ڈویژنل سپرنٹنڈنٹ ملتان ریلوے دا خانیوال توں لودھراں سیکشن دا سالانہ معائنہ،چنڳی کارکردگی آلے ملازمین کوں انعام ݙتے

ملتان۔ (اے پی پی):ڈویژنل سپرنٹنڈنٹ پاکستان ریلوے ملتان نوید مبشر چوہدری خانیوال توں  لودھراں سیکشن دا سالانہ معائنہ کیتے اتے چنڳی کارکردگی دا مظاہرہ کرݨ آلے ملازمین  کوں انعام ݙتن ۔ترجمان ریلوے ملتان ڈویژن دے مطابق ڈویژنل سپرنٹنڈنٹ ملتان ڈویژنل افسران دے رلے خانیوال ، مہرشاہ ، جنگل مڑیالا، جہانیاں، دنیاپور، قطب پور،رکن پور،شہیداں والا  اتے  لودھراں سٹیشن تئیں دا سالانہ معائنہ کیتے، سیکشن دے معائنے دے دوران ناقص کارکردگی تے سٹاف دی سرزنش جݙاں جو چنڳی کارکردگی تے سٹاف دی حوصلہ افزائی کیتے کیش انعامات وی ݙتے۔  ایندے علاوہ معائنے دے دوران ریلوے ٹریک، ٹریک گیج، ٹریک الائنمنٹ، ٹریک کروز کوں پیرامیٹرز دے مطابق چیک کیتا ڳئے ،ریلوے  لیول کراسنگ گیٹس سودھے سٹیشن عمارتاں دے معائنے  وی کیتے ڳئن۔ڈی ایس   مختلف سٹیشناں تے روشنی دے انتظامات، پکھے، پیوݨ کیتے صاف پاݨی، ٻہݨ دی جاہ کیتے بنچز، ویٹنگ ایریاز اتے صفائی ستھرائی سودھے مسافروں کیتے سٹیشناں تے دستیاب ٻیاں سہولتاں دا وی جائزہ ڳھدا ا۔بعداچ اہاں سٹیشن ریکارڈ،  سٹیشناں دی آمدن اتے سیکشن تے ریل ڳاݙی سروس دے معیار کوں وی چیک کیتے۔