بھارت ڊا اصل کُھل تے دنیا دے سامنڑیں آگئے، کشمیریاں ڊی حمایت جاری رکھیسوں، شاہ محمود قریشی

ملتان (اے پی پی)وزیر خارجہ مخدوم شاہ محمود قریشی ااکھیے جو بھارتی حکومت دے غاصبانہ اقدامات پاروں بھارت دا حقیقی چہرہ بے نقاب تھی چکیے،عالمی دنیا 80لکھ نہتے کشمیریاں کوں بھارتی ظلم و ستم توں نجات ڈیواونڑ‘ بھارت ولوں انسانی حقوق دی بدترین پامالی روکی ونجے‘ مقبوضہ کشمیراچ کرفیو مکواونڑ کیتے ہر فورم تے الایا ونجے جڈاں جو جگ مسئلہ کشمیر دے پر امن حل کیتے کردارادا کرے۔انہاں آکھیا جو حکومت امسال 5فروری یوم کشمیر ہک نوین جوش نال منیسی اتے پوری قوم کشمیر دے نال کھڑی تھیسی کیوں جو کشمیر خطے دا نئیں اج پورے جگ دے امن دامسلہ بنڑ چکیے۔ انہان آکھیاجو پاکستان دی خارجہ پالیسی پاروں پورا جگ این مسلے تے اج کھل تے الویندا پئے اتے بھارت تے بہوں دباو اے،خطے اچ امن نہ صرف سادی خوہش بھل ترجیح اے۔ایں موق تے انہاں ملتان دے این اے 156اچ مختلف یونین کونسلاں دا دورہ کیتا، پی ٹی آئی کارکناں نال ملیے اتے خطاب کیتا۔انہاں اپنڑا ایران، امریکا اتے سعودی عرب دا دورہ کامیاب قرار ڈیندے آکھیے جو ایندے نال خطے اچ امن دی نویں راہ نکلسی،شکر اے جو اج ایران امریکا جھیڑا مکدا پئے اتے جنگ دا کوئی کدشہ نئیں ریہا،ساڈی خواہش اے جو ایران اتے سعودی عرب دوہیں امن نال راہون،افغانستان اچ امن کیتے وی پورا جگ ساڈا معترف اے،کوشش اے سارے مسلیاں دا حل مذاکرات نال نکلے جیندے کیتے پاکستان اپنڑا کردار اداکریندا راہسی۔