انگلینڈ دیخلاف سیریز پاروں ١٨ رکنی قومی اسکواڈ دا اعلان، فواد عالم ڈراپ
انگلینڈ دیخلاف ٹیسٹ سیریز پاروں پاکستان دے ١٨ رکنی اسکواڈ دا اعلان کر ڈیتا گیا ھِ تے قومی ٹیم نال فواد عالم کوں ھک واری ول ڈراپ کر ڈیتا گئیا
چیف سلیکٹر محدم وسیم نے لاہور اچ پریس کانفرنس کریندے ہووے قومی ٹیم دی ٹی ٢٠ ورلڈ کپ اچ کارکردگی کوں چنگا آکھا تے آکھیا کہ ابتدائی میچاں اچ شکستاں دے بعد اساں ایویں گھٹ بیک کیتا ، فائنل اچ پھجں تے فائنل اچ وی ئیں طرح دی کرکٹ کھیڈی ایندے پاروں ٹیم کوں داد ڈیوݨ دی لوڑ ھِ
محمد وسیم نے انگلینڈ دیخلاف ٹیسٹ سیریز پاروں ١٨ رکنی اسکواڈ دا اعلان کریندے ہووے ڈسایا کہ ٹیم دی قیادت بابر اعظم رکیسی جبکہ دیگر کھلاڑیاں اچ محمد رضوان ، عبداللہ شفیق، ابرار احمد ، اظہر علی ، فہیم اشرف ، حارث رؤف ، امام الحق ، محمد علی ، محمد نواز، محمد وسیم ونیئر ، نسیم شاہ ، نعمان علی سلمان علی آغا ، سرفراز احمد ، سعود شکیل ، شان مسعود تے زاھد محمود۔
چیف سیلکٹر نے آکھیا کہ جو بندے منتخب نی تھئے او پرفارم کر کے آئے ھن ، سعود شکیل پچھلے تریھ سال توں پرفارم کریندے پعے ھن اگر کوئی ھک دم نال ایں سال پرفارم کر ڈیندا ھِ تے اگر سعود شکیل کوں ایں سیزن اچ پرفارمنس ڈکھاوݨ دا موقعہ نی ملا تاں او یقینا ایں چھوکرے دے اگوں نیں ونج سکدا۔
فواد عالم کوں اسکواڈ توں ڈراپ کرݨ دے سوال تے محمد وسیم آکھیا کہ اساں کھلاڑیاں دی موجودہ فارم کوں مد نظر رکھیندے ہووے اسکواڈ دا انتخاب کیتا ھِ اساڈی کوشش ھِ کہ جو وی ٹیم دے نال سفر کریندے پئے ھن انہاں کوں مواقع فرام کروں کیونکہ او کافی عرصے توں ڈومیسٹک اچ کارکردگی ڈکھاوݨ پاروں نال نال ٹیم دے نال سفر وی کریندے رہے ھن ، فواد دا ڈومیسٹک اچ فارم دا مسئلہ لگدا پیا ھِ ایں پاروں ایں کوں نظر اچ رکھیندے ہوں ٹیم اچ انہاں بندیاں کوں موقع ڈیوݨ دا فیصلہ کیتا ھِ
