ڈی سی آفس جوہر آباد اچ ڈویلپمنٹ کمیٹی دا اجلاس
ترقیاتی منصوبیاں دا بروقت مکمل تھیونڑاں ھی فنڈز دا بہترین استعمال ہوندے، عاصمہ اعجاز
جوہر آباد (سرائیکی نیوز۔فقیر احمد) ایڈیشنل ڈپٹی کمشنر فنانس خوشاب عاصمہ اعجاز نے آکھیا ھِ کہ ترقیاتی منصوبیاں دا بروقت مکمل تھیون ھی فنڈ دا بہترین استعمال ہوندے اگر زیر تعمیر منصوبے تاخیر دا شکار ھن تا انہاں دا خاطر خواہ فائدہ نی تھیندا تے منصوبہ دی لاگت اچ وی اضافہ تھئی ویندے انہاں خیالات دا اظہار انہاں ڈی سی آفس جوہر آباد اچ ڈسٹرکٹ ڈویلپمنٹ دے اجلاس دی صارت کریندے ہووے کیتا۔ اجلاس اچ محکمہ بلڈنگ ، ہائی وے سمیت دیگر محکمیاں دے افسران موجود ھن ، اجلاس اچ ڈسایا گئیا کہ ضلع اچ جاری 575 ترقیاتی منصوبے جنہاں اچ بلڈنگ ، سڑکات ، فراہمی بجلی و گیس ، پبلک ہیلتھ تے سکول دی اپ گریڈیشن سمیت دیگر منصوبے شامل ھن تے 219 تے ھن تک 1347 ملین دے فنڈز خرچ تھئی چکے ھن تے انہاں نال 60 فیصد کم مکمل تھئیا ھِ سکول ایجوکیسن دی 110 اسکمیاں جنہاں اچ 22 سکولاں دی اپ گریڈیشن 17 سکیماں اچ آئی ٹی لیبز ، 86 خطرناک عمارتاں تے اسکولاں اچ غیر موجود سہولیات دی فراہمی کیتے منصوبیاں تے 60 فیصد کم مکمل تھئی چکے
