حکومت سرائیکی خطے دے ھاریاں کوں ریلیف ݙیووے، نخبہ لنگاہ

حکومت سرائیکی خطے دے ھاریاں ریلیف کوں ݙیووے، نخبہ لنگاہ

ملتان ۔ پاکستان سرائیکی پارٹی دی چیئرپرسن ڈاکٹر نخبہ تاج لنگاہ نے آکھیا کہ حکومت سرائیکی خطے دے کساناں کوں ریلیف ݙیووے حالیہ ݙینھاں ءچ سرائیکی علاقہ ءچ بارشاں دی تباہ کاریاں نال فصلاں کوں ڈھیگ نقصان پھجے ، برف نے کھڑی فصلاں تباہ کر ݙیتیاں ھن ، ھاری ایں ویلے شدید نقصان نال ݙو چار ھن تمام جمع پونجی زراعت ءچ لائی ݙیتی ھِ ۔

ھن سرائیکی خطے دا کسان معاشی بدحالی دی وجہہ نال سخت پریشان ھِ حکومت کوں چاھیدے کہ او سرائیکی خطے دے کساناں کوں زرعی قرضے معاف کرے تے حکومت دی طرفوں ݙیتی ونجݨ والی لگان کوں وی ختم کرے تے کساناں کیتے خصوصی پیکج دا اعلان کیتا ونجے تاکہ کسان طبقہ سنبھلݨ دے قابل تھئی سکے ۔ انہاں آکھیا کہ حالیہ حکومتی پیکج نال عوامی مسائل حل نی تھئی سکدے ١٢٠٠ ارب دے پیج ءچ صرف ٢٠٠ ارب روپے مزدوراں تے مستحق طبقہ کیتے رکھے گئے ھن جو کہ اوٹھ دے منہ ءچ زیرہ وانگوں ھِ ۔

ڈاکٹر نخبہ تاج آکھیا کہ ملک ءچ ایں ویلے بے چینی ھِ تے ہر مکتبہ فکر دے لوگ پریشان ھن انہاں آکھیا کہ حکومت پورے ملک ءچ لاک ڈاون تاں کر ݙیتا ھِ لیکن عوام دے مسائل حل نی کیتے انہاں مطالبہ کیتا کہ بحرانی کیفیت کوں مد نظر رکھیندے ہووے بجلی دے گھریلوں صارفین کوں ٢ ماہ دی مکمل رعایت ݙیتی ونجے۔ مزدور گھرانیاں کوں ١٥ ھزار روپے پھجاوݨ دا بندوسبت کیتا ونجے تے نادار طبقہ کیتے راشن دا بندوبست کیتا ونجے۔انہاں آکھیا کہ وسیب دے صاحب حیثیت لوگ ایں مشکل ویلے ءچ اپنڑیں محلے داراں دے مستحق گھرانیاں دی مدد کرن۔