تیزی نال ودھدی ہوئی آبادی وسائل کوں کھادی ویندی ھِ ، سیمینار

آبادی کوں کنٹرول کیتے بغیر وسائل دی منصفانہ تقسیم ممکن کینی ، خواجہ ادریس ، عمارہ یوسف تے دیگر دا خطاب

خان پور (سرائیکی نیوز۔ ذیشان انور) چیؤرمین ضلعی زکواۃ عشر کمیٹی خواجہ ادریس نے آکھیا ھِ کہ آبادی کوں کنٹرول کیتے بغیر وسائل دی منصفانہ تقسیم ممکن کینی جئیں وجہہ نال تیزی نال ودھدی پئی ھِ او وسائل کوں کھادی ویندی ھِ جبکہ وسائل ودھن دی رفتار گھٹ ھِ تے آبادی زیادہ ھِ او جناح حال خان پور اچ محکمہ پاپولیشن ویلفیئر خان پور دے زیر اہتمام آگہی سیمینار توں خطاب کریندے پئے ھن ، تقریب توں میڈم عمارہ یوف ، اقبال رحمانی، پروفیسر غلام محمد قریسی، ڈاکٹر محمود قریشی تے جام منصور نے وی خطاب کیتا

پی پی نے ہمیشہ مسئلہ کشمیر کوں منشور دا حصہ بنڑایا ھِ ، الیاس لولائی

بلاول بھٹو زرداری دی قیادت اچ مسئلہ کشمیر دی تحریک زور پکڑیسی

خان پور (سرائیکی نیوز) پیپلز پارٹی دے تحصیل جنرل سیکریٹری سردار الیاس خان لولائی ، پیر عبدالرحمن صدیق دین پوری ، تے خالد محمود چوھدری راو مسلم رضا ، عبدالمالک کیوڈ ، بابر دھریجہ ، اشفاق گ ھنیہ ، جام شکیل دے نال گالھ مہار کریندے ہووے پیپلز پارتے نے ہمیشہ کشمیریاں دے حق خود ارادیت کیتے آواز بلند کیتی ھِ تے ہمیشہ مسئلہ کشمیر کوں اپنڑیں منشور دا حصہ بنڑاے بلاول بھٹو زرداری دی قیادت اچ انشاء اللہ مسئلہ کشمیر دی تحریک زور پکڑیسی تے کشمیریاں تے تھیون والے مظالم کوں روکا ویسی، پی پی نے ہمیشہ کشمیر دے حل کیتے سفارتی سطح تے موثر اقدامات کیتے ھن

خان پور، بھا لگݨ نال ١٤ ایکڑ کماڊ سڑھ گئی

میونسپل کمیٹی خان پور دی فائربریگیڈ موقع تے پھج گئی تے بھا تے قابو پا گھیدا

خان پور(سرائیکی نیوز ۔ بیورو چیف )چک ٤ پی کے دے نیڑے مقامی زمیندار چودھری شفیق الرحمن دی فصل کماڊ اچ اچانک بھا لگ گئی ، جیکوں ݙیکھدے ھی ݙیکھدے ١٤ ایکڑ توں ودھ فصل کماڊ کوں ساڑھ تے سوا کر گئی ، اطلاع ملݨ تے میونسپل کمیٹی خان پور دی فائربریگیڈ موقع تے پھج گئے تے بھا تے قابو پا گھیدا تاہم آخری اطلاعات تک بھا لگن دی وجہہ معلوم نی تھئی سکی

خان پور، منظور کالونی دے رھائشیاں دا مغوی دی ٻازیابی کیتے احتجاج

خان پور(سرائیکی نیوز۔ ذیشان انور) منظور کالونی دے رھائشیاں سعید احمد ،ف یاض احمد ، ریاض احمد ، قاری عبدالوحید ، عبدالباسط ، محمد شریف درخواستی ، ضیاء الرحمن ، شفیق الرحمن سمیت دیگر نے احتجاج کریندے ہووے صحافیاں کوں ڈسایا کہ بشیر احمد کوں اغواء کیتا گئیا ھِ مغوی دی بیوی ، ضعیف والدہ تے معصوم بال اذیت نال دو چار ھن انہاں نے بشیر احمد دی فوری بازیابی دا مطالبہ کیتا

ظاہر پیر چک کار تے موٹر سائیکل اچ تصادم، ھک نوجوان زخمی

خان پور (سرائیکی نیوز۔ذیشان انور) خان پور ظاہر پیر چوک دے قریب کار تے موٹر سائیکل اچ تصادم ھک نوجوان زخمی ، رسیکو ١١٢٢ ذرائ دے مطابق زخمی تھیون والے ٢٥ سالہ سلیم کوں ابتدائی طبی امداد ڈیوݨ کیتے ہسپتال منتقل کر ݙیتا گئیا۔

صادق آباد، گلف شوگر مل مالکان نے ھار من گھیدی

چانگ برادری دے رانجھا چانگ دی قیادت اچ تھیون والا اجلاس رنگ گھن آیا کاشتکاراں دے تمام مطالبات منظور کر گھیدے۔

صادق آباد(سرائیکی نیوز۔ محمد رمضان تھہیم) رانجھا چانگ دی قیادت اچ تھیون والا احتجاج ر نگ گھن آیا کاشتکاراں دے تمام مطالبات منظور کر گھیدے گئے ریٹ ١٧٢ پرانڑیں سی پی آر تمام پمنٹ کل توں شروع کر ڈیسی ، کٹوتی بند ، گلف شوکر مل مالکان نے ہار من گھیدی چانگ برادری دے رانجھا چانگ دی قیادت اچ تمام مطالبات منوا گھیدے۔

ڈسٹرکٹ بار ایسوسی ایشن جلال پور دی تقریب حلف برداری

تقریب توں ڈسٹرکٹ اینڈ سیشن جج ملتان چوہدری عبدالرشید عابد بار صدر راو عبدالرحمن ایڈووکیٹ نے خطاب کیتا

جلال پور پیروالہ(سرائیکی نیوز ۔ ولی محمد ) ڈسٹرکٹ بار ایسوسی ایشن جلال پور دی تقریب حلف برداری توں ڈسٹرکٹ اینڈ سیشن جج ملتان چوہدری عبدالرشید عابد بار صدر راؤ عبدالرحمن ایڈووکیٹ خطاب کریندے ہووے ڈسٹرکٹ اینڈ سیشن جج ملتان نے نویں کابینہ توں حلف گھیدا تقریب توں ایڈیشنل ڈسٹرکٹ اینڈ سیشن جج جلال پور پیروالہ آفاق احمد ججہ جنرل سیکریتری بار رانا منور حسین ایڈووکیت تے دیگر نے وی خطاب کیتا۔

بلاول بھٹو زرداری دا ہولو گرام ٹیکنالوجی دے ذریعے جیالیاں دے نال خطاب

صادق آباد(سرائیکی نیوز ۔ محمد رمضان تھہیم) صادق آباد حلقہ 296 دے لوگاں دے نال بلاول بھٹو زرداری دا ہولوگرام ٹیکنالوجی دے ذریعے خطاب، جیندے اچ پورے علاوے توں پیپلز پارٹی دے جیالیاں نے کثیر تعداد اچ شرکت کیتی۔ واضح رھاوے ٹیلی فون دے ذریعے خطاب دے کلچر دے بعد ھن ٹیکنالوجی دا سہارا گھیندے ہووے پہلی کوشش پیپلز پارٹی نے کیتی ھِ کہ ہولو گرام ٹیکنالوجی دا استعمال کیتا ونج سکے۔ جیالیاں نے ایں اقدام کوں سراھیے۔

سینئرقانون دان حامد خالد ݙاہر ایڈووکیٹ وفات پا گئے

خان پور(سرائیکی نیوز) سینئر قانون دان حامد خالد ݙاہر ایڈدوکیٹ وفات پا گئے، انہاں دی وفات دے بار ایسوی ایشن دی طرفوں ھک روزہ سوگ دا اعلان کرݙیتا گئے ۔ صدر بار راو عبدالروف ایڈووکیٹ نے آکھیا کہ  اج اکلاء عدالتاں اچ پیس نا تھیسین ۔

جلالپورپیروالا تے اطراف دے چکوک اچ چوری دیاں وارداتاں، پولیس غافل

 جلال پور پیروالہ (سرائیکی نیوز۔ محمد نواز) موٹر سائیکل مافیا جلال پور پیروالہ اچ سرگرم ، تفصیل دے مطابق ماڈل کلر بلیک اراضی ریکارڈ سینٹر اچ کم کرݨ واسطے گئے پندری منڈ بعد واپسی آئے تاں موٹر سائیکل غائب ھا ، فخر عباس مان چک 77 ایم دا رہائشی اپنڑیں کم دے سلسلے اچ اراضی ریکارڈ سینٹر جلال پور پیروالہ آیا گا تے موٹر سائیکل باہر کھڑے کر تے اندر چلا گئیا پندرہ منٹ بعد جئیں ویلے دفتر توں باہر آیا تے موٹر سائیکل موجود نا ھا تے جئیں ویلے شور وایلا کیتا تے تھانڑاں سٹی کوں اطلاع ڈیتی جیندے تے سٹی پولیس حرکت اچ آ گئی تے موقع تے ایس ایچ او سٹی نفری دے نال پھج گئیا تے موقع تے پھج تے کارروائی شروع کر ݙیتی واضح رھاوے گزشتہ 20 ڈنہوار دے اندر کئی شہری اپنڑیں قیمتی سامان تے موٹر سائیکلاں توں محروم تھئی گئے ھن پولیس کاغذی کارروائی تک محدود ھِ آئے ڈنہوار ڈنہیں دیہاڑے موٹر سائیکل چوری دیاں وارداتاں ودھدیاں ویندن تے مقامی پولیس چوراں کوں ھن تک پکڑن تے بے فکر ھِ انہاں وزیر اعلی شہباز شریف تے اعلی حکام توں مطالبہ کیتا کہ شہار دے لوگاں کوں تحفظ فراہم کیتا  ونجے۔ جلال پور پیروالہ تے اطراف دے چکوک اچ ودھن والیاں وارداتاں پولیس دی ناکامی دا منہ بولیندا ثبوت ھن۔ ملزمان کوں فی الفور گرفتار کیتا ونجے تے تاکہ عوام مزید لٹیجن توں بچ سکن۔

جے ݙی ݙبلیو شوگر نے زھر آلودہ پانڑیں بھونگ نہر اچ چھوڑ ݙیتا

بھونگ (سرائیکی نیوز‌ـ ݙاکٹر اسمعیل قادر)جے ݙی ݙبلیو شوگر مل نے بھونڳ ڊی نہر اچ زھر آلوڊہ پانڑیں چھوڑ ݙیتا ،تفصیل ڊے مطابق گزشتہ ݙنہوار اھلیان علاقہ نے انکشاف کیتا کہ نہر دے پانڑیں توں بوں آندی پئی ھِ پانڑیں گندا لگدا پئے تے پتی لگیاں کہ بھونگ اچ قائم شوگر مل جے ݙی ݙبلیو نے نہر اچ کیمیکل والا زھریلا پانڑیں چگوڑ ڈیتے جیندی وجہہ نال دریائی جاندار دے نال نال زناور جو پانڑیں پیندن دریا توں او بیمار تھیوݨ شروع تھئی گئن، علاقہ مکیناں نے ݙپٹی کمشنر تے اعلی حکام توں فوری کارروائی دا مطالبہ کریندے ھووے آکھیا کہ ایں نہر اچ بال وی دھانـ ھیندن ایندے نال جاناں کوں شدید خطرہ ھِ مقامی شوگر مل کوں پابند کیتا ونجے کہ او زھر آلودہ کیمکلز والا پانڑیں نہر اچ نا وھاون.

کور کمانݙر پشاور ڊی خیبرایجنسی اچ منعقدہ تقریب اچ شرکت

راوالپنڈی (سرائیکی نیوز) کور کمانڈر پشاور لیفٹیننٹ جنرل نذیر احمد بٹ نے خیبر ایجنسی اچ پنجھویں بیرا ڈی ریڈیکلائزیشن دی تقریب اچ بطور مہمان خصوصی شرکت کیتی جیندے اچ انہاں اپنڑیں پروگرام کوں مکمل کرݨ تے مبارکباد ݙیتی ۔ آئی ایس پی آر دے مطابق کور کمانڈر پشاور لیفٹیننگ جنرل نذیر احمد بٹ نے خیبر ایجنسی دے دوران امن دی بحالی کیتے سیکورٹی اداریاں دی حمایت کرن تے قبائیلیاں دے کردار کوں سراھیے تے ڈوجہپے پاسے کور کمانڈر راولپنڈی لیفٹیننٹ نرل ندیم رضا نے کنٹرول لائن تے اگلے مورچاں دا دورہ کیتا-جیتھاں انہاں دے نوجواناں دی پیشہ وارانہ صلاحیت تے بھارتی فورسز دیاں خلاف ورزیاں  دا موثر جواب ڈیون تے انہاں دی تعریف کیتی

مشال خان قتل کیس دا فیصلہ اج سنڑایا ویسی

ایبٹ آباد(سرائیکی نیوز) عبدالولی خان یونیورسٹی دے طالب علم مشال خان قتل کیس دا فیصلہ اج سنڑایا ویسی، تفصیل دے مطابق انسداد دہشت گردی دی عدالت ایبٹ آباد دے تحت ہری پور سینٹرل جیل اچ کیس دا فیصلہ اج سنڑایا ویسی، مشال خان دے بھیرا نے امید ظاہر کیتی ھِ کہ انہاں کوں عدالت توں انصاف ملسی، تے انہاں دے بھیرا دے قاتلاں کوں سزا ملسی۔ خیال رھاوے کہ عبدالولی خان یونیورسٹی اچ ١٣ اپریل کوں جرنلزم دے ٢٤ سالہ طالب علم مشال خان کوں مشتعل ہجوم نے توہین مذیب دا الزام لا تے قتل کر ݙیتا ھا کیس اچ ٦١ نامزد ملزمان اچتوں ٥٨ گرفتار ھن انہاں اچ فائرنگ دا اعتراف کرن والا ملزم عمران وی شامل ھِ جبکہ ھری پور دی انسداد دہشت گردی دی عدالت دے جج فض سبحان نے مشال خان قتل کیس دا فیصلہ گزشتہ ماہ ستاوی جنوری کوں محفوظ کر گھیدا ھا، ایں کیس اچ ستمبر 2017 توں جنوری 2018 تک 25 سماعتاں تھئی چکیاں ھن جنہاں اچ 68 گواہ پیس تھئے ھن

تحریک انصاف ٩ فروری لودھراں اچ جلسے دی سلسلے اچ گٹھ جوڑ

جلال پور پیروالہ(سرائیکی نیوز۔ ولی محمد) تحریک انصاف دے این اے 154 لودھراں اچ چیئرمین عمران خان دے 9 فروری دے جلسے کیتے اج ملک محمد ایوب خان گھلو حلقہ پی پی 206 جلال پور پیروالہ دے امیدار دے ڈیرہ تے گٹھ جوڑ تھیا جیندے اچ علاقے وسیب اتحاد دے چیئرمین ملک نذر کانجو یونین کونسل لعل واہ دے وارڈ نمبر 6 دے سابق امیدار جنرل کونسلر ملک لیاقت حسین حسام تے علاقائی معززین نے شرکت کیتی ، تے اپنڑیں تعاون دا یقین ڈیوایا کہ اساں ہر طرح نال بھر پور حمایت دا اعلان کریندے ھیں تے 2018 اچ پی ٹی آئی دی جیت کیے پر امید ھیں تے انشااللہ عمران خان 2018 وزیر اعظم ہوسی، تے پاکستان کوں ھک مضبوچ ریاست بنڑاون اچ اپنڑاں کردار نبھا کریسوں۔

صادق آباد ٹلو روڈ تے تیز رفتار ٹریکٹر ٹرالی دی زد اچ آ تے ھک شخص جاں بحق

صادق آباد (سرائیکی نیوز۔ محمد رمضان تھیم) صادق آباد ٹلو روڈ تے تیز رفتار ٹریکٹر ٹرالی دی زد اچ ھک شخص جاں بحق ، پولیس نے کارروائی کریندے ہووے ٹریکٹر ٹرالر دے ڈرائیور کوں گرفتار کر گھیدا۔

بھکر اچ ݙو گڈیاں تے موٹر سائیکل اچ تصادم، ٥ بندے جاں بحق

بھکر (سرائیکی نیوز) بھکر دی تحصیل کور کوٹ اچ ݙو گڈیاں تے موٹر سائیکل اچ تصادم تھیا ھِ تصادم دے نتیجے اچ ٥ افراد جاں بحق تے ٢  زخمی تھئی گئے ھن ، زخمیاں کوں طبی امداد کیتے ہسپتال منتقل کر ݙیتا گئیا ، حادثہ تیز رفتاری دے وجہہ توں پیش آئے۔

میڈیاں رگاں اچ کشمیری خون ھِ، مریم نواز

 مظفرآباد(سرائیکی نیوز) مریم نواز نے آکھیا ھِ کہ او ڈنہیں وی آ ویسی جئیں ویلے سری نگر اچ ظلم توں نجات دا ڈنہیں منایا ویسی

سرائیکی نیوز دے مطابق مظفر آباد اچ مسلم لیگ ن دے جلسے عام نال خطاب کریندے ہووے مریم نواز دا آکھن ھا کہ کشمیریاں نے ھک سیٹ وی کہیں کوں نی ڈیتی، مریم نواز نے آکھیا کہ مصنوعی لکیر دے ایں پار مقبوضہ کشمیر دے بھیراواں توں وی مخاطب ھاں انہاں نے فخر نال آکھیا کہ میڈیاں رگاں اچ وی کشمیری خون ھِ او ڈنہیں وی آ ویسی جئیں ویلے سری نگر اچ ظلم توں نجات دا ڈنہیں منیسوں۔

 ملک بھر دی طرح جلالپور پیروالا اچ وی کشمیری بھیراواں نال اظہار یکجہتی ریلی

جلال پور پیروالا (سرائیکی نیوز۔ولی محمد ) جلال پور پیروالہ اچ کشمیر ڈے تے مزہبی جماعتاں دے زیر اہتمام کشمیریاں نال اظہار یکجہتی کیتے ریلیاں شہدائے کشمیر دی قربانیاں رائیگاں نا ویسن، کشمیر دی آزادی تک جدوجہد جاری رکھیسوں ، مقررین دا ریلیاں نال خطاب، پورے ملک دی طرح جلال پور پیروالا اچ وی کشمیریاں نال اظہار یکجہتی کیتے کشمیر ڈے تے جماعت اسلامی تے انجمن طلباء اسلام دے زیر اہتمام عیدگاہ چوک توں ریلی کڈھی گئیں جو پرمٹ روڈ توں تھیندی ہووے چوک فوارہ تے اختتام پذیر تھئی ریلی دے شرکاء نے کشمیریاں نال اظہار یکجہتی واسطے پلے کارڈ چا رکھے ھن مقررین نے اپنڑیں خطاب اچ آکھا کہ کشمیر نال ساھ دا رشتہ ھِ  تےے کشمیر اساڈی شہ رگ ھِ کوئی وی طاقت کشمیریاں کوں پاکستان توں الگ نی کر سکدی انہاں جتنا ظلم و بربریت دا مظاہرہ انڈین فوج کشمیر اچ کریندی پئی ھِ تاریخ اچ ایندی کوئی مثال نی ملدی انشااللہ شہدائے کشمیر دی قربانیاں رائیگاں نا ویسن تے انہاں دا خون رنگ گھن آسی تے کشمیر اچ جلد آزادی دا سورج طلوع تھیسی انہاں آکھیا کہ پاکستان نے دنیا دے ہر فورم تے مسئلہ کشمیر دی آواز بلند کیتی ھِ تے کریندا رھاسی ۔ انہاں اقوام متحدہ توں اپیل کیتی کہ او اپنڑاں بھرپور کردار ادا کریندے ہووے کشمریاں دی آزادی کیتے اپنڑاں کردار ادا کرے اگر پر امن حل نا نکلا تے کشمیری عوام اپنڑاں حق حاصل کرن تے مجبور ہوسن، کشمیر ریلیاں توں قاری جام ، اختر ڈاکٹر اظہار الحق ، حکیم خالد محمود دے دیگر انے خطاب کیتا، ریلی اچ علاقہ مکیناں نے کثیر تعداد اچ شرکت کر تے کشمیریاں دے نال یک جہتی دا ثبوت ڈیتا۔

کشمیر اچ بھارت مظالم تے انسانی حقوق دی خلاف وری کرن والیاں تے عالمی برادری دی خاموشی افسوسناک ھِ ،  عبداللہ بن مسعود

خان پور(سرائیکی نیوز۔ ذیشان انور) جمعیت علماء اسلام جنوبی پنجاب دے امیر جرنیل جمعیت مفتی محمد اسعد درخواستی، سینئر نائب امیر مولانا عبدالصمد درخواستی، صوبائی نظام حافظ حسین احمد درخواستی، مفتی سیف اللہ عظیمی ، مولانا ارشد درخواستی، قاری خصر حیات درخواستی نے جو یو آئی (س) دے صوبائی سیکرٹریٹ جامعہ عبداللہ بن مسعود خان پور توں جاری کردہ بیان اچ آکھیا ھِ کہ مقبوضہ کشمیر اچ بھارتی افواج دے مظالم تے انسانی حقوق دی خلاف ورزی تے عالمی برادری دی خاموشی افسوسناک ھِ کشمیر دے معاملے تے عالمہ برادری نے ہمیشہ مجرمانہ کردار ادا کیتا ھِ عالمہ برادری کنگ ھِ انہاں نے آکھیا کہ اج وی دنیا بھر اچ کشمیری ایہو جئے حالات اچ یوم یکجہتی کشمیر منیندے پئے ھن کہ بھارت مظالم دی تاریخ کریندا پیا ھِانہاں نے آکھیا کہ غیور کشمیری قوم بھارتی فورسز دی تمام تر سفاکیت دے باوجود اج وی نا صرف پوری ہمت و استقامت دے نال سینہ تان کے کھڑی ہوئی ھِ بلکہ اسلحہ توں لیس بھارتی فورسز کوں چنے چبویندے پئی ھِ انہاں آکھیا کہ کشمیر واسطے حکمراناں کوں جہاد نی تاں کم از کم سفارتی سطح تے عالمہ فورمز اچ آواز چاون دی لوڑ ھِ ایہو جئی مہم چلائی ونجے کہ اقوام متحدہ کشمیریاں کو حق خود ارادیت ڈیون تے مجبور تھعی ونجے، ھن وی حکمراناں موثر قدم نا چاتا تے کشمیر دے نال نا پاکستان وی ایندا نتیجہ انتہائی بھیانگ نظر آندا پئے انہاں آکھیا کہ مودی کشمیر دا ھی پانڑیں بند کر تے پاکستان کوں بنجر بنڑاون تے تلا ہویا ھِ اے کشمیر دی جدوجہد اچ نرمی دا ہی نتیجہ ھِ بھارت دے ناپاک عزائم کوں ناکام بنڑاون کیتے اساں کوں متحد تھئی تے کشمیر دی آزادی واسطے قدم ودھاونڑاں ہوسی

مسلم لیگ ن شید مشکل حالات دے باوجود ترقیاتی منصوبے مکمل کریندی پئی ھِ ، شیخ فیاض الدین

ایم این اے ١٩٣ شیخ فیاض الدین نے باغوبہار تے گرد و نواح دے چکاں اچ سڑکاں سیوریج تے سولنگ دے  افتتاح کر ڈیتا

خان پور (سرائیکی نیوز۔ذیشان انور) ایم این اے ١٩٣ شیخ فیاض الدین نے باغو بہار تے گرد و نواح دے چکوک اچ سڑکاں ، سیوریج، سولنگ تے بجلی دے بے شمار منصوبیاں دا افتتاح کر ݙیتا، عوام دی طرفوں شیخ فیاض الدین دا باغوبہار پھجن تے شایان شان استقبال کیتا تے مناں پھلاں دیاں پتیاں نچاور کیتیاں مختلف مقامات تے عوامی اجتماعات توں خطاب کریندے ہووے ایم این اے شیخ فیض الدین نے آکھیا کہ مسلم لیگ ن شدید مشکل حالات دے باوجود ترقیاتی منصوبے تیزی نال مکمل کریندی پئی ھِ جاری ترقیاتی منصوبے وی الیکشن توں قبل ھی ہر صورت اچ مکمل کر گھیدے ویسن انہاں آکھیا کہ میڈی تمام تر توجہ پسماندہ ترین علاقیاں دے پاسے ھِ  جیتھاں اج تک کوئی ترقیاتی کم تھیا ھی نی میں چاھنداں ھاں کہ الیکشن توں پہلے اتھاں تمام بنیادی سہولتاں فراہم کر ڈیتیاں ونجن انہاں نے آکھیا کہ باغو بہار تے نال دے چکوک تے وستیاں اچ صاف پانڑی دی فراہمی کیتے ٢٤ کروڑ روپے دی خطیر گرانٹ منظور تھئی چکی ھِ جلد ہی واٹر فلٹریشن پلانٹ لگن شروع تھئی ویسن ایں موقع تے انہاں نے ھک واٹر پلانٹ جو کہ کئی عرصے توں خراب ھا ایں دی مرمت کرواوں کیتے اپنڑی جیب توں پنجھا ھزار روپے وی ڈیتے دریں اثناء ایم این اے ١٩٣ تے باغو بہار یونین کونسل دے چیئرمین نوید خالق دے ہمراہ زیر تعمیر پلیوں تے پلاں دا وی معائنہ کیتا تے ہدایات جاری کیتیاں کہ کہیں وی کم اچ غیر معیاری میٹریل دا استعمال نا کیتا ونجے ایں موقع تے حسووالا ، چک ١٢٢ ، چک ١٢١، چک ١٠٠ ، چک ١٠٢ تے دیگر وستیاں دے لوگاں نے ایم این اے شیخ فیاض الدین کوں اپنڑیں مسائل نال آگاہ کیتا تے مطالبات پیش کیتے جیندے اتے ایم این اے شیخ فیاض الدین نے جلد از جلد تمام تر مطالبات تے کم شروع کراوݨ دا وعدہ کیتا۔

بیوٹی پارلر دا کارنامہ، دلہن دا چہرا ساڑ ݙیتا، قانونی کارروائی دا شکار

قاہرہ(سرائیکی نیور)مصر دے شہار دمنہور نے ھک بینک اچ بطور اکاونٹنٹ کام کرݨ والی ٣٣ سالہ ولاء نے اپنڑی شادی توں ھک ہفتے قبل 11 جنوری کوں ھک بیوٹی پارلر دا رخ کیتا تفصیل دے مطابق ولاء نے بیوٹی پارلر دی انتظامیہ کو ڈسایا ھِ تفصیل دے مطابق ولاء بیوٹی پارلر کی انتظامیہ کو ڈسایا کہ اپنڑیں چہرے توں سیاہ دھبیاں دا خاتمہ چاھندی ھائی جیندے تے ایکوں لیزر دے ذریعے علاج واسطے ھک مشہور خاتون ڈاکٹر دے حوالے کر ڈیتا گئیا تاہم بد قسمتی نال ولاء جئیں ویلے بیوٹی پارلر توں باہر آئی تاں  انہاں دا چہرہ سڑا  گئیا ھا۔ علاء دے وکیل عصام منا نے ڈسایا کہ انہاں دی موکلہ سیاہ دھبیاں دے علاج کیتے مشہور و معروف مرکز گئی ھائی لیزر کارروائی دے دوران ولاء کوں شید تکلیف محسوس تھئی تاہم خاتون ڈاکٹر نے ایکوں معمول دی گالھ قرار ݙے تے مطمئن کرا ڈیتا ھا۔ ڈاکٹر نے آکھیا کہ محض سوزش ھِ جو جلد دی کریماں لاون نال ختم تھئی ویسی ۔ ولاء نے وکیل دے مطابق مذکوری بیوٹی سینٹر دے خلاف استغاثے اچ درخواست دائر کر ݙیتی ھِ

بھارتی فوج دی سیکٹرنیزہ پیر اچ شدید فائرنگ ، ھک شہری شہید تے ٢ بال زخمی

راولاکوٹ(سرائیکی نیوز) بھارتی فوج دی طرفوں لائن آف کنٹرول تے ورکنگ باونڈری تے سیز فائر معاہدے دی خلاف ورزیاں دا سلسلہ بدستور جاری ھِ بھارتی فوج نے راولا کوٹ سیکٹرنیزہ پیر اچ بلا اشتعال فائرنگ دے نتیجے اچ ھک شہری تے ٢ بال زخمی تھئے گئے ھن آئی ایس پی آر دے مطابق بھارتی فوج نے سیز فائر معاہدے دی ھک واری ول خلاف ورزی کیندے ہووے ایل او دے سیکٹر نیزہ پیر اچ فائرنگ کر ݙیتی ، بھارتی شید فائرنگ نال ھک شہری شہید تے ٢ زخمی تھئی گئے زخمیاں کوں ہسپتال منتقل کر ݙیتا گئیا ھِ ڈوجہے پاسے پاک فوج دی طرفوں بھارتی شدید فائرنگ دا انتہائی موثر جواب ݙیتا جیندے باعث بھارتی فوج دی فائرنگ دا سلسلہ رک گئیا۔

قبائلی علاقیاں اچ آپریشن کر تے بہوں بُرا کیتے، عمران خان

اسلام آباد (سرائیکی نیوز) پاکستان تحریک انصاف دے چیئرمین عمران خان نے آکھیا ھِ کہ نقیب اللہ  کوں جیویں قتل کیتا گئیا ھِ ایویں کراچی اچ کئی بے گناہ لوگاں کوں قتل کیتا گئے قبائلی عوام کھلے کینی پورا پاکستان ھن انہاں دے نال کھڑے قبائلی علاقیاں دے لوگاں تے ظلم کیتا گئیا ھِ رشوت تک گھیدی گئی قبائلی لوگاں نے بہوں زیادہ مشکلات دا سامنڑاں کیتے۔ اسلام آباد اچ جاری نقیب اللہ قتل کرن والے راو انوار دی گرفتار کیتے گئے دھرنے توں خطاب دے دوران عمران خان نے آکھیا ھِ کہ فوجی قبائلی علاقیاں اچ نہ بھیجنڑاں چاھندے ھن تے میں این ویلے وی انہاں دی مخالفت کیتی ھائی ایں علاقے اچ آپریشن کر تے بہوں برا کیتے اساڈے وزیراں کوں قبائلی لوگاں دے بارے علم نا ھا تے میں وعدہ کرینداں ھاں کہ قبائلیاں کوں خیبر پختونخاہ اچ ضم کریسوں کیونکہ فاٹا خیبر پختونخواہ اچ ضم تھیونڑاں لازم ھِ راو انوار نے صرف نقیب اللہ کوں قتل نی کیتا ایں نے کئی بے گناہ لوگاں کوں قتل کیتا ھِ جو لاگ لا پتیہ تے بو قصور ھن میں سبھ نال وعدہ کرینداں کہ میں انہاں کوں رھا کرویساں

اوباش نوجواناں دی بال کوں اغواء دی کوشش اساتذہ نے ناکام بنڑاں ڈیتی

صادق آباد(سرائیکی نیوز۔ محمد رمضان تھیم)اوباش نوجواناں دی بال کوں اغواء دی کوشش اساتذہ نے ناکام بنڑاں ڈیتی تفصیل دے مطابق گورنمنٹ سکول تعمیر ملت دے جماعت پنجھویں دے طالب علم عبداللہ کوں چار چھوکرے تھنگ کریندن تے غلط حرکت کرݨ تے مجبور کریندے دی درخواست تے تھانڑاں سٹی صادق توں مطالبہ کیتا گئیا کہ انہاں دی خلاف سخت کارروائی کیتی ونجے گزشتہ ڈنہوار عبداللہ ظفر دے سکول توں چھٹی دے وقت زبردستی اغوا کرن دی کوشش کریندے پئے ھن کہ سیکورٹی انچار تے عبدالستار پی ای ٹی نائب سیکورٹی انچارج خالد محمود نے رکشے والے چھوکریاں کوں پکڑ گھیدا تے طالب علم کوں زبردستی اغواء کر تے گھن ونجن دی کوشش کوں ناکام بنڑاں ڈیتا پکڑے گے چاراں ملزمان دے ناں شہباز احمد ، الہہ بخش ، فاروق احمد ، دلشاد علی ،ھن انہاں کوں پکڑ تے تھانڑاں سٹی اطلاع ڈیتی گئی جئیں تے سب انسپکڑ اشرف سکول آتے تے مذکورہ ملزمان کوں تھانڑں دے حوالے کر ڈیتا تفتیش دے بعد پتہ چلا کہ انہاں اچوں ڈو ملزمان عبدالرحمان تے غفور آباد کوں وی گرتار کر گھیدے ۔

رشتہ داراں نے 16 سالہ زاھد کوں مبینہ زیادتی دا نشانہ بنڑاں ݙیتا

جلال پور پیروالہ(سرائیکی نیوز۔ ملک محمد نواز) جلال پور دے علاقے نوراجہ بھٹہ دے 16 سالہ زاہد کوں قریبی رشتہ دار عرفان ، مجاہد ، سلمان ، فراز نے نشہ ڈے تے زیادتی دا نشانہ بنڑاں ݙیتا، تفصیل دے مطابق قریبی رشتہ دار زاہد  کوں گالھیں اچ گھن تے آئے تے نشہ ڈے تے مدھوشی دے حالات نے سبھ نے زیادتی دا نشانہ بنڑاں ڈیتا، جئیں ویلے حالت خراب تھئی تے پرائیویٹ ہسپتال دے باہروں سٹھ تے بھج گعے، پولیس تھانڑاں سٹی جلال پور نے والد جان محمد دی درخواست دے کارروائی شروع کر ݙیتی۔

کلثوم نواز نے مقابلہ حسن نعت اچ پہلا انعام حاصل کر گھیدا

خان پور (سرائیکی نیوز۔ذیشان انور) سنی تحریک دے زیر اہتمام میونسپل کمیتی جناح حال اچ آل ڈسٹرکٹ مقابلہ حسن نعت دا اہتمام کیتا گئیا ایں موقع تے پروگرام دی صدارت جنرل سیکریتری سنی تحریک پنجاب جواد حسن گل قادری نے کیتی تے ایں پروگرام دے آرگنائزر سنی تحریک دے ضلعہ رہنما وسیم رضا قادری ھن تقریب دے مہمان خصوصی چیئرمین میونسپل کمیٹی میاں شہزاد انور، وائس چیئرمین بلدیہ ندیم اقبال رحمانی ، جنرل سیکریٹری انجمن تاران و کونسلر کمپیٹی میاں شاہد انجم ، خالد شاہین ھن تقریب اچ ڈسٹرکٹ بھر توں سکولاں اچ پڑھن والے طلباے و طالبات نے ایں مقابلے اچ حصہ گھیا تے گل ہائے عقیدت پی شکیتا  آل ڈسٹرکٹ اچ مقابلہ حسن نعت اچ رحیم یار خان دی طلباء کلثوم نواز نے پہلا انعام حاصل کیتا جنہاں کوں خانپور دی الحقیق ٹریولز ایجنسی دی طرفوں عمرے دا ٹکٹ ڈیتا گئیا تے دیگر پوزیشن حاصل کرن والے طلباء و طالبات اچ انعامات تقسیم کیتے گئے ایں پروگرام اچ کثیر اتحاد نے لوگاں نے شرکت کیتی ، ایں موقع تے چیئڑمین میونسپل کمیٹی میاں شہزاد انور تے وائس چیئرمین ندیم اقبال رحمانی نے آکھیا کہ ایں طرح دے پروگرام تھیونڑیں چاھیدے ھن تاکہ طلباء و طالبات اچ جوش و جذبہ پیدا تھیون انہاں آکیا ھِ کہ بال ہی اساڈی قوماں دا سرمایہ ھن انہاں نے ھی اگوں ٹر تے ملک دی باگ دوڑ سنبھالنڑی ھِ

قلیل مدت اچ ترقیاتی منصوبے مکمل کروا تے حلقے ڊی ترقی اچ اپنڑاں موثر کرڊار ادا کیتے، رانا قاسم نون

جلال پور پیروالہ(سرائیکی نیوز۔ولی محمد) قلیل مدت اچ ترقیاتے منصوبے مکمل کروا تے حلقے دی ترقی اچ اپنڑاں موثر کردار ادا کیتے، انہاں خیالات دا اظہار رانا قاسم نون ایم ان اے و ممبر نشینل اسمبلی مسلم لیگ ن نے جلال پور پیر والا سٹی بائی پاس ڊے روڈ دا سنگ بنیاد رکھیندے ہووے کیتا ایں موقع تے انہاں دےنال ہائی وے ڈویلپمنٹ اتھارٹے دے سینئر افسران دے علاوہ چیئرمین میونسپل کمیٹی خواجہ سلیم ، وائس چیئرمین عبدالغفور نعمانی موجود ھن، سرائیکی نیوز دے نمائندے نال گالھ مہاڑ کریندے ہووے انہاں آکھیا کہ اے منصوبہ ١٤ کروڑ توں ودھ دی لاگت تے ٣ مہینے تک مکمل کیتا ویسی ، انہاں آکھیا کہ ٩ کلو میٹر لمبے روڈ دے ڈونہاں طرف سروس لین وچھائی ویسی جیندا نے مقامی زمیندار اپنڑیں اناج فصلاں دی ترسیل شہر تک با آسانی گھٹ وقت اچ کریسن۔ رانا قاسم نون نے آکھیا کہ اے پراجیکٹ عنایت پور، علی پور سادات ، شجاعت پور ، نوراجہ بھٹی ، صدیق آباد تے دین پور دے علاقیاں توں تھیندا ہوویا دریا دے اتوں ویسی ایندے نال کراچی دی مسافت اچ ٤٥ کلو میٹر سفر گھٹ ویسی۔

برین آف صادق آباد دا اعزاز عائشہ اکرم نے اپنڑیں ناں کر گھیدا

خان پور (سرائیکی نیوز۔ ذیشان انور) برین آف صادق آباد دا اعزاز ایں واری پیراماونٹ گرائمر سکول سٹیلائٹ ٹاون دی عائشہ اکرم ولد محمد ارشد نے اپنڑیں ناں کر گھیدا، عائشہ دا ناں ٥٠ سکولوں توں حصہ گھن والے سو توں ودھ طلباء وا طالبات دے درمیان مقابلے اچ عائشہ اکرم نے تریھ راونڈ جیت تے آخری راونڈ اچ سو وچوں 89 نمبر حاصل کر تے کامیابی اپنڑیں ناں کر گھیدی۔

جن پور قومی شاہرہ تے موٹر سائیکل سواراں کوں تیز رفتار ٹرالر نے کچل ݙیتا

خان پور (سرائیکی نیوز۔ ذیشان انور) ٹھل حمزہ ، جن پور قومی شاھراہ تے موٹر سائیکل سوارواں کوں تیز رفتار ٹرالر نے کچل ݙیتا ، ھک موقعے تے ھی جاں بحق تھئی گئیا تے ڈوجہے کوں شدید زخمی حالت اچ خان بیلہ ہسپتال بھجوا ڈیتا گئیا۔

رشوت نا ڈیون دی سزا اساڈی جاء تے کہیں بئے دی بھرتی ھِ ، احتجاج

خان پور (سرائیکی نیوز۔ذیشان انور) محکمہ زراعت دے درجہ چہارم دے ڈیلی ایجز ملازمین دا محکمہ زراعت دے چیئرمین اسلم ندیم تے زراعت افیسر فدا حسین دے خلاف دفتر دے باہر اپنڑیں دیگر رشتہ داراں دے نال احتجاجی مظاہرہ تے شدید نعرے بازی کیتی ، صحافیاں نال گالھ مہاڑ کریندے ہووے احتجاج کرن والے ملازمین سلیمان جمیل ، محمد اکمیل تے محمد وسیم نے آکھیا کہ ٦ سال توں محکمہ زراعت اچ ڈیلی عیجز ملازمین دے طور تے کم کریندے پئے ھیں محکمہ زراعت اچ جئیں ویلے مستقل بنیاداں تے نوکریاں کیتے آسامیاں آندیاں ھن تاں او پہلے اپنڑیں کائذات ایں بنیاد تے جمع کرویندے کہ ٦ سال توں کم کرن والیاں دا پہلا حق بنڑدے لکن افسیران محکمہ زراعت اسلم ندیم تے فدا حسین نے پہلے اساں توں رشوت طلب کیتی کہ جو اساں غربت دے باعث ادا نی کرسکے تاں انہاں نے انہاں اسامیاں تے اساڈی بجائے اپنڑیں قریبی رشتہ داراں کوں بھرتی کر گھیدا تے اساڈی حق تلفی کیتی ھِ احتجاج کرن والے افراد نے ارباب اختیار توں فوری نوٹس گھن تے اصلاح و احوال کرن دا مطالبہ کیتے ایں موقع تے محکمہ زراعت افیسران اسلم ندیم تے فدا حسین نال رابطہ کرن دی کوشش کیتی گئی لیکن رابطہ نا تھئی سکیا۔

سجادہ نشین دربار فرید خواجہ راول معین کوریجہ خواجہ فرید روہی امن میلہ دی جاء دا دورہ کریندے ہووے

خان پور (سرائیکی نیوز۔ذیشان انور) سجادہ نشین دربار فرید خواجہ راول معین کوریجہ سئیں خواجہ فرید روہی امن میلہ کمیٹی دے نال میلے دی تیاریاں واسطے منتخب گراونڈ دا دورہ کریندے ہووے ۔ ایں موقع تے جام حاجی عطا محمد لاڑ ، جام نادر مھراب ، شہزاد وسیر ، راء گل شیریرھار و دیگر موجود ھن، یاد رھاوے کہ ٢٠ واں سالانہ خواجہ فرید روہی 16،15،14 فروری 2018ء کوں جھوک فرید تحصیل لیقت پور ضلع رحیم یار خان دے مقام منعقد تھیندا پئے۔

خان پور، ١٠٠ توں ودھ مشکوک گھراں ڊا سرچ آپریشن

سٹی پولیس دی شہری حدود اچ صدیق اکبر کالونی ، محلہ فرید آباد گولڈن سنیما سمیت دیگر جاواں تے سرچ آپریشن کیتا گئیا ، نامکمل کوائف دے حامل بندیاں کوں مزید پچھ کچھ واسطے سٹی تھانڑیں منتقل کر ݙیتا گئیا

خان پور(سرائیکی نیوز۔ذیشان انور) سرکل پولیس افیسر مہر عبدالطیف دی ہدایات تے سٹی پولیس نے شہری حدود صدیق اکبر کالونی ، محلہ فرید آباد ، گولڈن سنیما سمیت دیگر جاواں تے سرچ آپریشن کیتا جیندے اچ ١٠٠ دے قریب مشکوک گھراں دی تلاشی گھیدی گئی تے انہاں دے کوائف چیک کیتے گئے ھک درج توں ودھ بندیاں دے کوائف نا مکمل ہوون تے انہاں توں مزید پچھ گچھ کیتے تھانڑاں سٹی منتقل کر ݙیتا گئیا سرچ آپریشن اچ تھانڑاں اسلام گڑھ ، تھانڑاں صدر تے تھانڑاں سٹی پولیس دی بھاری نفری نے حصہ گھیدا ایں حوالے نال گالھ مہاڑ کریندے ہووے سرکل پولیس افیسر مہر عبدالطیف نے آکھیا کہ مشتبہ بندیاں دے خلاف روزانہ دی بنیاد تے سرچ آپریشن کیتے ویندے پئے ھن انہاں نے آکھیا کہ جرام پیشہ بندیاں دے گرد گھیرا تنگ کر تے انہاں کوں قانون دے دائرے اچ گھن آونڑیں ، شہریاں دی جان و مال دا تحفظ پولیس دی اولین ذمہ داری ھِ جیندے کیتے پولیس دے جوان ڈنہیں رات کم کریندے پئے ھن انہاں آکھیا کہ جرائم پیشہ بندیاں دی سرکوبی کیتے عوام پولیس دے نال تعاون کرن تے کہیں قسم دی مشکوک سرگرمی یا مشکوک شخص دی اطلاع فوری طور تے پولیس کوں کرن اطلاع ڈیوݨ والے دا ناں مکمل طور تے صیغہ راز اچ رکھا ویسی۔

ایم این اے رانا محمد قاسم نون جلالپور پیروالہ سٹی ٻائی پاس روڈ ڊا اج سنگ بنیاد رکھیسن

سٹی بائی پاس روڈ تے لاگت ١٣ کروڑ توں ودھ آسی، ساڑھے ٩ کلومیٹر ڊا روڈ خان بیلہ، عنایت پور، علی پور سادات، شجاعت پور ، نوراجہ بھٹہ ، صدیق آباد تے دین پور نال ملسی

٩ کلو میٹر لمبے روڈ دے ڈونہاں پاسے سروس روڈ ڈیتا ویسی تاکہ کساناں کوں اپنڑاں اناج دی ترسیل اچ سہولت پھجے تے اپنڑیاں فصلاں جلد شہراں تک پھجا سکن

جلال پور پیروالہ(سرائیکی نیوز۔ولی محمد) جلال پور پیروالہ سٹی بائی پاس دا سنگ بنیاد اج رکھا ویسی، تفصیل دے مطابق ایم این اے  ممبر نیشنل اسمبلی مسلم لیگ ن رانا محمد قاسم نون جلال پور پیروالہ سٹی بائی پاس دے روڈ دا سنگ بنیاد رکھیسن، ایں موقع تے انہاں دے نال ھائی ڈویلپمنٹ اتھارٹی دے سینئر افسران دے علاوہ چیئرمین میونسپل کمیٹی خواجہ سلیم ستار ، وائس چیئرمین عبدالغفور نعمانی نال ہوسن۔ ایں منصوبے تے ١٣ کروڑ توں ودھ دی لاگت آسی تے ٢ـ٣ مہینے دی مدت اچ اے پراجیکٹ مکمل تھئی ویسی ،  ٩ کلو میٹر لمبے روڈ دے ڈونہاں پاسے سروس روڈ ڈیتا ویسے جو خان بیلہ ، عنایت پور ، علی پور سادات ، شجاعت پور ، نوراجہ بھٹہ ، صدیق آباد تے دین پور نال ملسی، ایں پراجیکٹ دے نال کساناں کوں اپنڑیاں فصلاں کم وقت اچ شہر تک پھجاون اچ سہولت ملسی، نال نال اے روڈ جلال پور پیروالہ دریا دے اتوں لھنگ تے کراچی ہائی وے دے نال ونج ملسی جیندے نال سفر مزید ٤٥ کلو میٹر تک گھٹ ویسی۔

جلال پور پیروالہ گرݙسٹیشن توں بجلی ڊی فراہمی کل بند رھاسی

جلال پور پیروالہ(سرائیکی نیوز۔ محمد نواز) جلال پور پیروالہ توں بجلی ڊی فراہمی کل بند رھاسی، تفصیل میپکو ترجمان دے مطابق 132 کے وی جلال پور پیروالہ گرݙسٹیشن سے بجلی دی فراہمی کل سویر ساڈھے نوں ونجے توں ݙوپہار ساڈھے  تریھ وجے تک بند رھاسی۔ ایں بندش نال ١١ کے وی ظفر آباد ، غازی پور ، خان بیلہ ، بیلی شریف، مخدوم جہانیاں، علی پور ، انڈسٹریل سٹیٹ جلال پور ، بہادر پور ، کوٹلہ ، سٹی ، نوراجہ بھٹہ، قادر پور ، گلشن اقبال، پیرقتال تے سید اللہ پور فیڈز متاثر تھیسن۔

جھوک فرید ، ٣ روزہ روہی امن میلے دیاں تیاریاں شروع

خان پور (سرائیکی نیوز۔ ذیشان انور) جھوک فرید دے مقام تے ٣ روزہ روہی امن میلے دیاں تیاریاں شروع، میلہ بتاریخ 14،15، تے 16 فروری کوں منعقد تھیسی، اوندے اچ کیا کیا ہوسی ایندیاں جھلکیاں ملاحظہ کرو

ایں واری میلے تے خواتین واسطے وی خصوصی اہتمام تھیندا پئے ، وسیب اچ وسن والے روہی امن میلے اچ بالاں بچیاں دے نال شرکت کرو۔

خان پور سٹی تھانڑیں دی کامیاب کارروائی موٹر سائیکل برآمد

خان پور (سرائیکی نیوز۔ذیشان انور) سٹی پولیس دی فوری کارروائی موٹر سائیکل چوری دی واردات ناکام بنڑاں ڈیتی ، تفصیل دے مطابق غزالی ٹاون دے رہائشی رشید احمد نے اپنڑیں موٹر سائیکل گلی اچ لاک کر تے کھڑی کیتی تے گھر دے اندر چلا گئیا کجھ دیر بعد باہر آیا تے موٹر سائیکل موجود نا ھا جیندے تے رشید احمد نے فوری چور تے ١٥ تے کال کیتی جئیں تے تھانڑاں سٹی دے اے ایس آئی منور شاہ تے محرر ابوبکر سانگھی موقعے تے روانہ تھئے لشکری وستی دے نزدیک موٹر سائیکل چور دوراں پولیس کوں آنداں ڈیکھ تے موٹر سائیکل سڑک تے ھی چھوڑ تے گلیاں اچ بھج گئیا پولیس نے موٹر سائیکل قبضے اچ گھن گھیدی ایں اثناء اچ موٹر سائیکل مالک رشید احمد دے حوالے کر ڈیتا ایں موقعے تے رشید احمد نے نمائندہ سرائیکی نیوز ذیشان انور نال گالھ مہاڑ کریندے ہووے آکھیا کہ تھانڑاں سٹی پولیس دی فوری کارروائی دی وجہہ نال میڈی موٹر سائیکل میکوں واپس ملی ھِ تے چوری دی واردات ناکام تھئی ھِ جئیں تے اساں سٹی پولیس کوں خراج تحسین پیش کریندے ھیں۔

نواز شریف ذاتی اقتدار کیتے عدلیہ دا وقار مجروح نا کرے، راجہ محمد سلیم

خان پور (سرائیکی نیوز۔ ذیشان انور) میاں محمد نواز شریف ذاتی اقتدار کیتے عدلیہ دا وقار مجروح کریندے پئے ھن انہاں خیالات دا اظہار پاکستان تحریک انصاف حلقہ این اے ١٩٣ دے امیدوار ٹکٹ راجہ محمد سلیم نے پی ٹی آئی رہنماوواں دے مختیار احمد گجر ، چوہدری مشتاق احدم ، نعمان وینس دے ہمراہ صحافیاں نال گالھ مہاڑ کریندے ہووے انہاں نے آکھیا کہ عدالتاں تے اساڈی بنیاد قائم ھِ کل تک آئین تے قانون دا مذاق اڈاون والے اج عدلیہ دے خلاف وی بیان بازی اچ سبھ توں اگوں ھن چند سرمایہ دار خانداناں دے ہتھ توں اقتدار ونجن لگے تاں خاندان متحد تھئے تے ملک دیاں جڑاں کھوکھلیاں کرݨ دے در تے ھن انہاں نے آکھیا کہ نا اہل وزیر اعظم میاں نواز شریف کوں تریھ صوبیاں دی عوام نے یک مشت مسترد کر ڈیتا ھِ پنجاب تے کاروباری تے سرمایہ دار طبقہ دے ذریعے قابض میاں نواز شریف اپنڑی بدزبانی تے شور شرابے نال دوبارہ وزیر اعظم بنڑݨ دی ناکام کوششاں کریندے پئے ھن عدالتی فیصلے کڈھیں واپس نی تھیندے ، نا اہل وزیر اعظم ڈساون کہ ملک بھر اچ انہاں دی پارتی اچ ایہو جئے لوگ کینی جنہاں کوں قیادت ڈیتی ونج سکے، میاں نوازش شریف تے انہاں دا خاندان ھی بادشاہت کرن واسطے پیدا تھئے ملک بھر اچ جاری غربت تے مہنگائی ایں سرمایہ دار طبقے دی وجہہ توں ھی پاکستان تحریک انصاف آئندہ الیکشناں اچ مسلم لیگ ن دی قیادت کوں ایندا اصل شیشہ ڈیکھسی عوام کوں کرپشن تے نا انصافی دے خلاف تبدیلی کیتے تحریک انصاف کوں ووٹ ڈیونڑاں ہوسی تاکہ معاشرہ تیزی نال ترقی دے رسطے تل چلے تے چند خانداناں دی بادشاہت توں نجات ملے۔

عمران خان دا خواجہ آصف دی نا اہلی کیتے عدالت ونجن دا فیصلہ

بنی گالہ(سرائیکی نیوز) چیئرمین تحریک انصاف عمران خان نے وزیر خارجہ خواجہ آصف دی نا اہلی کیتے سپریم کورٹ نال رجوع کرݨ دا فیصلہ کر گھیدا، تفصیل دے مطابق ٹوئیٹر پیٹام اچ چیئرمین پی ٹی آئی عمران خان دا آکھن ھا کہ عدالت توں خواجہ آصف نااہلی کیس دی جلد سماعت دی درخواست کریسوں

Imran Khan
✔
@ImranKhanPTI
We are petitioning SC for an early hearing of the case against Kh Asif as he is a grave security risk in the sensitive office he holds. He has a foreign domicile, works for a foreign concern, receives salary from abroad & has foreign bank accts – all of which he did not declare.

6:01 PM – Feb 1, 2018
269 269 Replies 1,473 1,473 Retweets 4,040 4,040 likes
Twitter Ads info and privacy

عمران خان نے آکھیا کہ خواجہ آصف غیر ملکی کمپنی دے ملازم تے تنخواہ دار ھن جبکہ غیر ملکی اقامہ ہولڈر خواجہ آصف سیکیورٹی رسک ھن انہاں نے آکھیا کہ خواجہ آصف نے غیر ملکی بینک اکاونٹ کوں ظاہر نی کیتا۔ واضح رھاوے کہ پچھلے سال وزیر خارجہ خواجہ آصف دے خلاف اسلام آباد ہائی کورٹ اچ ھک درخواست دائر کیتی گئی ھائی جیندے اچ انہاں اعتراف کیتا ھا کہ انہاں کول دبئی دا اقامہ ھِ تے او ھک کمپنی توں ماہانہ پنجھا ھزار درھم تنخواہ وی گھیندے ھن۔

شہباز شریف بین الاقوامی سطح دے لیڈر ثابت تھیسن، شوکت داؤد

صادق آباد(سرائیکی نیوز۔اسمعیل قادر میرانی) پاکستان اچ لیڈر شپ دی کمی کوں ھک صورت اچ ھی پورا کیتا ونجا سکدا ھِ کہ آئندہ وزیر اعظم شہباز شریف ھوون ایں صورت اچ او بین الاقوامی سطح دے لیڈر ثابت تھیسن انہاں خیالات دا اظہار پاکستان مسلم لیگ ن دے صوبائی رہنما و سابق صوبائی وزیر مال چودھری شوکت داود نے پارٹی کارکناں دے نال گالھ مہاڑ کریندے ہووے کیتا انہاں آکھیا کہ میاں شہباز شریف دے وزیر اعظم بنڑن دے بعد پاکستان اچ ترقی دا عمل بدستور جاری رھاسی ، انہاں نے آکھیا کہ مسلم لیگ ن اچ اتحاد تے یگانگت دی فضا بدستور قائم ھِ ماضی دے مقابلے اچ پاکستان روشن پر امن تے معاشی طور تے مضبوط تھئی چکا ھِ

یوم یکجہتی کشمیر بھرپور انداز اچ منیسوں، ݙاکٹر انوار الحق

رحیم یار خان (سرائیکی نیوز) ضلعی امیر جماعت اسلامی ݙاکٹر انوار الحق نے ٥ فروری کوں یوم یکجہتی کشمیر مناوݨ دی تیاریاں بارے اجلاس دی صدارت کریندے ہووے آکھیا ھِ کہ جماعت اسلامی نے پنجھ فروری یوم یکجہتی کشمیر مناوݨ دیاں تیاریاں دا آغاز کر ݙیتے پورے پاکستان دی طرح ضلعے بھر اچ جماعت اسلامی کشمیریاں دے نال اظہار یکجہتی کیتے طویل ترین انسانی ہتھاں دیاں زنجیراں بنڑیسی جیندے اچ تمام سیاسی مذہبی جماعتاں ، سماجی تنظیماں سمیت تاجر برادری ، وکلاء سکول تے کالج دے طلباء شرکت کریسن۔ انہاں آکھیا کہ پاکستان دی بقا الحق کشمیر نال وابستہ ھِ بھارت کوں کشمری تے غاصبانہ قابض تھئے ستر سال تھئی چکے ھن ہر سال دی طرح ایں سال وی عظیم الشان انسانی ہتھاں دی زنجیریاں جلسے جلوس تے ریلیاں کڈھیسی، مختلف کمیٹیاں دے سربراھان ممبران تے ارکان نے شرکت کیتی تے تیاریاں بارے آگاہ کیتا ۔

پیٹرول ڊی قیمتاں اچ اضافہ نال مہنگائی ڊا طوفان بھپھر گئے، شہری

پہلے ہی عوام مہنگائی ڊی چکی اچ پسدی پئی ھِ ، وجاہت ، شہزاد، حافظ امجد  ، کلیم چاچڑا تے دیگراں

خان پور(سرائیکی نیوز۔ ذیشان انور)پیٹرولیم مصنوعات دی قیماتاں اچ اضفے دے نال نال مہنگائی دا نواں طوفان بھپھر گئے پاکستان او واحد ملک ھِ جیتھاں پیٹرولیم مصنوعات دی فی لیٹر قیمت اچ شامل حکومتی ٹیکس سب توں زیادہ ھِ حکومت پیٹرولیم مصنوعات دیاں قیمتاں اچ اضافہ نا کرے انہاں خیالات دا اظہار سیاسی سماجی شخصیات وجاہت بشیر جتوئی ، تنظیم انجمن شہزاد دے چیئرمین مک شہزاد ، حافظ میاں محمد امجد ، ریئس محمد کلیم چاچڑ، میاں یحیی نواز ایڈووکیٹ تے ریئس ندیم چاچڑ نے کیتا انہاں آکھیا کہ ھک تاں لوگ پہلے مہنگائی دی چکی اچ پسیدے پئے ھن ڈوجہے پاسے حکومت ہر روز پیٹرولیم مصنوعات دیاں قیمتاں اچ اضافہ کر تے مہنگائی دا نواں طوفان کھڑا کر ݙیندی ھِ

جلالپور پیروالہ، تیز رفتاری ڊی وجہہ توں موٹر سائیکلاں دی ٹکر

جلال پور پیروالہ (سرائیکی نیوز۔ ولی محمد) جلال پور پیر والہ اچ ملتان روڈ تے تیز رفتاری دے وجہہ توں ݙو موٹر سائیکلاں دی ٹکر تھئی گئی جیندی مد اچ ڈو نوجوان شدید زخمی تھئی گئے حادثہ دی جاء تے ١١٢٢ موقع تے بھج گئے تے ابتدائی طبی امداد دے بعد ڈونہاں کوں بہاولپور وکٹوریہ ہسپتال بھیج ڈیتا گئیا ، نمائندہ سرائیکی نیوز ولی محمد دے مطابق زخمی تھیون والے دا ناں جہانگیر اسلم ھا۔

ݙاھڑی دے ڈیزائن بنڑاون تے پابندی، خلاف ورزی کرݨ والیاں دی خلاف سخت کارروائی کریسوں، اسٹنٹ کمشنر

جلال پور پیروالہ(سرائیکی نیوز۔ محمد نواز ) اسٹنٹ کمشنر دالبندین نے حکم نامہ جاری کر ڈیتا کہ سنت نبوی صلی اللہ علیہ و آلہ و سلم کوں ملوظ خاطر رکھیندے ہووے تمام بیوٹیشن ، حجام تے حمام مالکان کوں سختی نال ہدایت کیتی ھِ کہ ڈیزائن والی ڈاھڑی ہرگز نا بنڑائی وجے، ایں عمل تے مکمل پابندی ھِ جئیں نے وی پابندی دی خلاف ورزی کیتی ایندے خلاف سخت قانونی کارروائی عمل اچ گھن آئی ویسی۔

ایم این اے حلقہ این اے ١٩٤ نےسوئی گیس پائپ لائن دے منصوبیاں دا افتتاح

خان پور(سرائیکی نیوز۔ ذیشان انور) ایم این اے حلقہ این اے ١٩٣ شیخ فیاض الدین ، ایس ڈی او محکمہ سوئی گیس وقاص قاسم، چوہدری محمد آصف حنیف تے دیگر دے ہمراہ وارڈ نمبر ٣٦ غریب آباد ، وارڈ نمبر ٣٩ محمود آباد سمیت نزدیگی علاقیاں اچ ھزاراں فٹ نویں سوئی گیس پائپ لائن دے مختلف منصوبیاں دا افتتاح کر ڈیتا، کونسلر خواجہ ایاز کریم ، صابر ارشد، ملک حسن محمود ، قاضی احسان ، ملک شماد دے علاوہ ملک شہزاد ، محمد شریف گجر، زاہد بشیر ، ماسٹر ریاض احمد ، محمد عدنان ، حاجی ذوالفقار ، شاہد محمد ، قاضی محمد اسلم ، محمد یاسین مغل ، راو عبدالعزیز ، محمد اسحاق عباسی ، محمد حنیف مغل، محمد نعیم مغل، حافظ محمد دین محمدی و دیگر وی انہاں دے ہمران موجود ھن۔

القدس، فلسطینی دیہاتاں کوں اسرائیلی فوج ڊے کنٹرول اچ ݙیوݨ ڊا فیصلہ

مقبوضہ بیت المقدس(سرائیکی نیوز۔ یو این پی) اسرائیل دے کثیر الاشاعت عبرانی اخبار ہارٹز نے اپنڑی رپورٹ اچ انکشاف کیتا ھِ کہ حکومت نے مشرقی بیت المقدس اچ واقعے تمام فلسطینی دیہاتاں تے کالونیاں کوں اسرائیلی فوج تے سیکورٹی اداریاں دے کنٹرول اچ ڈیون دا فیصلہ کیتا ھِ

اخباری رپورٹ اچ آکھیا گئیا ھِ کہ اسرائیلی پولیس دیوار فاصل دے ڈوجہے پاسے فلسطینی دیہاتاں اچ امن و امان دے قیام اچ ناکام رھی ھِ ایں واسطے اوتھاں فلسطینی مزاحمت کاراں دی تلاش تے انہاں دے خلاف کارروائی آئندہ چند روز دے دوران علاقے اچ فوج تعینات کیتی ویسی۔ رپورٹ اچ مزید آکھیا گئیا ھِ کہ حکومت نے شعفاط کالونی ، کفر عقب تے دیگر فلسطینی دیہاتاں کوں فوج دے حوالے کرن دا فیصلہ کیتا ھِ  کیونکہ انہاں دیہاتاں دی مجموعی آبادی ڈیڑھ لکھ ھِ تے اسرائیلی حکومت دی طرفوں انہاں فلسطینیاں کوں گرین کارڈ جاری کر رکھا ھِ ڈوجہے پاسے بعض فلسطینیاں دے پاس فلسطینی قومی شناختی کارڈ ھن۔

اساݙی جنگ افغان حکومت نال کینی امریکا نال ھِ ، طالبان ترجمان

کابل (سرائیکی نیوز) افغان طالبان نے آکھیا ھِ کہ انہاں دی جنگ افغان حکومت نال کینی جارح امریکا نال ھِ جنگ اچ واشنگٹن کوں مزید کئی گنا زیادہ جانہ تے مالی نقصان چاونڑاں ہوسی۔

امریکی ٹی وی دے مطابق طالبان ترجمان ذبیح اللہ مجاھد نے ھک بیان اچ آکھیا کہ امریکی صدر اپنڑیں جنگ و جدل دے بیان اچ طالبان توں پھلاں دی بجائے سخت رد عمل دی توقع رکھے، ذبیح اللہ نے آکھیا کہ ڈونلڈ ٹرمپ کوں جنگ اچ مزید جانی تے مالی نقصان چاونڑاں ہوسی۔کیونکہ طالبان نے ہمیشہ باہروں آون والے حملہ آواراں دا مقابلہ کیتا ھِ تے کریندے رھاسن۔

ورکشاپ اچ سیلنڈر دھماکہ، کار مکینک ویلڈنگ کریندے سڑ گئے

خان پور ( سرائیکی نیوز۔ ذیشان انور) خان پور دوآبہ روٹ تے گیس سلینڈر دی ٹینکی پھٹ گئی، ݙو نوجوان سڑ گئے ، تفصیل دے مطابق خان پور دے علاقے اچ کار مکینک بندے مشاہد تے صابر ویلڈنگ کریندے پئے ھن کہ اچانک سلنڈر پھٹ گئیا، جیندی وجہہ توں ڈونہاں دا جسم سڑ گئیا ، ڈونہاں کوں مقامی اسپتال طبی امداد واسطے داخل کر ڈیتا گئیا ،ڈاکٹراں نے حالت تشویشناک قرار ڈے ڈیتی۔

جیویں کریسو اویں بھریسو، پیو کوں قتل کرن والا بھیرا دے ہتھ قتل

صادق آباد(سرائیکی نیوز۔ محمد رمضان) دیپالپور دے علاقے حویلی لکھا دیہات رتیکی توں گزشتہ روز اغواء تھیون والے رائے نسیم کوں جائیداد دے لالچ اچ بھیرا نے بے دردی نال قتل کر ڈیتا نعش کھڈے اچ دفنا ڈیتی، پولیس نے تفتیس دے دوران دیہات رتیکی اچ نعش برآمد کر تے ایندے لوگاں دے بیان تے کہ مقتول نسی نے چند سال پہلے جائیداد دے تنازعہ اچ اپنڑیں پیو کوں قتل کر ڈیتا ھا ھن ڈونہاں بھیراواں تے پتر دے درمیان جائیداد دا تنازعہ چلدا پیا ھا، ایندے بھیرا مقصود تے ایندے پتر اعظم نے ایکوں مار تے دفنا ڈیتا۔ پولیس نے نعش برآمد کر تے ملزمان کوں پکڑن واسطے چھاپے مارݨ شروع کر ڈیتے۔