال بہاول پور دا ناں وی نواب بہاول پور سر محمد صادق خان عباسی نال منسوب کرݨ دا جائزہ گھنسوں۔ کیونہ نواب دی بہاول پور کیتے بہوں خدمات ھن ، وزیر اعلی نے بہاول پور دے صحافیاں کیتے جنرلسٹ کالونی دے قیام دا اعلان کریندے ہووے آکھیا کہ ایں ضمن ءچ جلد اقدامات کیتے ویسن تے صحافیاں کوں صحت کارڈ وی ݙیتے ویسن۔

وزیر اعلی پنجاب نے بہاول پور دے شہار دا وی دورہ کیتا تے شہر ءش صفائی دی صورتحال دا جائزہ گھیدا ، وزیر اعلی نے فوارہ چوک ءچ آٹے دے سیل پوائنٹ دا وی اچانک دورہ کیتا وزیر اعلی نے ٹرسٹ پارک دی صفائی دی خراب صورتحال تے وی اظہار برھمی کیتا تے کمشنر بہاول پور کوں ھدایت کیتی کہ پاک دی صفائی کوں بہتر کیتا ونجے۔ وزیر اعلی نے سیل پوائنٹ تے لوگاں ءچ آٹے دی تقسیم دے عمل دا جائزہ گھیدا وزیر اعلی نے آکھیا کہ پنجاب ءچ آٹے دا کوئی بحران کینی پنجاب ءچ آٹا وافر مقدار ءچ دستیاب ھِ وی کلو آٹے دا تھیلہ ٨٠٥ روپے ءچ عوام کوں فراہم کیتا ویندا پیا ھِ اس موقع تے کمشنر بہاول پور ڈویژن آصف اقبال چوہدری، آر پی او فیاض احمد دیو، ڈپٹی کمشنر شوذب سعید، ڈی پی او اشرف، ایڈیشنل سیکرٹری سپیشلائزڈ ہیلتھ کیئر اینڈ میڈیکل ایجوکیشن ڈاکٹر آصف طفیل تے میڈیکل کالج دے پروفیسرز موجود ھن۔