پاکستان تے سعودی عرب وچال سیاسی، مذہبی، فوجی، ثقافتی اتے سفارتی تعلقات دی ھک قابل فخر تاریخ اے، نواف بن سعید المالکی دا سعودی قومی ݙینھ دی تقریب توں خطاب

اسلام آباد۔24ستمبر (اے پی پی):پاکستان اچ سعودی سفیر نواف بن سعید المالکی آکھیے جو پاکستان تے سعودی عرب وچال تعلقات مخلصانہ اسلامی بھرپی تے ھک ݙوجھے دے نال سچی محبت تے ہن ، گزریل رات ھک ہوٹل اچ 92ویں سعودی قومی ݙینھ دی تقریب توں خطاب کریندے ہوئیں سعودی سفیر آکھیے جو سعودی عرب سارے اسلامی ملکاں تے خصوصی توجہ ݙتی لیکن پاکستان اسلامی دنیا اچ ساریں توں اہم ملک اے ݙوہیں بھرا ملکاں واچل سیاسی، مذہبی، فوجی، ثقافتی تے سفارتی تعلقات دی ھک قابل فخر تاریخ اے۔ ایں توں انڄ سینیٹ دے چیئرمین محمد صادق سنجرانی سعودی عرب دی قیادت تے ایندے عوام کیتے نیک خواہشات دا اظہار کریندے ہوئیں آکھیے جو سعودی عرب کوں دنیا دے مسلماناں دے مذہبی گھر دے طور تے ھک ٻہوں اچا مقام حاصل اے کیوں جو اے اساݙے پیارے نبی محمد صلی اللہ علیہ وآلہ وسلم دی مقدس سرزمین اے ۔انہاں حج متعلق خدمات اچ مسلسل بہتری کیتے سعودی قیادت دیاں کوششاں تے اقدامات دی تعریف کیتی ، انہاں آکھیے جو ولی عہد محمد بن سلمان ھک بصیرت آلے رہنما دی حیثیت نال انفارمیشن ٹیکنالوجی اتے ٻئی اختراعات دے ذریعے حجاج کرام کیتے قابل ذکر نویاں سہولیات متعارف کرائن ۔انہاں ایں ڳالھ تے زور ݙتا جو مشترکہ اہداف کوں گھنݨ کیتے مسلسل تعاون دی لوڑھ اے ۔صادق سنجرانی پاکستان دے سیلاب توں متاثرہ لوکاں دی وختی مدد کرݨ تے سعودی قیادت دا شکریہ ادا کیتے۔انہاں سعودی سفیر دی ملک دے پرے دے علاقیں اچ سیلاب توں متاثرہ لوکاں تئیں ذاتی طور تے پڄݨ دی وی تعریف کیتی ۔چیئرمین سینیٹ محمد صادق سنجرانی تقریب دے مہمان خصوصی ہن جنہاں سعودی سفیر نواف بن سعید المالکی دے رلے سعودی عرب دے قومی ݙینھ دا کیک کٹیا ، سوہݨے لمحات کوں معاشرے دے مختلف طبقے بالخصوص سیاست داناں، سفارت کاراں، مذہبی اسکالرز، مسلح افواج اتے تعلیمی اداریں دے لوکاں دی ھک وݙی تعداد شیئر کیتا ۔