Advertisment
Advertisment
کاروبارکاروباری خبراں

ای سی سی روس کولو ہک لکھ 30 ہزار ٹن کݨک منڳواوݨ، سی پیک ”پاکستان انرجی ریوالونگ فنڈ” کوں ”پاکستان انرجی ریوالونگ اکائونٹ” اچ وٹاوݨ دی منظوری ݙے ݙتی

Advertisment
Advertiesment

اسلام آباد (اے پی پی):اقتصادی رابطہ کمیٹی (ای سی سی) روس کولو ہک لکھ 30 ہزار ٹن کݨک منڳواوݨ، سی پیک ”پاکستان انرجی ریوالونگ فنڈ” کوں ”پاکستان انرجی ریوالونگ اکائونٹ” اچ وٹاوݨ دی منظوری ݙے ݙتی اے۔ اے منظور وزیر خزانہ اسحاق ڈار دی اڳواݨی اچ ای سی سی اجلاس اچ ݙتی ڳئی۔ اجلاس اچ وفاقی وزیر برائے بجلی خرم دستگیر خان، وفاقی وزیر صنعت و پیداوار سید مرتضیٰ محمود، ایم این اے و سابق وزیراعظم شاہد خاقان عباسی، وزیر مملکت برائے خزانہ و محصولات ڈاکٹر عائشہ غوث پاشا، وزیر اعظم دے مشیر برائے خزانہ طارق باجوہ، وزیر اعظم دے مشیربرائے ریونیو طارق محمود پاشا، وزیر اعظم دے مشیر برائے حکومتی افادیت ڈاکٹر محمد جہانزیب خان، وفاقی سیکرٹریز اتے ٻئے سینئر افسران وی موجود ہن ڄݙاں جو وفاقی وزیر تجارت سید نوید قمر، وزیر مملکت برائے پیٹرولیم مصدق ملک وی شرکت کیتی۔ اجلاس اچ وزارت قومی غذائی تحفظ وتحقیق 30 نومبر 2022 کوں کھولیے گئے 7 ویں بین الاقوامی کݨک دے ٹینڈر 2022 دے ایوارڈ تے سمری پیش کیتی جیندے تحت میسرز سیریل کراپ ٹریڈنگ دی سب توں ڳھٹ ٻولی دی منظوری فتی۔ 16 دسمبر 2022 اتے 8 فروری 2023 توں کھیپ دی مدت کیتے کراچی دی بندرگاہواں تے ہک لکھ 30 ہزار میٹرک ٹن ݙیوݨ کیتے 372 ملین ڈالر جی ٹو جی دی بنیاد تے روسی پیشکش دی منظوری ݙتی۔ ای سی سی وزارت خزانہ دی سی پیک انڈیپنڈنٹ پاور پروڈیوسرز کیتے ریوالونگ فنڈ اکائونٹ کوں ”پاکستان انرجی ریوالونگ فنڈ” نال ”پاکستان انرجی ریوالونگ اکائونٹ” اچ ؤتاوݨ دی تجویز دی وی منظوری ݙتی۔

Advertisment
Advertisment

Related Articles

Leave a Reply

Your email address will not be published. Required fields are marked *

Back to top button

Adblock Detected

مہربانی فرما تے اپنڑیں بروزر توں ایڈبلاک سیٹنگ توں ویب سائٹ ھٹاو تاکہ ویب سائٹ تساں تک مکمل پھج سکے