انخلا دی چتاوݨی سارے غیرقانونی تارکین وطن کیتے اے، نگران وزیر داخلہ سرفراز بگٹی
اسلام آباد (اے پی پی)نگران وفاقی وزیر داخلہ سرفراز احمد بگٹی آکھیے جو انخلا دی چتاوݨی پاکستان اچ آوݨ آلے سارے غیرقانونی تارکین وطن کیتے اے، صرف افغانیاں کوں کݙھݨ دی ڳالھ غلط اے، یکم نومبر دے بعد صرف پاسپورٹ اتے ویزہ تے ہی پاکستان آیا ونڄ سڳسی۔ اے ڳالھ انہاں سینیٹ دی قائمہ کمیٹی برائے داخلہ دے اجلاس اچ بریفنگ ݙیندے اکھی۔ انہان آکھیا جو اساں پاکستان اچ رہݨ آلے سارے انہاں غیرملکیاں دی ڳالھ کیتی اے ٻھل اے تاثر ڳئے جو صرف افغانیاں کوں کݙھیا ویندا پئے، جیکر کہیں کولو ریفیوجی کارڈ یا ویزا اے تاں او ساݙا مہمان اے، اے بالکل کوئی نسلی معاملہ نئیں۔ اجلاس دے بعد میڈیا نال الیندے انہاں آکھیا جو ملک اچ غیرقانونی طور تے رہݨ آلے لوکاں دے انخلا کیتے ݙتی ڳئی حتمی تاریخ اچ توسیع دی کوئی تجویز کائنی، ایکوں لسانہ نا ٻݨایا ونڄے، ڄیڑھا وی پاکستان اچ غیرقانونی طور تے رہندا پیا ہوسی اساں اوکوں نا رہݨ ݙیسوں۔ انہاں آکھیا جیکر مغربی ممالک اپݨے شہریان کیتے حساس ہین تاں ساݙے کیتے وی پاکستانی سب توں ودھ اتے اڳو ہین۔
