اوسان باختہ تھئی گئے
اوسان باختہ تھئی گئے
فیصل شہزاد چغتائی
لخ دی لعنت ھک بہوں گندا لفظ ھِ ایں پاروں آکھا ویندے کہ اگر کہیں تے لعنت بھیجو اگر او ایندا حق دار ان ہووے او لعنت واپس ول تے بھیجن والے تے آندی ھِ ، ایں ویلے دنیا بہوں افتاں نکلن دے بعد ھک نوی آفت امی کرون دی منتظر ھِ دنیا جیتھاں معاشی طور تے تباہ تھئی چکی ھِ ایندے اثرات ہر فرد تے مسلط تھئن پر ایں تباہی اچ لٹ مار کر تے لوگ کھراباں کھا تے ڈیکار نی ماریا تے ھن وی کھاون اچ دھت ھن۔ کوئی وی پاند چا گھینو ہر پابند چاہے او کہیں وی کاروبار نال جڑیا ہووے او تے جوت چھیمبڑے پئن جو خون چوسن اچ مگن ھن ۔ کجھ منظر کشی اے ھِ کہ ھک بندہ مردا پئے تے ڈوجہا اندی جیباں ، موبائل و دیگر ما تے ہتھ صاف کریندا پیئے ۔ سفرِ سفید پوشی اختتام تے پھج چکے ھن سبھ خاندان جو خود کوں سفید پوشی اچ لوکائی بیٹھے ھن او وی غریباں دی صف اچ آ گئے ھن۔
دور کوئی وہ گزرے تمام گزرے اشرفیہ نے ہر دور اچ مال بنڑائے چاہے اور ماضی ہووے یا حال یا قدیم دور ہر دور اچ اشرفیہ نی غریباں کوں لٹن دی کوئی جا نی چھوڑی تہ نہ ھی کوئی موقع جیندے نال اگر کہیں کوں ساہ وی ملدا پیے تے کیوں ملدا پیے
منتخب حکومت نے وی ماضی دے حکمراناں وانگ خواب ڈیکھا تے عوام کوں لُٹے تمام خواب ریت تھئی گئی۔ خیرات نا منگسوں اپنڑاں ملک خود بنڑیسوں بجلئ دے بل کو بھا لاو ، بلا بلا اج او تمام ڈی چوک تے تھیون والے تماشے دا الٹ تھئ گئے۔ ہر او برائی جو ماضی دے سیاست داناں اچ ھائی جیئں پاروں موجودہ پارٹی لوگاں منتخب کیتی او پارٹی نے وتیرا بنڑاں گھیدا تے او روایت تے ٹر تے ثابت کر ڈیتا کہ جمہوریت اساڈے ملک اچ غریباں واسطے ھک مندا ھِ خود منتخب کیتے لیکن اون خود پلوتے کڈھیندے بیٹھے ہیں۔
پانامہ لیگ ، پانڑیں تے بھارتی قبضہ ، پربھوشن یادھو ، اے پی ایس و دیگر ایہو جئے بہوں سارے ڈرامے الیکٹرانک میڈیا دے ذریعے لوگاں کوں ڈیکھائے گئے تے جیئں ویلے لوگاں دی نہ سنڑی گئی تے لوگاں سوشل میڈیا تے اپنڑیں جذبات دا اظہار کیتا اپنڑاں رون دنیا دے کوں سنڑایا جیئں تے فواد نے چودھری بن تے تمام میڈیا تے سیاسی پارٹی دیخلاف چلن والی تمام تحریراں پوسٹاں اکاونٹ بلاک کروا ٖڈیتے مطلب خانہ جنگی والا منظر بنڑاں ڈیتا گیا
ایہا سلسلہ کورونا اچ رھیا جبری طور تے خانداناں کوں سم جو انہاں دی اپنڑی ملکیت ھن بند کرن دا سکیم چلائی لوگ پہل ڈرے ہووے ھن جیویں انہاں دے موبائل دی مد اچ ڈو واری ٹیکس وصول کیتا گئیا سنگل سم تے ڈبل سم دے ناں تے او کامیاب اوگاڑی دے طریقے بعد نویں ادارے پیمرا ، پیٹرولیم ، و دیگر ذرایعے دے ذریعے نویں لٹن دے آئیڈیے ڈیتے گیے۔ لوگ جو گھراں اچ محفوظ ھن او وی باہر نکتے ویکسین لوائیں انہاں اچ کجھ صحت مند وی ایں موزی مرض دا شکار بنڑے۔ جبری طور تے پورے ملک دے ہر فرد دے بعد سرکاری سکولاں اچ پڑھن والے بالاں کوں وی جبری ویکسین ڈیتی گئی۔
ایں ویلے لوگاں دی حالت جانوراں توں بد تر ھِ جانور ول وی کجھ چنگی حالت اچ ہوسن لیکن موجودہ حالات اچ جو رویہ رکھیا گیے ایندے بعد ھک راہ بچدی ھِ غریب یا تاں چوری چکاری کر تے بال پالے یا خود کشی کر تے مر ونجے۔ تے جو دنیا اچ اسکیم چلدی پئی ھِ اوندا مقصد وی کیتھیں نہ کیتھیں ایہا نظر آندے کہ دنیا اچ ودھدی آبادی کوں ختم کر تے نویں طرز دی نواں سسٹم بنڑایا ونجے ۔ ایں پیچھوں او تمام اشرفیہ ھن جو اعلی تجارتی مراکز دے عہدیدار تے دشمنان انسانی تھن انہاں دا سبھ کجھ پیسہ ھِ تے دنیا تے قبضہ ۔
ایں پاروں ایلمنیٹی شیطانی جماعت سوشل میڈیا ، وٹس اپ و دیگر پلیٹ فارم تے سر گرم ھِ جو لوگاں کو شیطانیت دی دعوت ڈیندی پئی ھِ جیندے اچ تمام سہولتاں آسائشاں آفر کریندی ویدی ھِ تے ڈوجہے پاسے مرزائی قادیانی دین دے نال تے لوگاں کوں گمراہ کر تے اپنڑیں نال ملیدے ویندن۔ ھ واری ول فلسطین اچ جیویں یہودیاں زمیناں خرید تے پیر جمائے تے اوندے بعد ملک تے قبضہ کیتے ایہا حال ھن پاکستان اچ شروع ھِ قادیانی وڈے پیمانے تے پاکستان اچ جائیداداں زمیناں گھن تے قبضہ کیتی ویندن تے کوئی بولے تاں شٹ اپ کال ڈے ڈیتی ویندی ھِ قادیانی کھلے عام دعوتاں ڈیندے ودن کے اساڈے نال ملو گھر وی ، ذال وی تے سہولتاں وی ملسن تے آخرت وی سنور ویسی ۔ لیکن افسوس ، سب مست ھن ، غریب مہنگائی دا رون روندے تے اشرفیہ کاروبار کینی دا رون رو تے لٹ مار کیتی پئن۔
ھن اے گالھ تاں واضح تھئی چکی ہے کہ ملک تو سفید پوش خاندان نہ ہوون برابر رہ گئن کیونکہ انہاں سبھ کوں کھلے مار مار تے غریب دی لائن اچ کھڑا کر ڈیتے ھن یا تاں حاکم دا حکم منو یا ول بھکے مرو ۔ جو نویں راہ زندہ رھاون دی نکلدی ھِ اون راہ تے گرانفروس ، ذخیرہ اندوزی دا انجن لگ ویندے تے تجارتی لٹیرے ٹرانسپورٹ دے ناں تے لٹن شروع کر ڈیندن۔ تھوڑی جی انویسٹمنٹ تے ڈو سو فیصد کمائی ۔
ھک پاسے کورونا نال جو مرے مرے لیکن ڈوجہے پاسے اپنڑیاں نے لٹ مار دی کوئی کسر نہ چھوڑی کوئی ایہو جئی جا نا چھوڑی کہ غریب اپنڑاں گزارا کر سکے۔ ڈوکھ دی گالھ اے ھِ حکومت اتنے سال حکومت کرن دے بعد وی ھن تک کوئی حکومت عملی نے طے کیتی۔ غریب رو رو تے مر گیا تیا سفید پوش رو رو تے غریب تھئی گئیا لیکن انہاں دے ناں تے خیراتی سلسلہ آئی ایم ایف توں شروع کر ڈیتا گئیا۔ ظاہر جی گالھ ھِ جئیں ویلے خیرات ادھار منگدے پیے ہووے تے شرطاں اپنڑیاں مرضی دیاں آئی ایم ایف لائسی تے لاھاونڑاں کینے ھِ قرض ، ہر اون پاکستانی فرد تے مسلط کر ڈیتا ویسی جو بل ادا کریندے، او بل دے نال او قرض وی ادا کریسی ، ھن بل بیشک بجلی دا ہووے گیس دا ، موبائل فون دیا یا خریداری ہووے کہیں وی شہ دی ہر جا تے ٹیکس ادا کرنا ہوسی تاکہ جو رقم آئی ایم ایف توں ملک چلاون واسطے گھیدی گئی او تمام پیسے تقسیم تھیسن انہاں تمام سیاست داناں اچ تنخواہ دی صورت اچ سہولتاں دی صورت اچ تے فرضی پراجیکٹاں دے ناں تے۔ پراجکیٹ تے کم وی شروع تھیسی ۔ لیکن مدت جمہوریت ختم تھؑی ویسی ۔ پراجیکٹ وڑ ویسن تے سیاست دان بھج ویسن ۔ نواں اوں والا ولا ھک واری سنہری خواب ڈیکھیسی تے اساں سب ول لائن اچ لگ تے کھلے کھاسوں ۔
انتخاب عوام کرے اشرفیہ کرے یا اعلی کرے نتائچ مثبت کڈھیں نی آندے سب بہتر جانڑدن کہ ووٹ ڈو یا نہ ڈیو منتخب جنہاں تھیونڑیں او اگلے الیکشن اچ سیلکٹ تھیسی تے آ ویسی۔ تے ول ۳۳ قسطاں والا ڈرامہ چلسی کہ جی گزشتہ حکومت کھا گئی سب کجھ برباد کر ڈیتے ول ووٹ ڈیو پی ٹی آئی کوں۔ تے کھلے کھاو ۔۔۔
اون والے ڈینھاں اچ شاید ھی اللہ پاک کوئی کرم فرما ڈیووے لیکن لگدا ایویں ھِ پاکستان اچ رھاون والے غریب لائن اچ لگ تے کھلے کھاون واسطے ھی رہے گؑے ھن نہ انہاں واسطے سہولتاں ھن نہ آسائشاں یا تو غریب سب ھک ھک کر تے ملک چھوڑ تے چلے ونجن تک باقی نسلاں بچ سکن یا غربت دی چکی اچ مندھیج دے گھٹ گھٹ تے مر ونجن کیونکہ ایتھاں کجھ نی تھیونڑاں جئیں ویلے تک کوئی ایماندار نی آندا اوں ویلے تک سب لٹیرے لٹ مار کریندے رھاسن تے اساں سب روندے رھاسوں۔
