پاکستان دی ٹیم خطرناک اے، امید اے جو فائنل چنڳاں تھیسی، کپتان انگلش ٹیم جوز بٹلر
میلبرن (اے پی پی)انگلش کرکٹ ٹیم دے کپتان جوز بٹلر پاکستان دی ٹیم کوں خطرناک قرار ݙیندے آکھیے جو ݙوہاں ٹیماں کٹھے ٻہوں کرکٹ کھیݙی اے۔ امید اے جو فائنل چنڳان تھیسی اتے شائقین مایوس نا تھیسن۔ جوز بٹلر پری میچ کانفرنس اچ آکھیا جو اساں فائنل کیتے پرجوش ہیں، امید اے جو چنڳاں کھیݙسوں اتے پلان دے مطابق اڳو تے ودھسوں۔ انہاں آکھیا جو پاکستان چنڳی کرکٹ کھیݙدا پئے، اساں وی چنڳی کرکٹ پیش کریسوں، فائنل میچ دا اپݨا پریشر ہوندے، میکوں اپݨے کھلاڑیاں تے پورا اعتماد اے جو فائنل اچ ݙیکھݨ کوں چنڳاں مقابلہ تھیسی۔
