اسلامیہ یونیورسٹی کوں ملک دی پہلی ھیپاٹائٹس فری یونیورسٹی بنڑاوݨ دا عزم

بہاولپور:اسلامیہ یونیورسٹی بہاول پور کوں ملک دی پہلی پیٹا ٹائٹس فری یونیورسٹی بنڑاوݨ کیتے ہیپا ٹائٹس اینڈ انفیکشن کنٹرول پروگرام، پرائمری اینڈ سیکنڈری ہیلتھ کیئر ڈیپارٹمنٹ حکومت پنجاب تے اسلامیہ یونیورسٹی دے مابین جامعہ ءچ ہیپا ٹائٹس کلینک دے قیام کیتے مفاہمتی یادداشت تے دستخط تھئے۔ اسلامیہ یونیورسٹی بہاول پور دی طرفوں انجینئر پروفیسر ڈاکٹر اطہر محبوب وائس چانسلر تے ہیپا ٹائٹس اینڈ انفکیشن کنٹرول پروگرام دی طرفوں ڈاکٹر خالد محمود پروگرام منیجر نے دستخط کیتے ۔ ایں موقعے تے پرنسپل قائد اعظم میڈیکل کالج پروفیسر ڈاکٹر خواجہ فیاض احمد، پروفیسر ڈاکٹر قاضی مسرور، چیف ایگزیکٹو ڈسٹرکٹ ہیلتھ اتھارٹی بہاول پور ڈاکٹر غلام یاسین، فوکل پرسن ہیپا ٹائٹس کنٹرول پروگرام ڈاکٹر اورنگزیب، فوکل پرسن جامعہ پروفیسر ڈاکٹر نوید اختر، ڈاکٹر فضل محمود، ڈاکٹر محمد عثمان چیمہ سینئر میڈیکل آفیسر، اساتذہ کرام تے افسران موجود ھن۔ معاہدے دے تحت اسلامیہ یونیورسٹی بہاو ل پور کوں ہیپا ٹائٹس فری یونیورسٹی قرار ݙیوݨ کیتے ہیپا ٹائٹس کلینک دا قیام طے پایا۔ جامعہ دے ہر طالب علم، فیکلٹی ممبر، سٹاف تے فیملی دی ہیپا ٹائٹس دے حوالے نال سکریننگ کیتی ویسی تے  ہیپا ٹائٹس بی دی ویکسی نیشن تھیسی۔  ہیپا ٹائٹس نال متاثرہ افراد دا طبی معائنہ کیتا ویسی۔ ایں سلسلے ءچ ݙونہاں اِداروں ڊے مابین متعلقہ اموردے  طریقہ کار طےکیتے گئے۔ اے گالھ   قابل ِ ذکر ھِ کہ اسلامیہ یونیورسٹی بہاو ل پور کوں ملک دی پہلی ہیپا ٹائٹس فری یونیورسٹی قرار ݙیوݨ کیتے محکمہ صحت حکومت پنجاب دا 10روزہ پراجیکٹ مرکزی آڈیٹوریم ءچ جاری ھ  جیتھاں  ڈسٹرکٹ ہیلتھ اتھارٹی بہاول پور تے جامعہ دا 150افراد تے مشتمل تربیت یافتہ طبی عملہ تمام افراد دی سکریننگ تے  ویکسی نیشن  کریندا پیا ھِ ۔ اے  سرگرمی 10جنوری تک جاری رھاسی تے جامعہ ءچ مستقل بنیادوں تے ہیپا ٹائٹس کلینک دے قیام نال اساتذہ، طلبہ وطالبات تے ملازمین تےانہاں دے عزیزوں دی ویکسی نیشن دا مستقل بندوبست کر ݙیتا گئیا۔