زونگ دے بعد جاز نے وی فائیو جی ڊا کامیاب تجربہ کر گھیدا
کراچی(سرائیکی نیوز)زونگ دے بعد جاز نے وی فائیو جی ڊا کامیاب تجربہ کر گھیدا، تفصیل دے مطابق پاکستان دے وݙے موبائل نیٹ ورکاں توں ھک جاز نے وی پاکستان ءچ فائیو جی دا کامیاب تجربہ کرݨ دا دعوی کر ݙیتا۔
موبی لنک توں پہل چائنا موبائل پاکستان سی ایم پی یعنی زونگ نے وی فائیو جی دا کامیاب تجربہ کرݨ دا دعوی کیتا ھا زونگ نے اگست ٢٠١٩ ءچ فائیو جی دا کامیاب تجربہ کرݨ دا دعوی کیتا ھا تے بعد ازاں کمپنیاں نے فائیو جی دے اشتہارات وی جاری کیتے ھن زونگ دی طرفوں فائیو جی سروس دے اشتہارات جاری کیتے ونجن دے بعد پاکستان ٹیلی کمیونی کیشن اتھارٹی پی ٹی اے نے موبائل نیٹ ورک کمپنی کوں اپنڑیں فائیو جی اشتہارات واپس گھنݨ تے انہاں کوں بند کرݨ دا حکم ݙیتا ھا ۔پی ٹی اے دے مطابق زونگ کوں صرف فائیو جی دا تجربہ کرݨ دی اجازت ݙیتی گئی ھائی ایں توں پہلے اے سروس عام کرݨ دی اجازت نی ݙیتی گئی ۔ زونگ دے کامیاب تجربے دے چھ مہینے بعد موبی لنک نے وی فائیو جی دے کامیاب تجربے کرݨ دا دعوی کیتا ھِ
موبی لنک نے اپنڑیں ٹویٹر اکاونٹ توں صارفین کوں ݙسایا کہ کمپنی نے چار جنوری ٢٠٢٠ کوں فائیو جی کامیاب تجربہ کیتا ، کمپنی دے مطابق موبی لنک نے چینی کمپنی ھواوے دے ماھرین دے نال مل تے فائیو جی نیٹ ورک دا کامیاب تجربہ کیتا ھِ کمپنی دی طرفوں ایں گالھ دی کوئی وضاحت نی کیتی گئی کہ تجربے دے بعد فائیو جی دی اسپیڈ کیا ھِ
فائیو جی دے کامایب تجربے دے اگلے ھی ݙینھ موبی لنک نے مذکورہ سروس دا آزمائشی پروگرام وی شروع کر ݙیتا۔ موبی لنک دی طرفوں فائیو جی دے کامیاب تجربے دے بعد مذکورہ سروس پاکستان دی ٢ وݙی موبائل نیٹ ورک کمپنیاں دے کول آ چکی ھِ خیارل کیتا ویندا پیا ھِ جلد ھی یوفون تے ٹیلی نار وی مذکوری سروس دا تجربہ کریسن۔
