ایندھن دی دستیابی کوں ݙیکھ تے پروازاں چلائی ویندی پئن، ترجمان پی آئی اے
اسلام آباد۔26اکتوبر (اے پی پی) پاکستان انٹرنیشنل ایئرلائنز(پی آئی اے ) آکھیا جو ایندھن دی دستیابی کوں ݙیکھ تے پروازاں چلائی ویندی پئن۔ پی آئی اے انتظامیہ ذرائع توں کجھ فنڈز ڳھنݨ کیتے کوشش کریندی پئی اے۔ بین الاقوامی آپریشن اچ کینیڈا، ترکی، چین، ملائیشیا اتے سعودی عرب دے آپریشن کوں ترجیح ݙتی ویندی پئی اے۔ اے آکھݨ جو وݙی تعداد اچ پروازاں منسوخ تھین اے خبر درست کائنی۔ خمیس کوں پی آئی اے دے ترجمان عبداللہ حفیظ خان آپݨے وضاحتی بیان اچ آکھیا جو پی آئی اے گزریل ݙو ہفتیاں توں آپݨے معمول دا آپریشن معطل کر رکھیے تانجو یومیہ بنیاد تے پروازاں شیڈول کیتی ویندی پئن۔ پی آئی اے صرف او پروزاں آپریٹ کریندی پئی اے جئیں کیتے ایندھن دی فراہمی ہوندی اے اتے او سارے پروازاں آپݨے شیڈول تے ویندن۔
