ملتان پولیس ولوں پاکستان اتے انگلینڈ دی کرکٹ ٹیماں وچال ملتان کرکٹ سٹیڈیم اچ شیڈول ݙوجھے ٹیسٹ میچ کیتےسکیورٹی پلان جاری کر ݙتا ڳے۔ ݙوجھے ٹیسٹ میچ اچ فول پروف سیکورٹی کوں یقینی ٻݨاوݨ کیتے مجموعی طور ست ہزار توں ودھ پولیس افسر اتے نینگر ڈیوٹی ݙیسن۔ ݙوجھا ٹیسٹ میچ نو دسمبر توں ملتان کرکٹ سٹیڈیم اچ تھیسی۔ سی پی او ملتان خرم شہزاد حیدر سارے سیکورٹی انتظامات دی نگرانی خود کریسن۔ ایس ایس پی آپریشنز ملتان حسام بن اقبال دی نگرانی اچ ساری ڄاہ تے نفری ٻھجوائی ویسی۔ ملتان پولیس نال ٹریفک پولیس، ایلیٹ فورس، پاک فوج، رینجرز،سپیشل برانچ اتے ٻے قانون نافذ کرݨ آلے ادارے دے افسر تے نینگر ملتان کرکٹ سٹیڈیم، ملتان ایئرپورٹ، روٹس، پارکنگ پوائنٹس، ہوٹلز اتے ٻی ڄہیں تے ڈیوٹی ݙیسن