پولیس نے ملزم نال ملی بھگت نال پہلی جماعت دے طالب علم نال زیادتی دی رپورٹ لُکا گھیدی
پولیس نے ملزم نال ملی بھگت نال پہلی جماعت دے طالب علم نال زیادتی دی رپورٹ لُکا گھیدی
جلال پور پیروالہ(سرائیکی نیوز۔محمد نواز) پولیس نے بال نال تھیون والی زیادتی دی رپورٹ لُکا ݙیتی، تفصیل دے مطابق جلال پور اچ زیادتی دا شکار تھیون والے بال دے والد مرتضہ رشتہ داراں دے ہمران صحافیاں نال گالھ مہاڑ کریندے ہووے ڈسایا کہ جلال پور محلہ حافظ آباد پہلی کلاس ٦ سالہ طالب علم حیدر علی نال تھیون والی زیادتی تے پولیس نے بال دی میڈیکل رپورٹ ضبط کر گھیدی تے والد کوں پاگل قرار ݙے ڈیتا جیندے تے بال دے والد غلام مرتضی عباسی نے میڈیا کوں ڈسایا کہ کہ ٣ روز توں ذلیل خوار تھیندا پیاں جلال پور پولیس ملزمان دے نال گٹھ جوڑ کر تے مک مکا کر چکی ھِ ڈاکٹر دے مطابق بال دی میڈیکل رپورٹ اساں توں لکائی ویندی پئی ھِ تے پولیس اساں کوں بلیک میل کریندی پئی ھِ جبکہ بال نال زیادتی کرن والا ملزم سجاد تے ایندے رشتہ دار سنگین نتائج دی دھمکیاں ڈیندے پئے ھن انہاں آکھیا کہ ڈی ایس پی تے ایس ایچ او وی اساڈی گالھ نی سنڑدے پئے آر پی او سی پی تے وزیر اعلی پنجاب شہباز شریف توں درخواست کیتی کہ او انصاف ڈیون تے ملزم کوں گرفتار کیتا ونجے۔
