بد دیانتی دا الزام سب انجینئر میونسپل کمیٹی معطل، چیف افسر کوں کم کرݨ توں روک ݙیتا

0
5

بد دیانتی دا الزام سب انجینئر میونسپل کمیٹی معطل، چیف افسر کوں کم کرݨ توں روک ݙیتا

احمد پور شرقیہ(سرائیکی نیوز۔ عطاء المومن)بلدیہ احمد پور شرقیہ دا ہنگامی اجلاس منعقد تھیا جیندی صدارت کنوینئر سینئر کونسلر حاجی شفیق کھوکر نے کیتی تے مہمان خصوصی چیئرمین بلدیہ احمد پور شرقیہ ملک عثمان رشید بوبک ھن، اجلاس اچ ٢٤٠ کونسلراں نے چیئرمین بلدیہ کوں درخواست پیش کیتی ھائی جیندے اچ الزام عائد کیتا گئیا ھا کہ چیف افسر بلدیہ احمد پور شرقیہ شیخ اشفاق احمد فرائض اد بددیانتی کریندے پئے ھن ۔ سب انجینئر ملک عباس چنڑا اپنڑیں عہدے دا غلط استعمال کریندے پئے ھن انہاں افسران دے خلاف متفقہ قرار داد منظور کر گھیدی گئی جیندے تے چیئرمین بلدیہ احمد پور شرقیہ ملک عثمان رشید بوبک نے ہاوس دی منظورہ تے چیف افسر احمد پور شرقیہ شیخ اشفاق احمد دے خلاف سیکرٹری بلدیات لاہور کوں ریفرنس بھیج تے انہاں کوں اپنڑیں کم کرݨ توں روک ڈیتا سب انجینئر ملک عباس چنڑ کوں عہدے توں ہٹا ڈیتا ، درخواست ڈی سی او بہاول پور کوں بھجوا ڈیتی ھِ جبکہ سیورمین صغیر کوں بحال کر ݙیتا گئے ۔ چیئرمین بلدیہ ملک عثمان رشید نے اجلاس نال خطاب کریندے ہووے آکھیا کہ بلدیہ اچ کرپشن بالکل نا چلن ڈیساں، کرپٹ افسران کوں فارغ کر ڈیسوں، احمد پور شرقیہ کوں مثالی تے ماڈل شہر بنڑیسوں۔ اجلاس اچ کونسلراں دی تعداد موجود ھائی مقررین اچ ملک راشد کھرل ، حاجی ارشد کھوکھر ، صدیق آژم ، آصف گوندل ، سنی کریم ، بیدکھور، حاجی شفیق کھوکھر ، حاجی اشرف بلوچ ، لالہ تنویر جٹ ، شیخ محمد قسم ، ارسلان مجید ، محمد حنیف قریشی ، حاجی یوسف کھوکھر تے شبیر عباسی شامل ھن

LEAVE A REPLY

Please enter your comment!
Please enter your name here