انگلینڈ دے خلاف ٹیسٹ سیریز کیتے 18رکنی قومی سکواڈ دا اعلان ،سکواڈ دی سلیکشن اچ کھݙاریاں دی کارکردگی کوں ݙٹھا ڳے، چیف سلیکٹر محمد وسیم
لاہور۔21نومبر (اے پی پی) انگلینڈ دے خلاف ٹیسٹ سیریز کیتے 18رکنی قومی سکواڈ دا اعلان کر ݙتا ڳے۔ سکواڈ دا اعلان کریندیں ہوئیں چیئر پرسن سلیکشن کمیٹی محمد وسیم پریس کانفرنس اچ آکھیا جو کوشش کریندے پیوں جو ترائیں فارمیٹ اچ سلیکشن کمیشن آپریشنز ودھاؤں۔ انہاں آکھیا جو بابراعظم ، محمد رضوان،عبداللہ شفیق، ابراراحمد کوں ٹیسٹ ٹیم اچ شامل کیتا ڳے اتے اظہر علی، نسیم شاہ ، امام الحق، محمد نواز اتے وسیم جونیئرٹیم دا حصہ ہوسن۔ نعمان علی، سلمان علی آغا، سعود شکیل، شان مسعود اتے زاہد محمود کوں وی ٹیم اچ رلایا ڳے۔ چیئرپرسن سلیکشن کمیٹی محمد وسیم آکھیا جو سرفراز احمد اتے فہیم اشرف دی ٹیم اچ واپسی تھی اے۔ حارث رؤف ڈیبیو کریسن، فواد عالم کوں ٹیم توں ڈراپ کر ݙتا ڳے، انہاں دی ڄاہ محمد علی کوں پہلی واری ٹیم اچ شامل کیتا ڳے۔ انہاں آکھیا جو 18 رکنی ٹیسٹ سکواڈ اچ کپتان بابراعظم، محمد رضوان، عبداللہ شفیق، ابرار احمد، اظہر علی، فہیم اشرف، حارث رئوف، امام الحق، محمد علی، محمد نواز، محمد وسیم جونیئر ، نسیم شاہ ، نعمان علی، سلمان علی آغاز،سرفراز احمد، سعود شکیل، شان مسعود اتے زاہد محمود شامل ہن۔ پاکستان اتے انگلینڈ وچال ٹیسٹ سیریز پہلی دسمبر توں راولپنڈی کرکٹ سٹیڈیم اچ شروع تھیسی۔ ݙوجھا ٹیسٹ 9 دسمبر کوں ملتان اتے تریجھا تے چھیکڑی ٹیسٹ 17 دسمبر توں کراچی اچ کھیݙیا ویسی۔ انگلینڈ کرکٹ ٹیم 27 نومبر پاکستان امسی۔
