جتنا وی اوکھا وقت آوے عوام کوں کلھا نا چھوڑیسوں،زندگی بہتر بنڑاوݨ اصل مقصد ھِ، وزیر اعظم
اسلام آباد ۔ وزیر اعظم عمران خان آکھیا ھِ کہ اوکھے ویلے ءچ محنت نال کامیابی حاصل کیتی ھِ جتنا وی اوکھا ویلہ سامنڑیں آئے کلھا نا چھوڑیساں، عام بندے دی زندگی بہتر بنڑاوݨ دی جدوجہد اصل مقصد ھِ
نجی ٹی وی دے مطابق وزیر اعظم عمران خان دی زیر صدارت وفاقی کابینہ دا اجلاس تھئیا وزیر اعظم عمران خان دی آمد تے کابینہ ارکان نے ڈیکس وجا تے استقبال کیتا، وزیر اعظم کوں حکومت دے ݙو سال پورے تھیوݨ تے مبارکباد ݙیتی ، اندرونی و بیرونی چلینجاں دا مقابلہ کرݨ تے خراج تحسین پیش کیتا گئیا کابینہ اجلاس ءچ حکومت دی نمایاں کامیابیا ندا ذکر کیتا گئیا تے سفارتی کامیابیاں تے کابینہ ءچ تفصیلی گالھ مہاڑ تھئی وزیر خارجہ شاہ محمود قریشی نے سفارتی کامیابیاں بارے آگاہ کیتا۔
وزیر اعظم عمران خان نے حکومت دے ݙو سال مکل تھیوݨ تے آکھیا کہ ٢٤ سالہ جودجہو ھݨ وی ختم نی تھئی معاشرے دے کمزور طبقے کیتے بہوں کجھ کرݨ باقی ھِ اساݙی جدوجہد دا محور ہر کمزور پاکستانی ھِ ، کمزور طبقے کیتے سوچں اصل ایمان ھِ مدینے دی فلاحی ریاست دے تصور کوں عملی شکل ݙیوݨ چاھنداں، تعلیمی نصاب ءچ مدینے دی فلاحی ریاست دا تصور شامل کریسوں، شفقت محمود نے آکھیا کہ نصاب ءچء ریاست مدینہ دا تصور شامل کیتا ونجے
وزیر اعظم عمران خان آکھیا کہ ابتدای طور تے ٨ ویں تے ٩ویں جماعت کیتے نصاب تیار کیتا ویسی مشکل ویلے ءچ محنت نال کامیابی حاسل کیتی ھِ جتنا وی اوکھا ویلہ آوے عام دا ساتھ نہ چھوڑیساں ، عام بندیاں دی زندگی بہتر بنڑاوݨ جدوجہد دا اصل مقصد ھِ
