اسرائیل کوں منݨ دی خواہش کݙھیں پوری نی تھئی سکدی، مراد سعید

اسلام آباد ۔ وفاقی وزیر پوسٹل سروسز مراد سعید آکھیا جو وزیراعظم عمران خان دنیا دے سامنڑے عالم اسلام دا مقدمہ لڑیا،اگر کہیں ملک دا وزیراعظم یا وزیرخارجہ غیر ملکی اقامہ ہولڈر ہوسن تاں او ملک دے وفادار کینویں تھی سگدن،عمران خان کشمیر دا مسئلے چنگے طریقے چاتے،پنجاہ سالیں اچ پہلی واری اینویں تھیے جو کشمیر دا مسئلہ اقوام متحدہ اچ ولا بحث کیتی گئی ،عمران خان اتے اوندی پارلیمنٹ تے ہوندیں اسرائیل کوں مننڑ دی خواہش کڈاہیں پوری نی تھی سگدی۔

منگل کوں قومی اسمبلی اچ خواجہ آصف نکتہ اعتراض اچ آکھیا جواسرائیل کوں مننڑ دی گالھیں تھیندیاں پئن ،حکومت اوندی وضاحت کرے۔اوندے جواب اچ انہاں آکھیا جو اقوام متحدہ اتے جیڑھے ایواناں توں پاکستان دے خلاف پروپیگنڈا تھیندا ہئی ،اسلام کوں ماضی اچ دہشت گردی نال جوڑیا ویندا ہئی،عمران خان نہ صرف اتھاں کھڑکراہیں مدینہ دی ریاست دی گالھ کیتی جڈانجو ختم نبوت دے خلاف گالھ تھئی تاں عمران خان عالم اسلام دا مقدمہ لڑیا۔

خواجہ آصف جیڑھا کجھ اتھاں آکھے او کُوڑ اے۔اساں ایندی مذمت کریندوں۔انہاں آکھیا جو اپنڑی ڈوہتری دی شادی تے مودی کوں کئیں سڈیا ہئی؟جندال کوں کہیں دورہ کرایا اتے مری پھرایا گئیا؟کہیں آکھیا ہئی جو اساڈا ذاتی تعلق اے ۔ اے پی پی

پاکستان اسرائیل کوں کڈاہیں کائنا منیسی،ڈپٹی سپیکر قاسم خان سوری

اسلام آباد ،  قومی اسمبلی دے ڈپٹی سپیکر قاسم خان سوری آکھیا جو پاکستان اسرائیل کوں کڈاہیں کائنا منیسی،فلسطین دی جدوجہد دی پاکستان یکا حمایت کریندا رہسی۔منگل کوں قومی اسمبلی اچ خواجہ آصف دے نکتہ اعتراض تے انہاں آکھیا جواساڈا دل قبلہ اول نال دھڑکدے اتے پاکستان اسرائیل کوں کڈاہیں کائنا منیسی۔

قومی اسمبلی ’ اسرائیل کوں منڑݨ اتے کشمیر بارے وزیرخارجہ دی وضاحت کوں تسلیم کر گھدا

اسلام آباد ۔  قومی اسمبلی ’ اسرائیل کوں منڑنڑ اتے کشمیر بارے وزیرخارجہ دی وضاحت کوں تسلیم کر گھدے۔منگل کوں قومی اسمبلی اچ وزیر خارجہ شاہ محمود دے بھرپور وضاحتی بیان دے بعد سابق وزیر خارجہ خواجہ محمد آصف آکھیا جو اگر اے وضاحت پہلے آ ویندی تاں ایوان دا ماحول تلخ نہ تھیندا۔