آئی سی سی ون ڈے رینکنگ: بابراعظم دی بادشاہت برقرار
آئی سی سی ون ڈے رینکنگ: بابراعظم دی بادشاہت برقرار
دبئی(اے پی پی)انٹرنیشنل کرکٹ کونسل نویں ون ڈے رینکنگ جاری کیتی اے جیندے اچ کپتان بابراعظم دی بادشاہت برقرار اے اتے او 887 ریٹنگ پوائنٹس نال اڳو ہین۔ جنوبی افریقہ دے راسی وین ڈیر دوسین 795 پوائنٹس نال ݙوڄھے اتے کوئنٹن ڈی کاک 750 پوائنٹس نال تریڄھے نمبر تے ہین۔ رینکنگ اچ ڈیوڈ وارنر توں بعد قومی ٹیم دے اوپنر امام الحق 740 پوائنٹس نال پنڄویں نمبر تے ہین۔ ٻئے پاسو ٹی 20 رینکنگ اچ بھارت دے سوریا کمار یادیو 908 ریٹنگ پوائنٹس نال پہلے اتے محمد رضوان 836 پوائنٹس نال ݙوڄھے نمبر تے ہین۔ بابر اعظم دی تی 20 رینکنگ اچ چوتھی پوزیشن اے۔ بالنگ ٹاپ 10 اچ پاکستانی پیسر شاہین شاہ آفریدی دی اٹھویں پوزیشن اے۔
