امریکا ایران جھیڑا، عالمی سطح تے تیل تے سونے دی قیمتاں ءچ اضافہ
امریکا دے ہتھوں ایرانی فوجی کمانڈر دی ھلاکت دی وجہہ نال مشرق وسطء ءچ پیدا تھیوݨ والے بحران دے بعد تیل تے سونے دیاں قیمتاں ءچ ٦ سال دی بلند ترین سطح تے پھج گئیاں، ایرانی کمانڈر دی ھلاکت دے بعد ایران تے امریکا دے درمیان جھیڑا ودھݨ دے نال مشرق وسطی دی صورتحال ہر گزردے ݙینھ دے نال نال کشیدگی اختیار کریندے ویندے ھِ ݙونہاں فریقین دی طرفں ھک ݙوجہے کو ݙیتے ونجن والی دھمکیاں دے نتیجے ءچ عالمی سطح تے تیل تے سونے دی قیمتاں ءچ واضح اضافہ تھئیا ھِ ، ایران نے اتوار کوں جوہرھ معاھدے دی پاسداری نا کرݨ دا اعلان کیتا ھا جبکہ حملے دے بعد عراقی پارلیمنٹ نے اپنڑیں ملک توں غیر ملکی افواج دے انخلاء دا مطالبہ کر ݙیتا ھا ، ایں بحران نے سرمایہ داراں کوں ھلا تے رکھ ݙیتا ھِ جیتھاں عالمی معیشت ءچ بہتری دے اشاریاں کوں ݙیکھدے ہووے سرمایہ دار آئندہ ہفتے چین تے امریکا دے درمیان ھک چھوٹی نوعیت دے تجارتی معاھدے دے حوالے نال بہوں پر جوش ھن۔ ایشیائی تجارتی مارکیٹ ءچ خام تیل دی قیمتاں ءچ ݙو فیصد اضافہ ݙیٹھا گئیا جبکہ برینٹ دی قیمت ستمبر دے بعد پہلی واری ٧٠ ڈالر توں تجاوز کر گئی ھائی جیتھاں ایں توں پہل گزرن سال سعودی عرب دی تیل دی تنصیبات تے حملیاں دے بعد وی تیل دی پیداوار متاثر تھیوݨ دے نتیجے ءچ برینٹ دی قیمتاں ءچ اضافہ ریکارڈ کیتا گئیا ھا۔
