مشاہد حسین دا ن لیگ دی کشتی اچ سوار تھیوݨ دا فیصلہ
لاہور(سرائیکی نیوز۔ جاوید رسول) سینئر سیاست دان مشاہد حسین سید نے مسلم لیگ ق دی رکنیت توں استعفی ݙے ݙیتا چوہدری برادرن دا ساتھ چھوڑݨ والے مشاہد حسین دی نویں منزل ن لیگ ھِ سینیٹ انتخابات اچ ن لیگ دی طرفوں امیدوار ہوسن۔ سینئر سیاست دان مشاہد حسین سید نے ق توں ن لیگ دی کشتی اچ سوار تھیوݨ دا فیصلہ کر گھیدا ، مشاہد حسین نے اپنڑاں استعفی چوہدری شجاعت کوں بھجوا ݙیتا۔ مشاہد حسین نے اج لاہور اچ مسلم لیگ ن دے صدر نواز شریف نال خوشگور ماحول اچ ملاقات کیتی۔ ق لیگ دی رکنیت توں مستعفی تھیون والے مشاہد حسین سید سینیٹ انتخابات اچ ھن مسلم لیگ ن دے امیدوار ہوسن۔
