مزدوراں دی تنخواہ ٤٠ ہزار مقرر کیتی ونجے، سرائیکی پارٹی

ملتان (سرائیکی نیوز) سرائیکی پارٹی دے زیر اہتمام مرکزی سیکرٹریٹ ءچ مزدوراں دے عالمی ݙینھ دے حوالے نال سیمینیار تھیا جیندی صدارت پاکستان سرائیکی پارٹی دی چیئرپرسن ڈاکٹر نخبہ تاج لنگاہ نے کیتی جبکہ سیمینار ءچ غازی احمد حسن کھوکھر ، چیئرمین نیشنل الائنس احمد ناز سومرو ، ڈاکٹر مقصود خان لنگاہ ، ملک جاوید چنڑ ایڈووکیٹ، ملک محمد نعیم اقبال ایڈووکیٹ ، شعیب نواز بلوچ، مہر ر ب نواز چاون ، ڈاکٹر جاوید بلوچ ، عبدالرزاق آصف نواز راجپوت ، محمد اعزاز ، حکیم حیدر اقبال ، ملک محسن کھوکھر ، محمد کبیر تے حمید خان بلوچ نے شرکت کیتی ، سیمینار ءچ خطاب کریندے ہووے ڈاکٹر نخبہ تاج لنگاہ آکھیا کہ پاکستان ءچ لیبر قوانین تے عملدرآمد نی کیتا ویندا گھراں ءچ کم کرݨ والیاں کوں معقول معاوضہ نی ملدا حکومت مزدوراں دی تنخواہ ٤٠ ھزار روپے تک مقرر کرے تے اوقات کار دا وی تعین کیتا ونجے، غازی احمد حسن کھوکھر نے آکھیا کہ مزدور دی تنخواہ چیک دے ذریعے ݙیتی ونجے ٹھیکیداری نظام دا خاطمہ کیتا ونجے ، مقررین نے آکھیا کہ سب توں پہل سرائیکی صوبہ بنڑایا ونجے ، مزدوراں دے اوقات کار مقرر کیتے ونجن سیمینیار توں احمد نواز سومرو ، ملک نعیم اقبال ، ڈاکٹر مقصود خان ، ملک جاوید چنڑ ، مہر رب نواز ، حکیم حیدر اقبال نے وی خطاب کیتا پاکستان سرائیکی پارتی مزدور کسان ونگ بنڑیسی تے ݙوجہی مزدور تنظیماں نال مل تے مزدوراں دے حق کیتے جدوجہد کریسی۔

Similar Posts

Leave a Reply

Your email address will not be published. Required fields are marked *