پاکستان تے سعودی عرب دی دہشتگرداں دے خلاف مشترکاں مشقاں

ڈو ہفتیان تک محیط مشقاں دا آغاز 25 نومبر توں جاری تھئے جو 10 دسمبر تک جاری رھاسی پاک فوج دے اسپیشل سروسز گروپ ایس ایس جی دے 68 افسران تے جواناں تے مشتمل دستے انہاں مشقاں اچ حصہ گھیندے پئن

راوالپنڈی(سرائیکی نیوزـاے پی پی) پاکستان تے سعودی افواج دی دہشت گرداں دے خلاف مشترکہ مشقاں الشہاب دوئم ریاض اچ جاری ھن 25 نومبر توں شروع تھیون والیاں تربیتی مشقاں 10دسمبر تک جاری رھاسن پاک فوج دے شعبہ تعلقات عامہ دی طرفوں اتوار کوں جاری تھیون والے بیان دے مطابق پاکستان تے سعودیہ عرب دی خصوصی افواج دی دہشت گردی دے خلاف مشقاں الشہاب دوئم ریاض دے شہزادہ نائف سیکیورٹی سٹی اچ جاری ھن آئی ایس پی آر دا آکھن ھِ کہ ڈو ہفتیان تک محیط مشقاں دا آغاز 25 نومبر توں جاری تھئے جو 10 دسمبر تک جاری رھاسی

پاک فوج دے اسپیشل سروسز گروپ ایس ایس جی دے 68 افسران تے جواناں تے مشتمل دستے انہاں مشقاں اچ حصہ گھیندے پئن۔

ترجمان دے مطابق پاک سعودی عرب مشترک مشقاں نال ڈونہاں ملکاں دی افواج کوں دہشت گردی دے خاتمے اچ ھک ڈوجہے دے تجربات توں سیکھن دا موقع ملسی تے ڈونہاں ممالک اچ افواج دے مابین ڈو طرفہ تعاون مزید مستحکم تھیسی

واضح رہاوے کہ ایں توں قبل دہشت گردی دے خلاف پاکستان تے سعودیہ عرب دی خصوصی افواج دی پہلی مشترکہ مشقاں الشہاب اول گزشتہ سال پاکستان اچ منعقد تھئی ھائی۔

کراچی(سرائیکی نیوز) اج وجہہ کائنات حضرت محمد مصطفی صلی اللہ علیہ و آلہ و سلم دا یوم ولادت عقید و احترام نال منایا ویندا پئے ، نبی آخرالزمان دی آمد تے عرب تے عجم کئی غیر معمولی واقعات تھئے ایویں تاں رسول کریم صلی اللہ علیہ و آلہ و سلم دی پوری زندگی ہی باعث رحمت ھِ لیکن انہاں دی آمد تے کئی اہم واقعات رونما تھئے عام الفیل اے او سال ھا جئیں ویلیے گورنر یمن دے ہتھاں اچ لشکر دے نال مکہ تے حملہ کیتا تے ول رب العزت نے ابابیل بھیج تے انہاں کوں تہس نہس کر ڈیتا، آتشکدہ فارس جو ہزاراں سال توں زیادہ روشن ہا او وہ ولادت دی ساعتاں دے نال وسم گئیا، قریش معاشی بدحالی دا شکار تھئے لیکن جئیں سال تساڈی ولادت تھئی تاں ایں سال ویران زمین سرسبز و شاداب تھئی گئی سکھے درختے ساوے تھئے گئے تے سارا قریش قبیلہ خوشحال تھئی گئیا شام دی وادی  سماوا ہزاراں سال توں سکھی پئی ھائی اوندے اچ پانڑیں جاری تھئی گئیا دریائے دجلہ اچ ایں قدر طغیانی آئی کہ ایندا پانڑیں سارے علاقیاں اچ پھیل گئیا تے محل کسری اچ وی پانڑیں بھر گئیا۔ پوری دنیا اچ عاشقان رسول اللہ بہوں عقیدت و احترام نال آپ دی ولادت مبارک دا ڈنہیں منیندن، تے کراچی ، لاہور ، تے وسیب سمیت پورے پاکستان اچ جشن دا سماع ھِ عید میلاد النبی تے بالاں لوگ اپنڑیں سوہنڑیں نبی حضرت محمد صلی اللہ علیہ و آلہ و سلم دے نال محبت تے عقیدت دا اظہار کریندن نعت خواں نعت دے نذرانے پیش کریندن ، محافل منعقد دا سلسلہ رھاندے آپ دی آمد دی خوشی اچ شہر شہر گلی گلی چراغاں کیتا ویندے۔

اوگر نے حکومت توں یکم دسمبر توں پیٹرول دی قیمت اچ پندرہ روپے ودھاون دی سفارش کر ڈیتی

پیٹرولیم مصنوعات دی قیمتاں اچ اضافے دی سمری حکومت کوں ارسال کر ڈیتی پیترل ١ روپیہ ٤٨ پیسے جبکی ڈیزل ١ روپیہ ٢٠ پیسے فی لیٹر مہنگا کرن دی سفارش

اسلام آباد(اوگرا نے پیٹرولیم مصنوعات دی قیمتاں اچ اضافے دی سمری حکومت کوں ارسال کر ڈیتی ، پیٹرول ١ روپیہ ٤٨ پیسے جبکہ ڈیزل ١ روپیہ ٢٠ پیسے فی لیٹر مہنگا  کرن دی سفارش کر ڈیتی ھِ اوگرا نے لائٹ ڈیزل تے ١٣ روپے ١٥ پیسے جبکہ مٹی دا تیل ١٥ روپے ٣٥ پیسے فی لیٹر مہنگا کرن دی تجویز وی ڈیتی ھِ اضافے دی حتمی منظوری وزیر اعظم ڈیسن وزیر اعظم شاہد خاقان عباسی دے عہدہ سنبھالن دے بعد پیٹرولیم مصنوعات دی قیمتاں اچ اے چوتھی واری اضافہ ھِ اوگرا دا آکھن ھِ کہ ہائی سپیڈ ڈیزل دی قیمت ڈی ریگولیٹڈ کر ڈیتی گئی ھِ ڈیلرز دی او ایم سیز مارجن مارکٹنگ کمپنیاں خود طے کرن دے بعد فی لیٹر قیمت طے کریسن حکومت صرف ڈیزل دی ایکس ریفائنری قیمت طے کرسکدی ھِ

میں خیریت نال ھاں، دھرنا ختم کرنے یا نی کرنا میں ڈسیساں، خادم حسین رضوی

دھرنے کوں منتشر کرن دی ناکام کوششاں ھن، شیلنگ، ربڑ دیاں گولیاں عاشقان مصطفی کوں نی ڈرا سکدے

راوالپنڈی(سرائیکی نیوز) دھرنے کوں منتشر کرن دی کوششاں فضول ھن دھرنے اچ بیٹھے لوگ عاشقان مصطفی ھن اے شیلنگ یا ربڑ دی گولیاں توں ڈرن والی نی، سرائییکی نیوز نال گالھ مہاڑ کریندے ھوئے علامہ خادم حسین رضوی نے ڈسایا کہ دھرنے اچ بیٹھا شخص قانون تے ہر مسلمان د احترام کریندے تے اپنڑیں سوھنڑیں رسول دے ناں دا سپہ سالار ھ، انہاں آکھیا کہ الحمداللہ میں خیریت نال ھاں اے یزیدیاں دی حکومت اساڈا کجھ نی ویگاڑ سکدی، پورے ملک اچ دھرنے اچ بیٹھے لوگاں کوں اگر کوئی اے آکھیندے کہ دھرنا مک گئے تاں دھرنا ختم نا کریسو جیئیں ویلے تک میں خود اعلان کر تے اے نا ڈسا ڈیواں کہ اساں کامیاب تھئے ھیں واضح رھاوے کہ وزیر قانون دے مستعفی تھیون دے بعد ھی مزاکرات دا اعلان کیتا گئیا ھا لیکن دھرنے اچ بیٹھے عاشقان رسول تے شیلنگ شروع کر ڈیتی گئی ٹینٹ ساڑ ڈیتے گئے کارکن زخمی ھن تے کجھ شہید تھئی چکے ھن، حکومت نے حکم صادر فرما ڈیتے کہ دھرنے. دی تشہر کرن والے تمام چینل، سوشل میڈیا پاکستان اچ بند کر ڈیتا ونجے پورے ملک اچ ٹی وی چینل، فیس بک،. ٹیوٹر، یو ٹیوب بند کر ڈیتی گئی ھِ پورے ملک اچ عاشقان رسول سڑکاں تے آ گئن کراچی دے نال نال پورے ملک اچ احتجاج جاری ھِ

عید میلاد النبی ﷺ، یکم دسمبر 2017 کوں سندھ اچ عام تعطیل دا اعلان

یکم دسمبر کو سندھ اچ عید میلاد النبی ﷺ  انتہائی جوش و جذبے دے نال منایا ویسی

کراچی(سرائیکی نیوز) عید میلاد النبی ﷺ، یکم دسمبر 2017 کوں سندھ اچ عام تعطیل دا اعلان ، تفصیل دے مطابق حکومت سندھ نے یکم دسمبر بروز جمعتہ المبارک کوں عید میلاد النبی ﷺ  دی تعطیل دا اعلان کر ڈیتا ھِ  جیندا باقاعدہ نوٹیفکیشن وی جاری کر ڈیتا گئیا ھِ یکم دسمبر کو سندھ اچ عید میلاد النبی ﷺ  انتہائی جوش و جذبے دے نال منایا ویسی۔ ایں موقع تے تمام سرکاری تے غیر سرکاری ادارے تے دفاتر بند رھاسن ایں روز ملک بھر دی طرح سندھ اچ عید میلاد النبی ﷺ  دے موقع تے جلسے جلوس تے ریلیاں کڈھی ویسن۔

اسلام آباد(سرائیکی نیوز) ن لیگی رہنما خواجہ سعد رفیق دا آکھن ھِ کہ دھرنیاں دا شوقین ھک فرد سیاست دی جنگ سیاسی میدان توں کڈھ تے عدالت اچ گھن آئے فیڈرل جوڈیشنل اکیڈمی دے باہر نمائندیاں دے نال گالھ مہاڑ کریندے ہووے وفاقی وزیر ریلوے خواجہ سعد رفیق دا آکھن ھا کہ اسٹبلیشمنٹ ، عدلیہ تے سارے مل تے جمہوریت دی مضبوطی واسطے کم کرن، جوڈیشنل اکیڈمی دے باہر مریم اورنگزیب دا آکھن ھا کہ نیب ریفرنسز اچ جلد بازی کریندی پئی ھِ جے آئی ٹی دا والیم ٹین ھن تک نا مکمل ھِ ملک توں دستاویزات ھن تک آندے پئن۔

لکھنو (سرائیکی نیوز) ہندوستان دے آخری مغل بادشاہ بہادر شاہ ظفر دی اولاد اچ شامل 42 سالہ یعقوب حبیب الدین طوشی دا ایودھیا اچ بابری مسجد دی زمین تے ملکیت دا دعوی کر ڈیتا، بھارتی اخبار دی ھک رپورٹ دے مطابق حیدر آباد دے رہائشی یعقوب حبیب الدین طوسی نے ھک پریس کانفرنس اچ آکھے کہ ڈی این اے ٹیس توں اے ثابت تھئی گئے کہ او بہادر شاہ طفر دی چھٹی نسل توں ھن۔ انہاں ڈسایا کہ انہاں نے بابری مسجد دی تولیت واسطے اتر پردیشدے سنی سینٹر وقف بورڈ کوں خط لکھا ھِ تے 15 نومبر تک ایندا جواب منگے، انہاں نے آکھئے کہ بورڈ دی طرفوں مزکورہ تاریخ تک جواب نا ملن دی صورت اچ او سپریم کورٹ نال رجوع کریسن انہاں نے ایں موقع تے ڈسائے کہ او ایں معاملے تے پہلے وی حیدر آباد اچ سول کورٹ نال رجوع کر چکے ھن کورٹ نے انہاں دے بہادر شاہ ظفر دی نسل ہون دی تصدیق کر ڈیتی ھِ انہاں مزید آکھیا ھا کہ او ماضی اچ وی اتر پردیس اچ سنی سینٹر وقف بورڈ توں بابری مسجد دی تولیت دے حوالے کرن دی درخواست کر چکے ھن ، واضح رھاوے کہ بابری مسجد کوں جنونی ھندوواں نے دسمبر 1992 اچ شہید کیتا ھا

اسلام آباد(سرائیکی نیوز) قائد اعظم یونیورسٹی اچ بلوچ طلبا دے احتجاج دے پیش نظر تدریسی عمل معطل تھئی گئیا احتجاج دی وبا یو ای ٹی ٹیکس اچ وی پھج گئی طلبا دا اساتذہ تے فرقیاں دی تبلیغ دا الزام، چھوکرے تے چھوکریاں دے نال بھاوݨ تے عائد تھیون والی پابندی انتظامیہ دی انتہا پسندی قرار ڈے ڈیتا گئیا، ملک دی ٹاپ رینکنگ درسگاہ اچ چار ڈنہیں دی چاندنی تے ول اندھاری رات دے وانگوں تدریسی عمل ول معطل تھئی گیا احتجاج دی وبا دیگر جامعات اچ وی پھلن شروع تھئی گئی۔ قائد اعظم یونیورسٹی ھک ہی ہفتے بعد ول بند تھئی گئی بلوچ کونسل دی انتظامیہ نے طلبہ دی بحالہ توں متعلق وعدہ خلافی دا الزام عائد کریندے ہووے انتظامیہ کوں 17 نومبر دی نویں ڈیڈ لائن ڈیتی ھِ احتجاج کرن والے طلبا دا آکھن ھا کہ ایم فل دے اسٹوڈنٹس وی اساڈے نال احتجاج اچ شریک ھن ساریاں دی تعلیم متاثر تھیدنی پئی ھِ اساڈا مطالبہ ھِ کہ 17 توں پہلے نوٹی فیکیش واپس گھیدا ونجے۔ ذرائع دے مطابق وائس چانسلر نے طلباے کوں پر امن رکھن واسطے وزیر داخلہ بلوچستان سرفراز بگٹی توں اپیل کر ڈیتی ھِ ڈوجہی جانب یو ای ٹی ٹیکسلا دے طلباہ کوں وی اٹھارہ سخت شکایات ھن جنہاں اچ انتظامیہ تے جامعہ اچ فرقی واریت تے انتہا پسندی پھلاون دا الزام لایا گیا ھِ اے شکوہ وی کیتا ویندا پئے کہ یونیورسٹی اچ لڑکے تے لڑکیاں اکٹھے بھاون تک دی اجازت کینی ھک ڈوجہے نال گالھ کرن تاں شو کاز نوٹس جاری کر ڈیتا ویندے۔

اسلام آباد دی مویشی منڈی دا ٹھیکہ 5 کروڑ مہنگا

مویشی منڈی اچ سہولیات تے  اخراجات دے ناں تے بھاری ٹھیکے توں تاثیر ایہا گھیدا ویندا پئے کہ قربانی توں پہلے شاید عوام دی کھل لہاون دی تیاری کر گھیدی

اسلام آباد (سرائیکی نیوز) اسلام آباد دی مرکزی مویشی منڈی سجاون توں پہلے ھی منڈی دے جھڑ نظر آون لگ گئے خردار مہنگی تے آون والے طوفان توں خوفزدہ، شہریاں دا آکھن ھِ کہ جو ٹھیکہ تھئے او ست کروڑ دا ھا او ڈاہ کروڑ اچ ویسی تے او کیتھوں نکلسن او سبھ اساں لوگاں دی جیباں توں نکلسن  جگہ دا بھاری کرایہ تے دیگر خرچے الگ ھن ایتھاں بیپاریاں وی منڈی توں کنی کھاون شروع کر ڈیتی بیوپاریاں دا آکھن ھِ کہ منڈی دا جو ٹھیکہ تھئا ھِ  500 روپے گھندے پئے ھن فی جانور دے حساب نال ریٹ لازم ودھسی، ترجمان سی ڈی اے مظہر حسین آکھے کہ جسٹ ایز تے رول اے ھِ کہ جو ھن ایندا ٹھیکہ کون گھنڑن چاھندے زیادہ پیسیاں تے تاں جئیں بولی ڈیتی ھِ اکوں الاٹ کر ڈیتا گئے ڈی ایم اے دا عملہ ہوندے جو انشور کریندے کہ قیمتاں مناسب حد اچ رھاون تاکہ شہریاں کوں سہولتاں فراہم کیتیاں ونجن، گزشتہ سال ایں مویشی منڈی دا ٹھیکہ سوا ڈو کروڑ روپے اچ ڈیتا گیا ھا، مویشی منڈی اچ سہولیات تے  اخراجات دے ناں تے بھاری ٹھیکے توں تاثیر ایہا گھیدا ویندا پئے کہ قربانی توں پہلے شاید عوام دی کھل لہاون دی تیاری کر گھیدی گئی ھِ