لاہور ۔ شاھد آفریدی نے پی ایس ایل ءچ کپتان شان مسعود کوں بھر پور سپورٹ کرݨ دا عزم ظاہر کر ݙیتا ھِ

اخباری ذرائع دے مطابق قذافی اسٹیڈیم ءچ میڈیا نال گالھ مہاڑ کریندے ہووے آل راونڈر دا آکھݨ ھا کہ ملتان سلطانز دا کمبی نیشن بہوں چنگا ھ تے ٹیم ءچ کئی باصلاحیت کھیلاڑی موجود ھن ، امید ھِ کہ اساں پی ایس ایل ءچ عمدہ کارکردگی دا مظاہرہ کریسوں۔ انہاں آکھیا کہ مینٹور تھیوݨ دے بارے ءچ نی سوچیندا ، بطور کھلاڑی وی میڈی بہوں ذمہ داری ھِ کپتان شان مسعود تے کوچ کوں میڈے نال توقعات ھن میں بہترین کارکردگی ݙکھاوݨ دی کوشش تے شان کوں بھر پور سپورٹ کریساں ، او چنگی فارم ءچ ݙکھائی ݙیندے پئے ھن ، امید ھِ کہ بطور کپتان کمیاب رھاسن۔ شاھد آفریدی دا آکھݨ ھا کہ پی ایس ایل دی اہمیت نظر انداز نی کیتی ونج سکدی ، ایں نال پاکستان دے مستقبل دے اسٹارز پدیا تھیسن۔