رحیم یار خان ۔ رحیم یار خان دے ڈپٹی کمشنر دی طرفوں بااثر کاروباری بندیاں تے ٢٤ مہماناں دے نال مل تے چولستان ءچ شکار تے پابندی دی مبینہ خلاف ورزی تے تنازع کھڑا تھئی گئیا ، محکمہ جنگلی حیات دے ضلعی افسر ڈی ایل او عاصم کامران نے آکھیا کہ ڈپٹی کمشنر تے انہاں دے مہمان اتوار دے ݙینھ چولستان ءچ ١٤ ہرن شکار کرݨ دے بعد بھج گئے ۔
اخبار دے مطابق عاصم کامران نے سوچل میڈیا تے ھک ویڈیو پیغام ءچ آکھا کہ ڈپٹی کمشنر علی شہزاد نے انہاں توں درخواست کیتی ھائی کہ او ہفتے دی رات اپنڑیں مہماناں دے نال ڈیزرٹ سفاری دے بعد عشائیہ کرݨ چاھندے ھن جئیں تے انہاں شکار نا کرݨ دی شرط تے اجازت ݙے ݙیتی ، ڈپٹی کمشنر نے صحرا ءچ عشایئے کیتے اسٹنٹ ڈائرکٹر وائلڈ لائف بہاول پور علی عثمان بخاری نال وی رابطہ کیتا ھا ۔
محکمہ جنگلی حیات دے ضلعی افسر دا آکھݨ ھا کہ ہفتے دی رات ابتداء ءچ با اثر کاروباری بندہ احمد شاہ ھمدانی سرکاری گڈیاں ءچ کجھ مہماناں دے نال شوریاں دے نزدیک وائلڈ لائف چیک پوسٹ تے پھجے ایندے کجھ دیر بعد ڈپٹی کمشنر کجھ مہماناں دے نال آئے ۔ عاصم دا آکھم ھا کہ کجھ گھنٹیاں دے بعد انہاں دے ماتحت بندیان نے ڈسایا کہ ڈپٹی کمشنر تے احمد شاہ ہمدانی دی تمام گڈیاں اپنڑاں رستہ بدل تے ٹوکن والا وائلڈ لائف چیک پوسٹ دے نیڑے خربارہ دے علاقے دء پاسے ویندیاں پیاں ھن جو چنکارہ ہرن دا علاقہ ھِ جیندے بعد محمہ جنگلی حیات دے عملہ نے انہاں دا پچھا کیتا ١١ وج تے ٣٥ منٹ تے انہاں کوں پکڑ گھدیا ایں توں پہلے او ١٢ توں ١٤ ہرن دا شکار کر چکے ھن۔
