ملتان اچ صحت دے منصوبیاں تے کم تکھا کر ڈتا گئے ،نشتر ٹو سانگے بجٹ اچ ہک ارب روپے رکھیا گئے
ملتان ۔ پنجاب دی حکومت صحت دے شعبے اچ جاری ترقیاتی منصوبیاں کوں تکھا کرنڑ دا فیصلہ کیتے،نویں بجٹ دے اعلان دے نال ای انتظامیہ دے صحت دے افسر اتے انجینئرنگ دے شعبے دے ارکان متحرک تھی گئن۔منگل کوں ڈپٹی کمشنر عامر خٹک نال ووائس چانسلر نشتر میڈیکل یونیورسٹی پروفیسر ڈاکٹر احمداعجاز مسعوددی ملاقات اچ انفراسٹرکچر ڈویلپمنٹ اتھارٹی دے نمائندے موجود ہن اتے میگا پراجیکٹ نشترٹو اتے نشتر ہسپتال اچ کینسر سنٹر اتے فارمیسی بلاک دے منصوبیاں تے پیش رفت دا جائزہ گھدا گئیا۔
ڈپٹی کمشنر آکھیا جو نشتر ٹو منصوبہ جنوبی پنجاب دا صحت دے شعبے اچ ساریاں توں وڈا پراجیکٹ اے ،ایں منصوبے دی بلڈنگ اتے مشینری تے تقریباً ڈاہ ارب روپے لگسن، نشتر ٹوپراجیکٹ تے83 کروڑ34 لکھ روپے خرچ تھی گئن،نویں بجٹ اچ منصوبے سانگے ہک ارب روپے رکھیئے گئن۔
