لاہور عبدالحکیم موٹر وے تے سہولتاں نہ ہووݨ تے عدالت ناراض، تیکھے سہولتاں ڈیوݨ دا حکم

ملتان  (اے پی پی)ہائیکورٹ ملتان بنچ دے جج جسٹس جواد حسن لاہور عبدالحکیم موٹر وے تے سہولتاں نہ ہوونڑ بارے درخواست تے سماعت کریندے ہوئے ناراضگی دا اظہار کیتے جو موٹر وے تے سہولتاں کیوں کائنی، حالی تئیں مسیتاں ،ہوٹلاں اتے فلنگ سٹیشنزڈیونڑاچ کیوں دیر تھیندی پئی اے؟۔پٹرولیم دے وکیل آکھیا جو پٹرول پمپس دی منظوری دا معاملہ ڈپٹی کمشنرزکولو اے جئیں ڈو ہفتے اچ این او سی جاری کرنڑ دا یقین ڈیوائے۔وکیل کنسٹرکشن کمپنی آکھیے جو ریسٹورنٹ سودھا بیاں سہولتاں ہک مہینے اچ پوریاں کر ڈتیاں ویسن۔عدالت کیس دی سماعت 20 فروری تئیں ملتوی کریندے ہوئے عملدرآمد رپورٹ منگ گھدی۔