حکومت ڊا چمن تے طورخم ٻارݙر پورے ہفتے کھولݨ ڊا فیصلہ
حکومت پاکستان ڊا چمن تے طورخم بارݙو کوں پورے ہفتے کھلا رکھݨ دا فیصلہ کیتا ھِ ہفتے تے ٦ ݙینھ تجارتی ٹرکاں دی آمدورفت کیتے مختص کر ݙیتے گئے ھن ، وزارت داخلہ دی طرفوں جاری اعلامیے ءچ آکھا گئیا ھِ کہ ١٥ مہی کوں کورونا وائرس دے پاروں تھیوݨ والی کانفرنس ءچ افغان ٹرانزٹ تے ݙو طرفہ تجارت دی انتظامیہ دے حوالے نال فیصلہ کیتا گئیا ، اعلامیے ءچ آکھا گئیا کہ طورخم دی سرحد ہفتے دے علاوہ باقی ݙینھ ٢٤ گھنٹے کھلی رھاسی جیندے تحت ݙو طرفہ افغان تجارت تے افغان ٹرانزٹ ٹریڈ ءچ احتیاطی تدابیر تے عملدرآمد یقینی بنڑیندے ہووے لا تعداد ٹرکاں کوں آمدروفت دی اجازت ہوسی۔
وزارت داخلہ دے مطابق چمن دی سرحد تے وی ہفتے دے چھی ݙینھ کھلی رکݨ دا فیصلہ تے ہفتے دے علاوہ تمام ݙینھ لا تعداد ٹرکاں کوں آوݨ ونجݨ دی اجازت ہوسی ۔ ایں سلسلے ءچ ڈسایا گئیا کہ ہفتے والے ݙینھ پیدل آوݨ ونجݨ والیاں کیتے مختص ہوسی ، پیدل چلݨ والیاں کیتے وی قرنطینہ دے قوانین عائد ہوسن۔ واضح رہاوے کہ افغانستان توں کورونا وائرس دے متاثرین کیساں دے سامنڑیں آوݨ دے بعد ٢ مارچ کوں چمن تے پاک افغان سرحد بند کر ݙیتی گئی ھائی
