وینڊے وینڊے کھل لاھی ونجوں

روٹی کپڑا مکان ڈھا سال پہلے ہی چلا گئیا ھا ھن بنیان بچی ھائی او انہاں ٤ سالاں دی نظر تھئی گئی

تحریر ۔ فیصل شہزاد چغتائی

بندہ کہیں کوں محبوٻ بنڑیندے تے ہر ظلم برداشت کریندے اساں لوگاں دی بدقسمتی ھِ کا محبوب دا ناں تک نی گھیدا لیکن ظلم برداشت کرݨ دا عاڊی بنڑاں چھوڑے۔ نواز دور دے بعد ھک نعرہ دوبارہ لگا ھا روٹی کپڑا مکان ، یقین منو ! وسیب دا ھر بال نوجوان اے نعرہ لاندے نا تھکدا ھا ۔۔۔ جوں جوں مدت ڄمہوریت پوری تھیندی گئی اویں روٹی کپڑا مکان مجبور تے لاچار بے بس خطے دے واسیاں توں چھکیندا گئیا، پتہ نا لگا کہ سارے سوہنڑیں سوہنڑیں خاب ہتھ اچوں تلکدے گئے ول سبھ تانگ لا بیٹھے نویں حکومت نال ، اونے اندے ھی رہی سہی کسر کݙھ دیتی روٹی کپڑا تے مکان کوں پہلے روندے ودے ھاسے ایں حکومت نے بنیان تک لہا گھیدی ، ظلم ھک ہووے تاں لوگ سہہ ویندے جئیں ویلے ظلم ہزاراں بݨ ونجن تاں بندی اپنڑاں منہ آسمان دی طرف کریندے تے اوندے پلے سبھ اپنڑے ڈوکھ بدھ ڈیندے، اے ھِ غریب ڊا وظیفہ جئیں وجہہ توں ھن تک غریب زندہ ھِ اللہ ڊی لاٹھی بے آواز ھِ کہیں کوں حق ݙو ڈنہیں اچ نا حق پھانسی ݙیوݨ تے کہیں دہشت گرد دی پھانسی کوں مہینیاں تک گھسیٹن ، اے ڈو رستے جمہوری حکومت دی گندی ی ھن، توھین رسالت کوئی مسلمان برداشت نی کر سکدا تے ناحق سزا ݙیون والیاں ڊے خاندان دی زلت سبھ دے سامنڑیں ھِ کہ کیویں رب العزت شان و شوکت واپس ولا گھیندے، اساݙے ایتھاں مثال ایویں تھئی گئی ھِ سانپ مر گئے لیکن لاٹھی نی ٹرٹی، جمہوریت تے قابض چند منافق پورے ملک کوں یرغمال بنڑائی پئن تے ویندے ویندے بنیان تاں بنیان کھل لھائی ویندن، جوابا اے آکھیندے اساں اداریاں کوں محفوظ کریندے پئے ھیں کل چوتھی واری پیٹرولیم مصنوعات تے اضافے دا اثر کہیں امیر تے نا پوسی کیونکہ امیر واسطے قانون علیحدہ اوں کوں انہاں چیزاں اچ وقت برباد کرن دی لوڑ کینی اے اثر ان ڈائریکٹ غریب عوام تے پوسی جو سارا ڈنہوار وڈے شہاراں اچ موٹر سائیکل تے روزی لبھیندن تے شام کوں اپنڑیں بالاں کوں روٹی کما تے کھاویندن، جئیں ویلے خام تیل ، پیٹرولیم دی قیمتاں پوری دنیا اچ  ٢٥ روپے لیٹر توں وی گھٹ ھن اوں ویلے اساڈے عوام ٧٥ روپے توں ودھ پیٹرول دی خریداری کریندی پئی ھائی ، پیٹرول  ودھݨ نال بساں دے کرائے ، ریلوے دے کرائے ، جہازاں دے کرائے آسماناں تک پھج گئے لیکن پیٹرول دی قیمت گھٹݨ دا اثر نا ھی لوکل ٹرانسپورٹراں تے پیا تے نا ھی انٹرنیشنل بس جو قیمتی ودھی او تسلیم ھِ جو گھٹی اوندا تعلق صرف حکومت نال ھِ کیونکہ سبھ نے قسم چا گھیدی ھِ کہ ملک کوں اتنے ٹیکے لاونڑن کہ ایتھاں رھاون والیاں نسلاں تک یاد رکھن۔ کوئی شعبہ ایہو جئیا ہووے جو چھوڑ ڈیتا ہووے؟ ایں حکومت تاں فقیراں کوں وی نی چھوڑیا ، لاہور اچ گزشتہ ماہ دا واقعہ ھِ کہ ٣٠٠ توں ودھ فقیر سڑکاں دے سگنل توں صرف اے آکھ تے پکڑے کہ انہاں دی وجہاں نال ٹریفک متاثر تھیندی ھِ جمہوریت دے دعویدار اے کیوں نی ڈسیندے کہ اساں خود غریب بنڑاوݨ دیاں فیکٹریاں لائی بیٹھے ھیں ، اے ایں شہ دا اظہار کیوں نی کریندے کہ غریب کوں مصروف رکھن دا سارا سامان اساں خود پدیا کریندے ھیں، سارا ڈنہیں اسمبلیاں اچ بہہ تے کھلاں مذاقاں شاعری افسانے چاہ پانریں بس ایندے بعد گھر تے تنخواہ ،  ھک واری نی سوچیا کہ ھک بندہ جو موبائل فون استعمال کریندے او ١٠٠ روپے ادا کریندے جیئں توں حکومت  ٣٥ روپے ٹیکس دی مد اچ وصول کریندی ھِ بجلی دے بل تے مفت دا غنڈہ ٹیکس ، پانڑیں دا بل جبری لازم بھرنے بیشک پانڑیں آوے یا نا آوے، تے کم چندریاں والے۔ جمہوریت دی روح اے تسلیم کر گھݨ اچ ھِ کہ اساں کوششاں کیتیاں لیکن اساں ناکام رہے ایتھاں تا میں نا مانوں والا حساب چلدا پئے ، جئیں ڈکیتی کیتی فراڈ کیتا من گھیدا کہ ھا میں فراڈ کیتے مچکلے جمع کروا تے آزاد تھیوݨ دے بعد محکمہ تعلیم دے چیئرمین لگ گئے کیتھاں گئیا فراڈَ؟ سبھ ختم ایتھاں جئیں تے گالھ بنڑے اُوں کوں موشن لگ ویندن تے او اپنڑیں ملک دے اعلی ہسپتال جو غریباں کوں مارݨ دے واسطے بنڑے ھن انہاں کوں چھوڑ تے باہرلے ملک لگیا ویندے، اگر تساڈیاں زندگیاں دا تحفظ یورپ اچ ھِ تاں اتھاں ونج تے مقیم تھیو ایتھاں اپنائیت دا جھوٹا راگ الاپ تے کیوں گلیاں گلیاں محلے محلے اے آکھیندے وے کہ تساں اساڈے بھیرا ھیووے؟ جیویں اساں رھاندے پئے ھیں یا جو اساں کھاندے پئے ھیں تساں اپنڑیں کتے کوں وی ایہو جیاء نا ڈیو کہ او بیمار تھئی ویسی اساں تاں پیسے ڈیون دے باوجود پانڑیں پیووݨ کوں ترسدے ھیں لیکن آہ تک نی کریندے۔ او لوگ جو منتخب تھئی تے حذب اختلاف اچ آندن او پہلے تاں اپنڑاں مطلب کڈھویندن بعد اچ او ھی ھیک ڈوجہے نال نا ختم تھیون والی جنگ شروع کر ڈیندن، سیاست تے جمہوریت دے ناں تے اساݙے ملک اچ تھیون والا مذاق کڈھݨ ختم تھیسی، پاناما لیگ ، دھرنے، وائرس ، بس انہاں اچ الجھاڑے رکھن ، تے سبھ صرف تے صرف ملک اچ میڈیا کوں یرغمال بنڑائے رکھݨ تے انہاں کوں اپنڑیں طریقے نال استعمال کرݨ نال ھِ صحافت ھک پاک پیشہ ھِ تے حق تے سچ لکھݨ لازم ہوندے لیکن ایتھاں صحافت دا دین ایمان پیسے تک محدود تھئی گے تے جمہوریت اچ بیٹھے منافقاں دا امریکا بݨ گئے جیندا طواف کرن توں اے نی تھکدے تے ھاں دے اچ ھان ملاون سر ھلاون اچ فلاح سمجھدن، افسوس صد ھا افسوس کہ اساں ملک دے انہاں لوگاں کوں دھوکا ڈیون دی کوششاں اچ ھیں جنہاں دے ھک ووٹ نے جمہوریت اچ آ تے خدمت کرن دا موقع ڈیتے ایتھاں جمہوریت دے معنی وی ھن تک کہیں کوں پتی کینی صرف اتنا آکھا ویندے سارے مل تے اے ڈساو کہ ملک دے عوام کوں کیوں لٹنڑیں، اگر او کچے دے علاقے توں بندہ منتخب تھئی تے اسمبلی اچ ویندے یا وزیر اعظم لگ ویندے تاں او ویندے ھی ڈسیندے جناب اتنی محنت دی لوڑ کینی غریب آٹا چینی پتی ، تیل ، گھیو، چاول زیادہ کھاندے صرف اے ودھاو ، بہوں زیادہ منافع چا گھینسو، تے ایں وجہہ توں اون کوں سینے نال لا تے رکھا ویندے تے اگر اوندا وزیر اعظم حق واسطے بیدار تھیون لگے تاں استعفی منگ تے اکوں چلدا کیتا ویندے، جو سوہنڑاں نا لگے اوکون رخصت کر ڈیو ، اے حل ھِ معاملے دا تے اے جمہوریت ھِ  اساݙے ایتھاں غریباں کوں لٹݨ واسطے نویں ہتیار بنڑائے ویندن تے جو منافقین اسمبلیاں اچ چہرےچمکا تے آندن او اصل دہشت گرد ھن جو ملک اچ غریب کوں ختم کرݨ واسطے ہتھیار بنڑیندن، تے اے سوچ پیدا کریندن کہ غریب کوں اساڈے بارے اچ سوچں دا وقت نا ملے تاں اساں جو دل اچ آوے کریندے رھاوں تے کھاندے رھاوں، اگر انسان صاف گو ہوندے یا پاکدامنی دی گواہی ڈیندے تاں او خندہ پیشانی دے نال قوم دے سامنڑیں خود کوں سرخرو کریندے ایتھاں تاں قوم کوں کجھ ڈیون دی بجائے انہاں دے ناں تے ملک کوں مقروض کیتا گئے اج جتنا قرض پاکستان ڈیونڑیں ایندے مثال نی ملدی ایں توں پلے اتنے مقروض نا ھاسے ، جمہوریت نے ھن تک قوم کوں ای ڈیتے؟ ہر نواں ڈنہیں ھک نویں درد دے نال گزردے ، ہر آون والے ڈنہیں قیمتاں بدلدیاں پئن، لیکن شاید اعلی حکام تک اے گالھیں نی پھجدیاں کہ غریب کیویں قتل تھیندے پئن پہلے غریباں کوں معاشی طور تے مفلوج کیتا گئے ھن انہاں دا قتل مہنگائی دی تلوار نال شروع کر ڈیتا گئےکہیں قسم دی غریباں واسطے کوئی سبڈی کینی تے نا ھی کوئی ریلیف حکومت دی طرفوں صرف تے صرف مہنگائی دے تحفے ڈیتے گئے کوئی ھک غریب جمہوریت دے دعویدار ڈیکھاون جنہاں کوں انہاں ریلیف ڈیتا ہووے جو زمیندار ھن او اج وڈے شہاراں اچ انہاں دے بال نوکریاں لبھیندے ودن او زمیناں ویچ تے تنگ آ تے شہراں اچ آباد تھئن تے جو غریب ھن او وہ اپنڑیں شہار چھوڑ تے روزگار دے سلسلے اچ سویر توں رات ١٢ وجے تک نوکریاں کریندے پئے ھن مہنگائی تنخواہ دے بالمقابل بہوں زیادہ ھِ اگر ھک بندہ کرائے دے گھر اچ رھاندے پئے تاں اونداں مہینے دا خرچ بالاں دی تعلیم دے علاوہ زندہ رھاون دا خرچ ٣٠ ھزار روپے ھِ جو کہ ھک ڈنہوار اچ ١٠٠٠ روپے کماوݨ نال ہی پورا تھیندے لیکن مزدوری جہاڑی 16 گھنٹیاں دی 18000 مہینا بنڑدی ھِ جو کہ 600 روپے جہاڑی ھِ  400 روپے پورے کرن واسطے او اضافی کم کریندے 16 گھنٹے توں 20 گھنٹے کم کریندے ول ونج تے اوندی روٹی پوری تھیندی ھِ بالاں دی تعلیم؟ صحت ؟ ڈوکھ سوکھ واسطے کجھ نی بچدا اے او کوڑا سچ ھِ جئیں کوں ہر جمہوریت اچ آون والا تے ونجن والا بھل ویندے کہ انہاں غریباں دے ووٹاں نے انہاں دے حقوق دی پاسداری رکھن واسطے انہاں کوں ووٹ ڈے تے منتخب کیتے لیکن افسوس سبھ اپنڑیں اپنڑیں مفادات دی خاطر کم کریندن کہ اساں کوں کیا فائدہ تھیسی ، جو حکومت اچ آندے او ایویں ھِ جیویں پولیس اچ پیسے ڈے تے بھرتی تھیون کہ پہلے پیسے لا گھینو ول کمائی کر تے پیسے پورے کرو ، غریباں دے بنڑائے گئے تازہ ترین پراجیکٹ سڑکاں میٹرو پراجیکٹ اچ غریب کیا چنڑیں وچیسن؟ تے سڑکاں دے نال ریڑھیاں لا تے کھڑے تھئی تے بزنس کریسن ، گنا مافیا تاں جوں دی توں گنا کاشت کرن والے زمینداراں کوں لٹ تے کھا گئے ھِ اپنڑیں ریٹ ،فلور ملاں دی اپنڑیاں من مانیاں کنڑینک گھن دے ریٹ اپنڑی مرضی نال تے آٹا چینی ڈیون دے اپنڑیں ریٹ جو گندم (آتا) ایں ویلے ٢٠ روپے کلو ہووےے ھا اج او 45 روپے کلو ھِ  چینی جو 20 روپے کلو ملنی چاھیدی ھائی او 55 روپے کلو ملدی پئی ھِ پتہ نی کیھڑے ادارے ھن جو انہاں معاملات کو ڈیکھدن تے کون ایہو جئے ادارے ھن جو لمبی تان کے ستے پئن کہ انہاں کوں روز بھک نا مردا غریب نظر ھی نی آندا ، ول آکھیندن کہ فقیر سڑاں تے بہوں تھئی گئن فیر بناون وال او منافق ھن جو وعدے کریندن  جھک تے ملدن تے ادا بھیرا میڈا پیو آکھ تے ووٹ گھن ویندن ایندے بعد آکھیں متھے تے رکھ تے مکر ویندن کوئی پیار اچ ویک ویندے تے کوئی مجبوری بے بسی تے لاچاری تے بھک دے ہتھوں ویک ویندے ویں واسطے ہر نویں پارٹی جو جمہوریت کوں زندہ کرن دی دعویدوار ہوندی ھِ او مجبور بے بس غریب کوں پیسیاں نال تے کجھ کوں محبت دے نال خرید گھیندی ھِ غرض اے کہ جمہوریت کوں وی تجارت بنڑاں تے رکھ ڈیتے کہ کتنے پیسے لائیسوں تے کتنا ملسی، تے کتنا کمیسیوں، ھک کروڑ توں ٢ کروڑ تک خرچ کر تے ھک علاقے دی سیٹ میل ویندی ھِ تے ایندے بعد کھلا کھاوے تے ننگا دھاوے ، غریب بیشک بھوک توں مرے یا ڈوکھ توں مرے ایندے نال کوئی غرض کینی بس انہاں واسطے سڑکاں ھن انہاں تے بہہ تے احتجاج کرے اپنڑیں ڈوکھاں کوں روپے انہاں کوں کوئی فرق نی پوندا ، تے نا پوسی جئیں ویلے تک اساں اپنڑیں ووٹ دی اہمیت کوں نا سمجھسوں۔

میڈی درخواست تے رائے ھِ کہ ہر فرد واسطے چنگی سوچ بیدار کرو غربت دی سطح بہوں خطرناک حد تک ودھ گئی ھِ پڑھے لکھے لوگ اپنڑیاں تعلیمی سنداں ساڑݨ دے در تے ھن خود خوشیاں دی شرح ودھدی ویندی ھِ لوگ اپنڑیں بالاں تے عزتاں دے سودے کریندے پئن تساں کیھڑی خوشحالی دی گالھیں کریندے پئے وے ؟ بیت المال کوں پابند کرو تے کم از کم غریب مستحق لوگاں دی ریلیف واسطے کجھ پیکج ڈیتے ونجے ویندے ویندے انسان چنگی گالھ کر تے ویندے چنگا مل تے ویندے  زندگی دا کجھ پتہ نہ ہوندا لیکن اے روایت قائم رکھن کہ ویندے ویندے جتنا لٹنڑیں لٹ گھینو کل کینی ڈیٹھی اے غلط ھِ اے روایت بدلو اگر ریلیف غریباں کوں ڈیون گناہ ھِ تاں نا ڈیو لیکن کم از کم مہنگائی دے بمباری بند کرو اے نا ہووے کہ قوم دے ؤوکھ اتنے ودھ ونجن کہ او اپنڑیں گھراں کوں ساڑھ ڈیون تےباہر نکل آون، ملک کوں لٹن دی پالیسیاں بند کر تے انہاں واسطے فکر کرن دی لوڑ ھِ جو وی قصور وار ھن انہاں کوں سزا ڈیون دی لوڑ ھِ کہ آخر کیوں غریب روز مردے۔