بہاول پور ، ملتان سمیت سرائیکی خطے اچ کہیڑ دا راج
بہاولپور (سرائیکی نیوز) بہاول پور سمیت ملتان، مظفرگڑھ لیہ، بھکر ، ڈیرہ غازیخان ، ڈیرہ اسمعیل ،خان تے سرائیکی خطے تے کافی شہاراں دے نال نال لاہور تے کراچی اچ کہیڑ دا راج موٹر وے تے قومی سڑکاں تے عوام کو گڈی دیاں لائیٹیاں تیز آن کر کے تے آرام نال چلاون دی ہدایت ڈے ڈیتی گئی، کہیڑ دی وجہہ نال بہاول پور ملتان تے لاہور توں کافی پروازاں منسوخ کر ڈیتیاں گئیاں، تفصیل دے مطابق جنوبی پنجاب سرائیکی خطے دے علاقے دے نال نال لاہور تے ڈیرہ اسمعیل خان کہیڑ (دھند) دے حسار اچ آ گئن، کہیڑ دی وجہہ نال کمالیہ اچ کار تے موٹر سائیکل دی ٹکر نال ھک شخص جاں بحق تے ڈو زخمی تھئی گئن ، سرگودھا دے نیڑے ٨ گڈیاں ٹکر تھئی گئی ھِ حادثے اچ ١٠ افراد زخمی تھئن۔ کہیڑ دے وجہہ توں حد نگاہ سفر تک پھج گئی ھِ لوگاں کوں ہدایت ڈیتی گئی ھِ کہ او کاراں موٹر سائیکل احتیاط دے نال چلاون تے لائٹاں آن رکھن تے بغیر ضرورت گھراں توں باہر نا نکلن تے سکول ونجن والے بالاں کوں سر تے رومال ٹوپی پھوا تے سکول بھیجن تے ماسک یا کپڑے نال منہ کج تے اسکول ونجن تاکہ ساہ دیاں بیماریاں توں بچا ونج سکے،کہیڑ اچ ٹھڈے مشروبات تے چیزاں کھاون توں پرھیز کرن۔ یاد رھاوے کہ اے کہیڑ دا سلسلہ انڈیا دی طرفوں اٹھدے تے سویرے ایندے نال ٹریفک روانگی رک ویندی ھِ کجھ دیر بعد سورج نکلن دے بعد حالت بہتر تھئی ویندی ھِ جیندی وجہ نال ٹریفک دی روانی متاثر ھِ میاں چنوں توں خانیوال تے ملتان توں بہاول پور تک حد نگاہ سفر توں ٥٠ میٹر تک ریکارڈ کیتی گئی ھِ
