وفاقی اداریاں ءچوں ھک سال توں ودھ خالی آسامیاں ختم کرݨ دا فیصلہ
وفاقی اداریاں ءچ ھک سال توں ودھ خالی آسامیاں ختم کرݨ دا فیصلہ کیتا گئیا ھِ
خزانہ ڈویژن نے فیصلہ کیتا ھِ کہ وفاقی اداریاں ءچ ھک سال توں ودھ خالی پئی اسامیاں ختم کر ݙیتیاں ویسن، اسکیل ھک توں ١٦ تک خالی آسامیاں تے بھرتی نا کیتی ویسی ۔ ایں سلسلے ءچ خزانہ ڈویژن دے اخراجات ونگ دے آݙس میمورنڈم جاری کر ݙیتا ھِ
خزانہ ڈویژن دے مطابق حتمی منظوری وفاقی کابینی توں گھیدی ویسی اے فیصلہ تنظیم نو توں متعلق کابینہ کمیٹی دے اجلاس ءچ کتیا گئیا فیصلے دا اطلاق تمام وزارتاں ، ڈیزناں تے ایگزیکٹیو دفاتر تے ہوسی۔ خزانہ ڈویژن دے مطابق گزریل ھک دھائٰ توں وفاقی حکومت دے ملازمین دی تعداد مسلسل ودھدی پئی ھِ ایں پاروں سالانہ تنخواہواں دا بل وی ٣ گناہ ودھ گئیا ، پینشن دی ادائیگی دے اخراجات پوری کرݨ اوکھا تھئی گئے۔
خزانہ ڈویژن ڈسایا کہ وفاقی حکومت دے ٩٥ فیصد ملازمین گریڈ ھک توں ١٦ تک ھن تنخواہواں دا ٨٥ فیصد بل انہاں ملازمین تے خرچ تھیندا ھِ مزید ڈسایا گئیا کہ وزیر اعظم غیر ضروری اخراجات ءچ کمی دے خواہشمند ھن ورلڈ بینک وی سرکاری اداریاں ءچ رائٹ سائزنگ تے زور ڈے چکا ھِ ایں حوالے نال اسٹیبلشمنٹ ڈویژن کوں ضروری کارروائی پاروں ھدایات جاری کیتی گئی ھِ
