اسلام آباد۔9دسمبر(اے پی پی)وفاقی وزیر خزانہ و ریونیو سینیٹر محمد اسحاق ڈار دی اڳواݨی اچ فنانس ڈویژن اچ ملک دی معاشی صورتحال تے بین الوزارتی اجلاس تھئے جیندے اچ وزیر قانون و انصاف اعظم نذیر تارڑ، وزیراعظم دے معاون خصوصی برائے خزانہ طارق باجوہ، معاون خصوصی ریونیو طارق پاشا، گورنر اسٹیٹ بینک، سیکریٹری خزانہ، سیکریٹری داخلہ، چیئرمین ایف بی آر، ڈی جی ایف آئی اے، ڈی جی آئی اینڈ آئی کسٹمز اتے فنانس دے سینئر افسران سودھا ڈویژن اتے انٹیلی جنس ایجنسیاں دے اعلی حکام شرکت کیتی۔ اجلاس اچ اقتصادی صورتحال، زرمبادلہ دے ذخائر، کݨک اتےیوریا دی اسمگلنگ روکݨ دے اقدامات تے غور کیتا ڳیا۔ وزیر خزانہ متعلقہ حکام کوں آکھیا جو او ملک اچ معاشی و مالی استحکام کیتے مختلف اشیاء دی سرحد پار اسمگلنگ روکݨ کیتے موثر حکمت عملی اپنائی وںڄے۔