قادرپور راں توں خانیوال روڈ اتے شجاع آباد روڈ توں ہائی کورٹ روڈ کوں ماڈل روڈز دا درجہ ڈیونڑ دے احکامات جاری
قادرپور راں توں خانیوال روڈ اتے شجاع آباد روڈ توں ہائی کورٹ روڈ کوں ماڈل روڈز دا درجہ ڈیونڑ دے احکامات جاری
ملتان ۔ ئڈویژنل انتظامیہ عید تے شہر دی خوبصورتی بارے پلان تشکیل ڈے ڈتے ۔کمشنر ملتان ڈویژن شان الحق شہر دی صفائی تے تزین و آرائش بارے ہنگامی بنیاداں تے کم کرنڑ دی ہدایت جاری کرڈتن ۔اے گال انہاں شہر دے بیوٹی فکیشن پلان بارے جائزہ اجلاس دی صدارت کریندے ہوئیں آکھی اے ۔کمشنر شان الحق قادرپور راں توں خانیوال روڈ، شجاع آباد روڈ توں ہائی کورٹ روڈ کوں ماڈل روڈز دا درجہ تفویض کریندے ہوئیں انہاں روڈز دی صفائی،تزین و آرائش اتے انہاں تے تیار درخت لاونڑ دے وی احکامات جاری کیتن ۔
انہاں میٹروپولیٹن کارپوریشن کوں سٹریٹ لائٹس دی بحالی،تجاوزات مکاونڑ دا ٹاسک ڈیندے ہوئیں شہر دیاں اہم سڑکاں تے فلائی اوورز دیاں لائٹاں فنکشنل کیتیاں ونجن ۔او خود رات کوں شہر دا دورہ کرتے جائزہ گھنسن ۔ ویسٹ مینجمنٹ کمپنی کوں شہر دی صفائی دا ٹاسک ڈیندے ہوئیں آکھیے جو اہم شاہراواں دے نال گلیاں محلے دی صفائی وی یقینی بنڑائی ونجے ۔کمشنر شان الحق آکھیے جو میٹروپولیٹن کارپوریشن دی حدود اچ شامل نویں یونین کونسلاں اچ صفائی دا نظام بہتر بنڑایا ونجے ۔ ڈپٹی کمشنر عامر خٹک، ایڈیشنل ڈپٹی کمشنر قمر زمان قیصرانی، ایڈیشنل ڈپٹی کمشنر ریونیو طیب خان، اسسٹنٹ کمشنر خواجہ عمیر محمود، متعلقہ محکمیں دے افسران وی اجلاس اچ موجود ہن ۔ اے پی پی
