بھارتی مظالم دے خلاف سینہ سپر کشمیری عوام دا ساتھ ڈیوݨ کیتے اج پوری قوم یوم یکجہتی منیسی

کراچی(سرائیکی نیوز۔ فیصل شہزاد چغتائی) دنیا بھر اچ یوم یکجہتی کشمیر منایا ویسے جیندا مقصد اقوام متحدہ دی قرار داداں دے مابق اپنڑیں حق خود ارادیت دے حصول کیتے جدوجہد کرݨ والے کشمیری عوام دے نال یکجہتی دا اظہار کرݨ ھِ  اے ڈنہیں مناوݨ دا مقصد دنیا کوں ھک واضح پیغام ڈیوݨ ھِ کہ پاکستانی تے کشمیریاں دے دل ھک نال دھڑکدے ھن، آزاد کشمیر سمیت پاکستان اچ عام تعطیل دا اعلان کیتا گئیا ھِ تفصیل دے مطابق یوم یکجہتی کشمیر دے سلسلے اچ مقبوضہ کشمیر دی تحریک آزادی دے شہداء کو خراج عقیدت پیش کرن  کیتے سویرے ١٠ وجے ھک منٹ دی خاموشی اختیار کیتی ویسی ۔ گوہالہ پل، منگلہ پل تے پاکستان تے آزاد کشمیر کوں ملاون والے ڈوجہے رستیاں تے انسانی ہتھاں دیاں زنجیراں بنڑائی ویسی ، کشمیری عوام دی حالت زار دی طرف عالمی برادری دی توجہ ڈیواوݨ واسطے آزاد کشمیر تے مک بھر اچ ریلیاں عوامی اجتماعات تقریبات تے سمینار منعقد کیتے ویسن۔

صدر ممنون حسین اج اسلام آباد اچ یوم یکجہتی کشمیر دی مرکزی تقریب اچ میزبانی کریسن او کشمیری بھیراواں دے نال اظہار یکجہتی کیتے قومی اتحاد دی آئینہ دار تقریب کریسن ۔ حریت کانفرنس دی قیادت دی اہم سیاسی تے سماجی شخصیات تے دانشور تقریب توں خطاب کریسن، کشمیر دی عشراں پرانڑیں جدوجہد دے بارے اچ دستاویزی فلماں وی ڈکھایاں ویسن۔

کشمیری ثقافت تے روایات کوں فروئ ڈیون کیتے ثقافتی پراگرام فیسٹیول وی منعقد کیتے ویسن جبکہ کشمیری عوام دے خلاف بھارتی فوج دی ظلم و بربریت بے نقاب کرِݨ کیتے تصاویری نمائش دا وی اہتمام کیتا ویسی۔