نواز شریف دے نال زیادتی تھئی ، ریلیف ملݨ انہاں دا حق ھِ ، رانا ثناء
اسلام آباد: مسلم لیگ ن دے مرکزی رہنما تے وزیر داخلہ رانا ثناء اللہ دا آکھݨ ھا کہ نواز شریف دے نال زیادتی تھئی ھِ نواز شریف کوں ریلیف ملنا چاھیدا ھ اے انہاں دا حق ھِ، جئیں ویلے الیکشن تھیسن تاں نواز شریف واپس آ تے پارٹی کوں لید کریسن۔
اپنڑیں ھک بیان اچ وزیر داخلہ رانا ثناء نے آکھیا کہ عمران خان ٩ مئی دے اے سارے معاملے تے آرکیٹیکٹ ھن عمران خان نے نفرت دی سیاست نوجواناں دے ذھناں اچ پا ڈیتی ھِ میڈے اندازے نال عمران خان دی گرفتاری ضروری تھئی گئی ھِ ، اے انویسٹی گیشن ٹیم تے انویسٹی گیشن ایجنسیاں دا اختیار ھِ کہ او کیں کوں کیں حد تک گنہگار آکھیندیاں ھن۔
انہاں آکھیا کہ دفاعی تنصیبات تے حملہ کیتا گئیا، ریڈیو پاکستان دی بلڈنگ کوں ساڑھا گئیا ، کیا کڈھیں کوئی سوچ سکدا ھِ کہ شہدا دی نشانیاں دی بے حرمتی کیتی ویسی ، اے عوامی رد عمل نا ھا ، کہیں شہر اچ ڈھا یا وی ھزار لوگ جعم نی تھئے اڑھائی یا تریھ سو لوگاں کوں تیار کیتا گئیا ھا او ڈیوٹیاں لائی گئیاں ، پوری ملک اچ چند سو لوگاں نے عمران خان دی گرفتاری تے رد عمل ڈیتا۔
انہاں دا مزید آکھݨ ھا کہ کوئی نویں جماعت بنڑدی ھ تاں او بنڑے ، عوام جئیں کوں چاھون ووٹ ڈیوون، پیپلزپارٹی کوں وی پورا حق ھِ کہ او پنجاب اچ پیر جماوے، اساڈا وی پورا حق بنڑدا ھِ کہ اساں سندھ اچ اپنڑیں پیر جماووں نویں پارٹی معرض وجود اچ آندی ھِ تاں او نفرت دے رستے تے نی چلدی تاں ایندے کیتے گنجائش ھِ
رانا ثناء اللہ مزید آکھیا کہجو لوگ پارٹی کوں چھوڑیندے پئے ھن انہاں تاں پہل وی پارٹیاں چھوڑیاں ھن کہیں نے انہاں کوں پارٹی چھوڑݨ دا نی آکھیا ۔ او اپنڑیں مرضی نال اے سارا کم کریندے پعے ھن اساڈے کول اتنی بھاری گنجائش کینی کہ سب لوگاں کوں پارٹی اچ گھن سکوں۔
