موبائل فون جسم تے بستر توں جتنا ممکن ہووے دور رکھو تے گھٹ استعمال کرو
موبائل فون جسم تے بستر توں جتنا ممکن ہووے دور رکھو تے گھٹ استعمال کرو
شعبہ پبلک ہیلتھ دی ڈائریکٹر کیرن سمتھ دا آکھن ھِ موبائل فون دے زیادہ استعمال نال صحت کوں نقصان پھج سکدا ھِ موبائل فون دے مضر اثرات توں بالاں تے بالغ لوگ ڈونہیں ہی بچ سکدن اگر او اپنڑی جیب اچ فون نا رکھن تے رات کوں سمدے ہووے اپنڑاں موبائل فون بستر توں دور رکھن۔
کیلیفورنیا (سرائیکی نیوز) کلیفورنیا دے شعبہ پبلک ہیلتھ نے موبائل فون توں خارج تھیون والی ریڈیو فریکوئنسی انرجہ توں بچن واسطے ہدایت نامہ جاری کر ڈیتا، اگرچہ ماہرین سائنس موبائل فون دے استعمال تے تھیون والے نقصانات تے متفق کینی، لیکن تحقیق نے اے عندیہ ڈے ڈیتا ھِ کہ طویل عرصے تک موبائل فون دا استعمال تے زیادہ استعمال صحت واسطے خطرناک ھِ کیلیفورنیا دے شعبہ پبلک ہیلتھ دی ڈائریکٹر کیرن سمتھ دا آکھن ھِ موبائل فون دے زیادہ استعمال نال صحت کوں نقصان پھج سکدا ھِ موبائل فون دے مضر اثرات توں بالاں تے بالغ لوگ ڈونہیں ہی بچ سکدن اگر او اپنڑی جیب اچ فون نا رکھن تے رات کوں سمدے ہووے اپنڑاں موبائل فون بستر توں دور رکھن۔ تفصیل دے مطابق شعبہ پبلک ہیلتے نے ڈسایا کہ موبائل فون ریڈیو فریکوئنسی انرجی خارج کریندن جبکہ موبائل فوسیل ٹاور توں سگنل موصول کریندے یا موبائل سگنل بھیجیندا رھاندے تے اے ریڈیو فریکوئنسی انسانی صحت دی خاطر نقصان دہ ھِ دنیا دے دیگر ملکاں دی طرح امریکہ اچ وی موبائل فون دا ستعمال بہوں تیزی نال ودھے امریکہ اچ پچانوے فیصد امریکیاں کوں موبائل فون ھن تے بارہ فیصد امریکی انٹرنیٹ استعمال کرن کیتے اپنڑے موبائل دا ہی استعمال کریندے ، خبر رساں ایجنسی دے مطابق ایندے علاوہ امریکی اچ پہلا موبائل فون ملن دی اوسط عمر کم تھئی تے ١٠ سال تھئی گئی ھِ ھک اندازے دے مطابق زیادہ تر نوجوان ساراں ڈنہیں فون اپنڑیں کول رکھیندے تے سمدے ہووے وی فون نال رکھ تے سمدن ۔ واضح رھاوے کہ پاکستان اچ وی موبائل فون دے استعمال اچ خطرناک حد تک اضافہ آندا پئے پاکستان ٹیلی کمیونیکشن اتھارٹی دے اعداد و شمار دے مطابق پاکستان اچ ١٣ کروڑ افراد موبائل فون استعمال کریندن ڈاکٹر سمتھ دا آکھن ھِ بالاں دے ذھن دی نشونما ، جوانی اچ تھیندی ھِ تے موبائل دے زیادہ استعمال نال منفی اثرات پئے سکدن والدین کوں چاھیدے کہ او بالاں کوں زیادہ فون استعمال نا کرن ڈیون تے رات کوں فون بند کر ڈیون۔ کیلیفورنیا دے شعبہ پبلک ہیلتھ نے چند بنیادی احتیاطی طریقے وی تجویز کیتے ھن جیندے نال ریڈیو فریکوانسی انرجی توں بچا ونج سکدے۔
فون کوں اپنڑیں جسم توں دور رکھو
موبائل فون کم استعمال کرو جئیں ویلے سگنل کمزور ہوون
موبائل تے آڈیو یا ویڈیو سٹریمنگ گھٹ کرو یا وڈی فائلاں اپ لوڈ یا ڈاون لوڈ نا کرو
رات کوں فون اپنڑے بستر توں دور رکھو
جئیں ویلے فون تے گالھ نا کریندے پئے ھوو تاں ہینڈ فری لھا تے رکھ ڈیو
