بہاول پور (سرائیکی نیوز ۔ عرفان جوئیہ )دی گورنمنٹ صادق کالج ویمن یونیورسٹی بہاول پور ءچ شعبہ اردو دءِ زیر اہتمام ھک روزہ سیمینار بعنون کیا ما بعد جدیدیت دی موت ہو چکی ھے؟ ھک نویں بحث دا انعقاد کیتا گئیا جیندی صدارت شعبہ اردو دی اسٹنٹ پروفیسر بلقیس اقبال نے کیتی ۔تقریب دا باقاعدہ آغاز کلام الہی دی تلاوت نال تھئیا ایں موقع تے مقرر مہمان ڈاکٹر احمد سہیل نے تقریب ءچ موجود شرکاء ناض خطاب کریندے ہووے آکھیا کہ جدیدیت موضوعی فلسفہ ھِ تے مابعد جدیدیت معروضی فلسفہ ھِ اے نصابی دانشوری دا نظریہ ھِ جئیں ءچ انسان کوں عالمگیر سماج دی بجائے انفرادی سماج دا حصہ قرار ݙیتا ، اے قاری تے مصنف کوں آپس ءچ جوڑی رکھیندے انہاں مزید آکھیا کہ اردو ءچ اے نظریہ پہلے توں موجود ھا تے نشاۃ ثانیہ دا مخابہ ھِ لیکن اردو تنقید ءچ جدید نظریات تنقید دا عملی اطلاق نی ملدا حالانکہ نویں تنقید دے تمام نظریات اساݙے ادب دا حصہ ھِ تے نویں تنقیدی نظریات آوݨ نال ایویں لگدا ھِ جیں کوں مابعد جدیدیت دی موقت تھئی چکی ھِ یا تھیوݨ والی ھِ
بعد ازاں بطور مہمان خصوصی وائس چانسلر دی گورنمنٹ صادق کالج ویمن یونیورسٹی بہاول پور پروفیسر ڈاکٹر صاعقہ امتیاز آصف نے مقرر مہمان ڈاکٹر احمد سہیل دا شکریہ ادا کیتا تے اساتذہ کوں آکھیا کہ او طالبات دی حوصلہ افزائی کرن کہ او نویں تنقیدی نظریات کوں نا صرف پڑھن بلکہ عملی طور تے انہاں کوں سنجاھنڑݨ دی کوشش کرم تے مزید آکھا کہ عمرانیات، پولیٹیکل سائنس ، سوشل سائنس وانگوں مضمون پڑھن تاں طالبات نویں تنقیدی نظریات سمجھ سکدے ھن۔
