پاکستان اچ مزید صوبے بنڑن تعصب کینی ترقی دی خاطر ھن

0
1070
saraikistan

پاکستان اچ مزید صوبے بنڑن تعصب کینی ترقی دی خاطر ھن

جو صوبہ دی مخالفت کریندے او در حقیقت پاکستان دی ترقی دے رستے اچ رکاوٹ ھِ ، فیصل شہزاد چغتائی

 
صوبہ سندھ، بلوچستان، پنجاب تے خیبرپختون خواہ نا ہی لسانیت ھِ نا تعصب تے نا ھی پاکستان دی سلامتی تے خطرہ ھِ بس اگر خطرہ ھِ تاں لفظ سرائیکستان خطرہ ھِ کیونکہ اے نی چاھندے کہ محنت کش کوں اجرت ملے غیور سرائیکی خطے دے عوام اپنڑیں حق دے متلاشی ھن، تے راہ ڈیکھدن پچھلیاں واری وٹیاں دی جمہوریت اچ آون والیاں پارٹیاں نے سوائے سرائیکیاں دی پاڑ پٹن دے کجھ نی کیتا تے ھن وی خواب ڈیکھاون دے سوا کجھ کرن دی ہمت نی رکھیندیاں صرف تے صرف ایں حق دی آواز تے کمند کسیندن، حق دی گالھ کریندے زبان تے ککرے آ ویندن یا کوئی شاہ نوازی دی لاج آویندی ھِ سنگتاں واری وٹیاں دیاں یاد آ ویندن، جو پارٹی تنظیم یا ادارہ جنوبی پنجاب کوں سرائیکستان صوبہ بنڑاون دی نفی کریندے او احمقاں دی جنت اچ رھاندے میڈی نظر اچ کھلا تعصب ھِ جو ھک خطے دے غیور عوام دے نال مسلسل ذیادتیاں دے خاموش کھیلا اوڈیندے تے آواز کسیندے، نا بھلو کہیں مظلوم دے حقوق دی خاطر آواز رلاون ثواب دا کم ھِ جنوبی پنجاب اچ رہاون والے افراد پاکستانی ھن تے پاکستان دے صوبے دی گالھ کریندن جیویں خیبرپختون خواہ نے کیتی لیکن اون ویلے تاں لسانیت تے تعصب نا لگا کہیں کوں نا کہیں آواز بلند کیتی نا کہیں نے اے آکھیا کہ اے پاکستان دی سالمیت دے خلاف ھِ پاکستان دے خلاف ھِ اج سرائیکستان دی آواز دے شور مچاوݨ کہ پاکستانی ہیں مسلمان ھیں معذرت دے نال بہوں افسوس تھیندے غلاظت دے نال بھرے ذھناں تے جو کہ اے سمجھدن کہ سرائیکستان صوبہ پاکستان دی سالمیت واسطے خطرہ ھِ تے سرائیکی خطے تے آباد مسلمان کینی، سرائیکیاں نے سبھ کوں محبتاں نال نوازے اج جو لوگ زبان کسی کرن اچ ڈنہیں رات مصروف ھن او اے نا بھلن کہ ایں خطے اچ ہر رنگ و نسل ہر زبان نال جڑا انسان رہائش پذیر ہے تے سب کوں محبتاں ڈیون والے سرائیکی ھن جو کہیں قسم دی کوئی تفریق نی رکھیندے ڈوکھ سوکھ اچ نال ہوندن، ٧٠ سال اچ صوبے نا بنڑن پاکستان دی ترقی اچ وڈی رکاوٹ ھِ تے جو لوگ صوبے دی مخالفت کریندن یا گالھیں کر تے گمراہ کرن دی کوششاں اچ مصروف ھن او در حقیقت سرائیکستان دی مخالف نی او ملک دی ترقی دی مخالفت کریندن ٧٠ سال پہلے والا پاکستان ھن ترقی یافتہ ملکاں اچ شمار تھیندے تے بادشاہت دا خاتمہ منگدے اختیارات منگدے عوام دے حقوق منگدے اگر غریب ٧٠ سال توں ٹیکس ادا کریندے پئن تے انہاں کوں کم از کم بنیادی ضرورتاں تاں ڈیتیاں ونجن ٹوپی ڈرامہ خواب ڈیکھاون جلسے جلوس ریلیاں دے رنگ اچ گمراہ نا کیتا ونجے، جو مخالفت سرائیکستان کریندن انہاں واسطے اے پیغام ھِ کہ سرائیکستان دا وجود پہلے توں موجود ھِ بس ھن صرف اعلان دی ضرورت ھِ اگر اعلان نا کیتا گئیا تے اے مزید ظلم ہوسی خطے دے عوام دے نال پاکستان دا تقریبان 70 فیصد توں ودھ رقبہ زراعت سرائیکی خطے دے نال وابستہ ھِ تے ایں خطے کوں ھی نظر انداز کر ڈیون افسوس ناک ھِ جیندی پر زور مزمت کریندے ہیں ، تے جو لوگ گھراں اچ یا ٹھڈے اے سی اچ یا اسمبلیاں اچ بہہ تے اے گالھ کریندن کہ بے مقصد ہے تعصب ھِ لسانیت ھِ تے انہاں کو ھن شیشہ ڈیکھن دی لوڑ ھِ موجودہ جمہوریت دا گندا چہرا پوری قوم دے سامنڑیں ھِ تے جو ٹیکس کھادے گئن او سرائیکی خطے تے سرائیکی سندھی جو لوگ اندرون سندھ آباد ھن اون خطے دے ٹیکس ھن، تے اے ڈونہیں خطے کھنڈرات دا منظر پیش کریندن، صد ہا لعنت بھجیندے ھیں جو کہیں مستحق غریب تے مظلوم دا حق کھاون، تے انہاں دے وی ڈھیر ھا لعنت جو لوگ ایں ماں دھرتی نال دھوکے بازی کیتی ھِ وڈیاں سیٹاں تے بہہ تے اے بھول گئن کے او ایں دھرتی تے پیدا تئھن، جو سرائیکستان دی آواز کو تعصب لسانیت دا رنگ ڈیندن انہاں کوں دعوت ڈیندے ہیں کہ او سرائیکی خطے تے آباد شہاراں دی حالت زار ڈیکھن انہاں دے ڈوکھ کو اپنڑیاں آکھیاں نال ڈیکھن ایندے بعد کجھ قلم دا حق ادا کرن، کوئی بے ضمیر ھی ہوسی جو وسیب دے ڈوکھ کو اپنڑیں مفاد دی خاطر لکھیسی جیندا ضمیر زندہ ہوسی اوندی زبان تے اوندا قلم سرائیکستان ھی لکھیسی۔
 
سرائیکستان صوبہ ناگزیر ھِ تے وقت دی ضرورت ھِ اے نا ہووے کہ ایں خطے دے لوگ اپنڑیں بالاں دے بنیادی حق دی خاطر سڑکاں تے آ ونجن، اساڈی ثقافت ، اساڈی زبان ، اساڈی قوم دی غلط عکاسی کرن والے ھن بہوں جلد بے نقاب ہوسن، نا پہلے سرائیکستان (سرائیکی خطے) جنوبی پنجاب ہا تے نا رھاسی، سرائیکی خطہ پہلے وی سرائیکی ھا تے اج وی سرائیکی ھِ بس کجھ وقت مزید حوصلہ رکھن دی لوڑ ھِ ہر گھر اپنڑیں حق دی آواز دی خاطر نکلسی۔ اپنڑیں حقوق دی خاطر نکلسی۔ انشااللہ صوبہ سرائیکستان بہوں جلد نظر آسی اے حق وی بنڑدے مزید صوبے بنڑن پاکستان دی ترقی واسطے ھن پاکستان دی سالمیت اچ خطرہ کینی او لوگ جو پاکستان کو مسلسل لٹ تے کھادی پئن انہاں واسطے سرائیکستان سونے دا انڈا ڈیون والی مرغی ھِ اگر مرغی نکل گئی تاں انڈا کویں ملسی ڈوکھ ایں گالھ دا کھادی ویندے، غریباں دا حق کیں ویلے تک کھاسو، ھک ڈنہیں کہیں غریب دی آہ تساں کوں وی کھا ویسی ، تے جو سرائیکی جمہوریت اچ ھن یا لیڈر ھن یا ایم این اے ھن او اپنڑاں قبلہ درست کر گھن کیونکہ قوم نال غداری در حقیقت اپنڑی ماں نال غداری ھِ ماں بولی زبان سرائیکی جو ماں دی جھولی اچ سیکھی اوندے نال غداری ھِ جئیں زمین دا اناج کھادے اوندے نال غداری ھِ خود کو سدھارو تے وسیب دے درد کو سمجھدے ہووے انہاں دے ڈوکھ درد واسطے مل تے کم کرو تاکہ بعد مرن دے کجھ لوگ تساں کوں چنگے الفاظ اچ یاد رکھن نا تے یاد رکھو اگر ایہو روش رکھی تاں چنگے الفاظ اچ یاد رکھن والے ھک ڈو ملسن تے لعنت ڈیون والے ھزاراں
 

LEAVE A REPLY

Please enter your comment!
Please enter your name here