اسرائیل غزہ تے حملے نہ روکیے تاں جنگ اچ ٻئے فریق وی شامل تھی ویسن، ایران
تہران ۔20اکتوبر (اے پی پی) ایران خبردار کیتا جو اسرائیل غزہ تے حملے نہ روکیے تاں جنگ اچ ٻئے فریق وی شامل تھی ویسن۔ ایران دے سرکاری میڈیا موجب جنرل محمد باقری آکھیا جو غزہ دے خلاف اسرائیل جرائم اتے انہاں جرائم کیتے ݙوجھے ملکاں ولوں اسرائیل کوں مدد ݙیوݨ نال صورت حال وڳڑ ڳئی اے اتے ایں پاروں ٻئے فریق وی تصادم دا حصہ ٻݨ سڳدن۔ جنرل باقری بین الاقوامی برادری توں مطالبہ کیتے جو فوری طور اسرائیل دے غزہ دے خلاف جرائم کوں رکواوݨ اتے غزہ دے لوکاں کیتے امدادی کم شروع کرائے ونڄن۔
