ٹی 20 ورلڈ کپ: انگلینڈ زوردار مقابلے توں بعد پاکستان کوں ھرا تے ݙوڄھی واری چیمپئن ٻݨ ڳئے

0
136
ٹی 20 ورلڈ کپ: انگلینڈ زوردار مقابلے توں بعد پاکستان کوں ھرا تے ݙوڄھی واری چیمپئن ٻݨ ڳئے

ملیبرن (اے پی پی)آئی سی سی ٹی 20 ورلڈ کپ دے میلبرن اچ ایم سی جی کرکٹ میدان اچ انگلینڈ زوردار مقابلے توں بعد پاکستان کوں پنڄ وکٹاں توں ھرا تے ݙوڄھی واری چیمپئن ٻݨ ڳئے۔ انگلینڈ ٹاس جیت تے پہلے بالنگ دا فیصلہ کیتے۔ پہلے کھیݙدے ہوئے قومی کرکٹ ٹیم 20 اووراں اچ 8 وکٹاں ونڄا تے 137 رنز ٻݨا سڳی۔ اوپنر محمد رضوان 15، محمد حارث 8، بابراعظم 32، افتخار احمد صفر، شاداب خان 20، شان مسعود 41، محمد نواز 5، محمد وسیم اتے شاہین شاہ آفریدی چار، چار سکور کیتے۔ انگلش ٹیم ولوں سیم کرن 3، عادل رشید اتے کرس جورڈن 2، 2 اتے بین سٹوکس ہک وکٹ ڳھدی۔



ولدے اچ انگلش ٹیم کوں پاکستان دی سخت تے تیز گیند بازی دا سامݨا کرݨا پئے اتے اوندیاں وکٹاں ݙھاندیاں رہین ٻھل بین سٹوکس ڄمیے رہین اتے ٹیم کوں عالمی کپ جتا ݙتے۔ کپتان جوز بٹلر 26، الیکس ہیلز 4، فل سالٹ 10، ہیری بروک 20 اتے معین علی 7 رنز ٻݨا تے آئوٹ تھین۔ بین سٹوکس شاندار 49 رنز نال مرد میدان رہین۔ لیام لیونگسٹون وی ہک رن نال ناٹ آؤٹ رہین اتے انگلش ٹیم ہک اوور پہلے ہدف پورا کر ڳھدے۔ پاکستان ولوں حارث رؤف 2، شاہین شاہ آفریدی، شاداب خان اتے محمد وسیم جونیئر ہک ہک وکٹ ڳھدی۔ انگلش فاسٹ باؤلر سیم کرن کوں میچ اچ 3 اتے پورے ٹورنامنٹ اچ 13 وکٹ ڳھنݨ تے فائنل اتے مین آف ایونٹ قرار ݙتا ڳئے۔

LEAVE A REPLY

Please enter your comment!
Please enter your name here