وفاقی حکومت دا ٢٢ توں ٢٧ مئی تک عیدالفطر دی چھٹیاں دا اعلان
وفاقی حکومت نے ٢٢ توں ٢٧ مئی (جمعے توں بدھ ) تک عید الفطر دی تعطیلات دا اعلان کر ݙیتے، وزارت داخلہ توں جاری تھیوݨ والی نوٹی فکیشن ءچ آکھا گئیا ھِ کہ عید الفطر دے مقدس تہوار کیتے ٢٢ توں ٢٧ مئی تک چھٹیاں ہوسن۔ نوٹی فکیشن ء چ آکھا گئیا ھِ کہ انہاں چھٹیاں دے دوران تمام کاروبار ، عوامی مقامات ، کمیونٹی مارکیٹاں تے دکاناں بند رھاسن ۔ چھٹیاں دے دوران صرف ضروری چیزاں دیاں دکاناں ، میڈیکل سروسز تے میڈیکل اسٹور کھلے رھاسن ۔ وفاقی حکومت دی طرفوں اعلان کردہ چھٹیاں دے مطابق رواں سال جمعتہ الوداع کوں وی سرکاری چھٹٰ ہوسی۔ واضح رھاوے کہ محکمہ موسمیات نے شوال دا چندر ٢٣ مئی بروز ہفتے کوں نظر آوݨ دے امکان کوں برابر قرار ݙیتا ھِ ایں پیشگوئی دے بعد رواں سال ٣٠ روزیاں دا امکان زیادہ ھِ تے عید الفطر ٢٥ مئی بروز پیر کوں تھئی سکدی ھِ تاہم ایندا فیصلہ رویت ھلال کمیٹی دے اجلاس ءچ ٢٣ مئی کوں تھیسی ۔
