انگلینڈ بہترین ٹیم، فائنل اچ سو فیصد کھیݙ ݙکھیسوں، کپتان بابر اعظم
میلبرن (اے پی پی)قومی ٹیم دے کپتان بابر اعظم آکھیے جو انگلینڈ ٹیم دے خلاف ٹی 20 ورلڈ کپ فائنل کیتے جیڑھا پلان ٻݨائے اوندے مطابق کھیݙسوں اتے بہترین کھیݙ پیش کریسوں۔ میلبرن اچ پریس کانفرنس کریندے انہاں آکھیا جو ایں ورلڈ کپ کوں 1992 دے ورلڈ کپ آلی کار سمڄھیا ویندا پئے، اساں نروس نسے، پریشر ہوندے ٻھل پوری کوشش ہوسی جو کہیں دباؤ دے بغیر کھیݙوں۔ بابر اعظم آکھیا جو انگلینڈ دی ٹیم بہترین اے، ایونٹ اچ غلطیاں دے باوجود سدھار ڳحن آئے ہیں تاں فائنل اچ وی شیر آلی کار کھیݙسوں، دعا اے جو موسم چنڳاں راہوے اتے چنڳی کرکٹ تھیوے۔
