مقامی فیکٹری تے زمین مالکان دے درمیان تنازعہ
مقامی فیکٹری تے زمین مالکان دے درمیان تنازعہ
صادق آباد(سرائیکی نیوز۔ محمد رمضان تھیم) مقامی کساناں دا موضع بیگ مہر ونجن والی سڑک تے دھرنا، کساناں نے احتجاجی مظاہرہ کریندے ہووے شوگر ملاں تے کھاد فیکٹریاں کوں ونجن والی ٹریفک معطل کر ڈیفتی، احتجاج اچ عورتاں تے بال وی شریک ھن، انہاں نمائندہ سرائیکی نیوز نال گالھ مہاڑ کریندے ہووے ڈسایا کہ مقامی فیکٹری انتظامیہ زبردستی اساڈی زمین سستی قیمت نال حاصل کرݨ چاھندی ھِ کساناں مزید آکھیا کہ فیکٹری نال ملحقہ 106 ایکڑ اراضی ہتھیاون کیتے پریشان کیتا ویندا پیا ھِ ھک روڑ ایکڑ کوں 10 لکھ روپے دے اچ زبردستی خریدݨ واسطے دباو پایا ویندا پئے ۔ ڈی سی تےاسٹنٹ کمشنر وی مل انتظامیہ دے نال ملے ہووے ھن انہاں احتجاج کریندے ہووے آکھیا کہ اساں مر ویسوں لیکن زمین نا چھڑیسوں، زبردستی قبضے دے خوف توں ڈنڈا بردار کساناں نے وی اپنڑی زمین تے پہرا ڈیون شروع کر ڈیتے، انہاں وزیر اعلی پنجاب شہباز شریف اپیل کیتی کہ اساڈی مدد کیتی ونجے انہاں زبردستی قبضہ کرݨ دی کوششاں کرن والیاں دے خلاف کارروائی عمل اچ گھن تے آئی ونجے۔
