کراچی سینٹرل جیل تورݨ ڊا منصوبہ ناکام، خطرناک قیدی مختلف جیلاں اچ منتقل

کراچی(سرائیکی نیوز۔محمد رمضان سونترا) دہشت گرداں دی طرفوں کراچی سینٹرل جیل کوں تورݨ دا منصوبہ ناکام بنڑیندے ہووے سندھ حکومت نے انتہائی خطرناک قیدیاں کوں اندرون سندھ دی مختلف جیلاں اچ منتقل کر ڈیتا تے جیل حکام کوں سختی نال ہدایت کر ݙیتی ھِ کہ قیدیاں دی نقل و حرکت تے جیلاں دی تفصیل توں متعلق کہیں کوں وی آگاہ نا کیتا ونجے۔

سندھ حکومت دے انتہائی ذمہ دار ذرائع دے مطابق وفاقی انٹیلی جنس اداریاں دے سندھ اچ تعینات سربراہواں نے وزیر اعلی مراد علی شاہ کوں خفیہ رپورٹ دے ذریعے غاہ کیتا ھا کہ کجھ گرفتار ملزمان نے انکشاف کیتا ھِ کہ کراچی سینٹرل جیل تورݨ دا منصوبہ بنڑائی بیٹھے ھن تے جہادی تنظیماں دے قید ملزمان کوں فرار کروایا ویسی۔

خفہی دارریاں دی رپورٹ دی روشنی اچ وزیر اعلی نے بروقت کارروائی کریندے ہووے آئی جی جیل خانہ جات کوں حکم ݙیتا ھِ کہ فوری طور تے جہادی تے خطرناک قیدیاں کوں اندرون سندھ دی مختلف جیلاں اچ منتقل کیتا ونجے جیندے بعد گزشتہ ماہ 28 جہادی تے خطرناک قیدیاں کوں سکھر ، لاڑکانہ تے نارا جیل منتقل کر ڈیتا گئیا۔

ڈوجہے پاسے کالعدم جماعت لشکر جھنگوں دے ٢ ھائی پروفائل قیدیاں شیخ محمد ممتاز عرف فرعون تے محمد احمد خان عرف منا دے کراچی سینٹرل جیل توں فرار تھیون دے واقعے دی تحقیقاتی رپورٹ اچ جیل اچ سیکورٹی دے ناقص انتظامات تے بد ترین اندرونی صورتحال دے حوالے نال سنسنی خیز انکشافات سامنڑیں آئے ھن۔