اسلام آباد(سرائیکی نیوز) پاکستان تحریک انصاف نے عام انتخابات دی تیاری شروع کر ݙیتی تے فاٹا دی ٹکٹ دی تقسیم کیتے پارلیمانی بورٹ تشکیل ڈے ݙیتا ، پارلیمانی بورݙ دے چیئرمین عمران خان جبکہ وائس چیئرمین شاہ محمود قریسی ھن ، میڈیا رپورٹس دے مطابق پی ٹی آئی دی طرفوں جاری اعلامیہ اچ آکھیا گئیا ھِ کہ تحریک انصاف نے عام انتخابات دی تیاری شروع کر ݙیتی گئی ھِ تے فاٹا اچ ٹکٹاں دی تقسیم کیتے فاٹا پارلیمانی بورݙ تسکیل ݙے ݙیتا ھِ فاٹا اچ ٹکٹاں تقسیم کیتیاں ١٠ رکنی بینچ تشکیل ݙے ݙیتا گئیا ھِ ، پارلیمانی بورڈ دے چیئرمین عمران خان جبکہ وائس چیئرمین شاہ محمود قریشی ھن۔

اسلام آباد(سرائیکی نیوز) سپریم کورٹ نے سابق وزیر اعظم نواز شریف ، پاکستان تحریک انصاف دے چیئرمین عمران خان تے سابق چیف جسٹس افتخار محمد چوہدری دے خلاف توہین عدالت دی الگ الد درخواستاں دی سماعت کیتے مقرر کر ݙیتی ۔ چیف جسٹس میاں ثاقب نثار دی سربراہی اچ ٣ رکنی بینچ توہین عدالت دی درخواستاں تے ٤ اپریل کوں سماعت کریسی۔ سینئر وکیل نصیر احمد کیانی دی طرفوں عمران خان دے خلاف توہین عدالت دی درخواست دائر کر ݙیتی گئی جیندے اچ الزام لایا گئیا کہ چیئرمین تحریک انصاف نے سابق چیف جسٹس افتخار چوہدری دے خلاف نازیبا الفاظ استعمال کیتے گئے۔

ڈوجہے پاسے ھک بئے درخواست گزار ریاض حنیف راہی دی طرفوں نواز شریف تے افتخار چوہدری دے خلاف الگ الگ درخواستاں دائر کیتیاں گئیاں ، ڈونہاں درخواستاں اچ سابق چیف جسٹس کوں بلٹ پروف گڈیاں ڈیون دے معاملے تے دائر کیتی گئیاں

علاوہ ازیں سپریم کورٹ دی طرفوں ١٩ ویں آئینی ترامیم دے خلاف درخواست وی سماعت کیتے مقرر کیتی گئی کالا باغ ڈیم دی تعمیر کیتے ریفرنڈم کراݨ توں متعلق وی درخواستاں سماعت کیتے مقرر کیتیاں جیندے تے چیف جسٹس ٢ اپریل کوں سماعت کریسن۔

اسلام آباد (سرائیکی نیوز) دفتر خارجہ دے ترجمان ڈاکٹر محمد فیصل آکھیا ھِ کہ سوات توں پاک آرمی دے یونٹ دے حملے اچ ملوث کالعدم تحریک طالبان پاکستان ٹی ٹی پی دے دہشت گرداں کوں افغانستان دے حوالے کر ݙیتا گئیا  وزارت خارجہ نے ڈسایا کہ سوات اچ آرمی یونٹ تے خود کش حملے اچ ملوث ک دہشت گرد کوں تمام ثبوتاں دے نال اسلام آباد اچ افغان سفارت خانے دے سپرد کر ݙیتا گئیا انہاں دا آکھن ھا کہ دہشت گرد دے کول افغانستان اچ ٹی ٹی پی تے جماعت الحرار دے کیمپاں تے نقل و حرکت توں متعلق تمام شواہد تے معلومات ھن، واضح رھاوے کہ سوات اچ ھک خود کش حملے اچ ١١ فوجی شہید تھئے ھن جبکہ ٹی ٹی پی نے صحافیاں کوں بذریعہ ای میل حملے دی ذمہ داری قبول کیتی ھائی دفتر خارجہ دے ترجمان دے مطابق افغان حکام تے زور ݙیتا گئیا ھِ کہ او اپنڑی سر زمین اچ قائم دہشت گرداں دے ٹھیکانڑاں دے خلاف موثر کارروائی کرن جیتھاں پاکستانی فوجی چیک پوسٹاں، شہر تے ٹاونز تے حملے دی منصوبہ بندی کیتی ویندی ھِ

دفتر خارجہ دے تجرمان نے مزید آکھیا کہ ٹی ٹی پی ، جماعت الحرار تے لشکر اسلام دے افغانستان اچ ٹھکانڑیاں دے خلاف بھر پور کارروائی دی لوڑ ھِ تاہم افغانستان دی طرفں بارڈر تے پوسٹاں دی تعمیر تے اہلکاراں دی تعیناتی نال بہتری آئی ھِ ڈاکٹر محمد فیصل نے آکھیا کہ پاکستان نے افغانستان اچ دہشت گرداں توں متعلق ٹھکانڑیاں دے حوالے نال معلومات افغان حکومت تے امریکی انتظامیہ نال شیئر کیتیاں ھن۔

اسلام آباد(سرائیکی نیوز) چیئرمین نیب جسٹس (ر) جاوید اقبال نے کھلی کچہری اچ عوامی شکایات دی سماعت دے دوران گالھ مہاڑ کریدنے ہووے آکھیا کہ احتساب سبھ کیتے دی پالیسی تے پختہ یقین رکھیندے ھیں بدعنوانی ھک ناسور ھِ جیندے خاتمے کیتے ھی ملک دی ترقی تے خوشحالی دا راز مضمر ھِ چیئرمین نیب نے لوگاں کوں انفرادی شکایات تحمل نال سنڑیاں تے قانون دے مطابق نمٹاون کیتے موقع تے احکامات جاری کیتے انہاں آکھیا کہ اج ملک تقریبام ٨٤ ارب ڈالر دا مقروض ھِ لیکن ایں قرض دے پیسے دا مصرف کیتھیں نظر نہی آندا ، جسٹس ریٹائرڈ جاوید اقبال نے آکھیا کہ ملک توں بد عنوانی دا خاتمہ صرف نیب نی بلکہ معاشرے دے ہر فرد دی ذمہ داری ھِ کہ او نا صرف خود کرپشن توں انکار کرن بلکہ اپنڑیں ارد گرد رھاون والے بندیاں کوں وی ایں کینسر توں بچاون کیتے اپنڑاں کردار ادا کرن۔

انہاں آکھیا کہ نیب نے جدید تقاضیاں کوں مد نظر رکھیندے ہووے اپنڑیں فرانزک سائنس لیبارٹری بنڑائی ھِ جیندے نال نیب دی انکوائریاں تے انویسٹی گیشنز دے معیار اچ بہتری آئی ھِ شکایت کرن والیاں نے چیئرمین نیب جسٹس جاوید اقبال کوں خراج تحسین پیش کریندے ہووے آکھیا کہ قومی احتساب بیورو تے پوری قوم کوں اعتماد ھِ

اسلام آباد (سرائیکی نیوز) جسٹس قاضی فائز عیسی دی چیف جسٹس بلوچستان ہائی کورٹ دی حیثیت نال تقرری دے خلاف ملک دی متعدد واری ایسوی سی ایشن اچ قرار داد منظور تھیون دے بعد بالاخر عدالت عظمی ٤ اپریل کوں جسٹس قاضی فائز دے خلاف پٹیشن دی سماعت کریسی۔ چیف جسٹس میاں ثاقب نثار دی سربراھی اچ تریھ رکنی بینچ ریاض حنیف راہی دی پٹیشن دا جائزہ گھنسی جیندے اچ مقدمہ قابل سماعت ھِ یا کینی دا فیصلہ تھیسی ایں توں قبل چیف جسٹس ثاقب نثار نے ١٣ مارچ کوں سپریم کورٹ رجسٹرار دی طرفں ریاض حنیف راہی دی پٹیشن تے اعتراض رد کریندے ہووے ہدایت کیتی کہ درخواست پہلے توں بینچ دے سامنڑیں پیش کیتی ونجے۔

درخواست گزاراں دی درخواست دے مطابق ایں عمل نال سپریم کورٹ اچ کام کرن والے دیگر ججاں دی سنیارٹی متاثر تھئی جو جسٹس قاضی فائز عیسی دی تقرری توں پہلے ہائی کورٹ اچ کم کریندے ھن، درخواست اچ آکھیا گئیا کہ جسٹس قاضی فائز عیسی دی سپریم کورٹ اچ تقرری نال انہاں توں زیادہ تجربہ رکھن والے انہاں دے جونیئر بݨ گئے ھن۔

اسلام آباد(سرائیکی نیوز) ترجمان دفتر خارجہ ڈاکٹر محمد فیصل دا آکھن ھِ کہ بھارت پاکستان دی طاقت دا غلط اندازہ نا لاوے تے اساں بھارت کوں اپنڑیں طے شدہ وقت تے مقام تے سبق سیکھیسوں، اسلام آباد اچ ترجمان دفتر خارجہ ڈاکٹر محمد فیصل نے ہفتہ وار پریس کانفرنس ݙیندے ہووے آکھیا کہ بھارتی فوج دی طرفوں کشمیر اچ سنگین انسانی خلاف ورزیاں کیتیاں ویندیاں پئیاں ھن ، بھارتی خود ارادیت کیتے جدوجہد کرݨ والے نہتے شہریاں دی آزادی کیتے چائی ونجن والی آواز کوں عالمی برادری تک پھجݨ توں روک کیتے مظالم دے پہاڑ توڑے ویندے پئے ھن گزشتہ روز وی مزید پنجھ کشمیریاں کوں شہید کر ݙیتا گئیا ھا ، عالمی برادری ایں تمام صورتحال دا نوٹس گھنے

ترجمان دفتر خارجہ نے آکھیا کہ بھارت ایل او سی تے ورکنگ باونڈری دی وی خلاف ورزیاں کریندا پیا ھِ رواں سال وی بھارتی فوج دی طرفوں 370 واری سیز فائر معاھدے دی خلاف ورزیاں کیتیاں گئیاں جئں وجہہ نال 20 شہری شہید تے 71 زخمی تھئے ھن ایل او سی تے ورکنگ باونڈری تے خلاف ورزیاں دی تعداد اچ غیر روایتی اضافہ کہیں مہم جوئی دا باعث بݨ سکدے۔ انہاں مزید آکھیا کہ بھارت پاکستان دی طاقت دا غلط اندازہ نا لاوے ، لائن آف کنٹرول ہووے یا ورکنگ باونڈری اساں اپنڑی سرحدی حدود دی حفاظت کرݨ جانڑدے ھیں ، پاکستان کہیں وی مہم جوئی تے جارحیت دا بھر پور جواب ݙیون دی صلاحیت رکھیندے بھارت کوں اپنڑیں طے شدہ وقت تے مقام تے سبق سیکھیسوں۔

ݙاکٹر فیصل نے آکھیا کہ بھارت دی طرفوں پاکستانی فنکاراں تے فلماں تے وی پابندی عائد کیتی گئی ھِ جو افسوسناک ھِ بھارت دا پاکستانی ثقافت توں خوفزدہ تھیون دا واضح ثبوت ھِ

اسلام آباد (سرائیکی نیوز ) سابق وزیر اعظم نواز شریف دا آکھݨ ھِ کہ چیف جسٹس آف پاکستان دے اج دے بیان تے ویر اعظم مناسب سمجھن تاں وضاحت طلب کر سکدے ھن ، مری توں اسلام آباد آمد دے موقع تے صحافیاں نال گالھ مہاڑ کریندے ہووے نواز شریف آکھیا کہ چیف جسٹس کو ایہو جی گالھ نی کرنی چاھیدی جو انہاں نے کیتی ، او فریادی جیسے الفاظ تے فقرے نا آکھن تاں بہوں چنگا ہوندا۔ سابق وزیر اعظم آکھا کہ جو ادارے کہیں کوں آلہ کار بنڑیندے ھن اے سلسلہ ھن رکنڑاں چاھیدا ھِ تے ہر ادارے کوں اپنڑیں حدود دے اندر رہ تے کم کرنا چاھیدا ھِ انہاں آکھیا کہ وزیر اعظم شاہد خاقان عباسی نال جلد ملاقات تھیسی پہلے وی ملاقاتاں تھیندیاں رھیاں ھن۔ یاد رھاوے کہ کیس دی سماعت دے دوران چیف جسٹس آف پاکستان دے وکیل لطیف کھوسہ توں مکالمے دے دوران آکھا ھا کہ وزیر اعظم نال تھیون والی ملاقات اچ کیا کھویا کجھ نی پایا ہی ھِ اپنریں ادارے تے وکلاء کوں مایوس نا کریساں، میڈا کم فریادی دی فریاد سنڑن ھِ سابق وزیر اعظم نواز شریف آکھیا کہ ٤ سال اچ ڈساون کیتھاں میں آئین توں تجاوز کیتے ، آئین نے جو مینڈیٹ ݙیتا ھِ ایں توں کݙھیں وی تجاوزت نی کیتا ݙوجہیاں کوں وی آئین دی حدود کوں پار نی کرنا چاھیدا تے اداریاں کوں ھک ڈوجہے تے اعتماد کرنا چاھیدا ھِ نواز شریف دا آکھݨ ھا کہ آئین تے ووٹ دے تقدس دی گالھ کرݨ بہوں ضروری ھا ایں ملک اچ اج تک ووٹ کوں احترام نی ملیا تے ھن ہر جگہ میڈے بیانیے کوں تقویت ملدی پئی ھِ نواز شریف دا آکھن ھا کہ جسٹس عظمت شیخ نے آکھیا ھا کہ اڈیالہ اچ جگہ خالی ھِ ایہو جئی گالھیاں کہیں وی وزیر اعظم کیتے انتہائی غیر مناسب ھن کیا ایہو جئے لفظ ھک جج کو زین ݙیندن اساں ول وی واویلا نی مچایا پارٹی قیادت نال ناراض مسلم لیگ ن دے رہنما چوہدری نثار توں متعلق سوال تے نواز شریف آکھیا کہ تساں کویں ایں معاملے اچ اتنی فکر کیوں ھ،

اسلام آباد(سرائیکی نیوز) اسلام آباد ہائی کورٹ نے فاروق ستار دی درخواست منظور کریندے ہووے الیکشن کمیشن دا فیصلہ معطل کریندے ہووے ١١ اپریل تک حکم امتناعی جاری ک رݙیتا ، عدالت نے الیکشن کمیشن سمیت تمام فریقین کوں ١١ اپریل تک جواب جمع کرواوݨ دی ہدایت کیتی ھِ فاروق ستار نے گزشتہ روز ایڈووکیٹ بابر ستار دی وسات نال دائر کردہ درخواست اچ الیکشن کمیشن دا فیصلہ چیلنج کیتا ھا ۔ واضح رھاوے کہ الیکشن کمیشن نے ٢٦ مارچ کوں ایم کیو ایم بہادر آباد گروپ دے کنور نوید جمیل تے خالد مقبول صدیقی دی درخواستاں تے پی آئی بی گروپ دے انٹرا پارٹی انتخابات کالعدم قرار ݙیندے ہووے ڈاکٹر فاروق ستار دی پارٹی کنوینئر شپ ختم کر ݙیتی ھائی شدید اختلاف دی وجہہ توں دھڑے بندی اچ ونڈی ہووئی ایم کیو ایم پاکستان اچ پارٹی قیادت دے تنازع تے بہادر آباد تے پی آئی بی گروپ نے ھک ڈوجہے دے خلاف الیکشن کمیشن نال رجوع کر رکھا ھا ۔ فاروق ستار ایم کیا ایم دی کنونیئر شپ تے عہدے تے بحال تھئی گئے ہائی کورٹ نے کنوینر شپ توں ہٹاون دا الیکشن کمیشن دا فیصلہ معطل کر ݙیتا۔

اسلام آباد(سرائیکی نیوز) پاکستان پیپلز پارتی نے سینیٹ چیئرمین صادق سنجرانی دے حوالے نال وزیر اعظم شاہد خاقان عباسی دے متنازعہ بیان دے خلاف تحریک استحقاق گھن تے آؤݨ دا حتمی فیصلہ کر گھیدا، واضح رھاوے کہ گزرن ہفتے لاہور تے ننکانہ صاحب اچ مختلف تقاریب توں خطاب کریندے ہووے وزیر اعظم شاہد خاقان عباسی نے چی؎عرمین سینٹ دے انتخابات تے تحفظات دا اظہار کیتا ھا آکھیا ھا کہ ایوان بالا کیتے مشترکہ چیئرمین دی لوڑ ھِ جو وفاق دی عکاسی کر سکدا ہووے۔ وزیر اعظم شاہد خاقان عباسی نے الزام لایا ھا کہ سینیٹ انتخابات اچ ووٹ کرں خریدا گئیا تے ایہو جئے اقدامات نال ملک دی عزت نی تھیندی تے نا ہی ایں طرح دے انتخابات دی کوئی عزت ہوندی ھِ وزیر اعظم شاہد خاقان عباسی ایوان بالا دے چیئرمین صادق سنجرانی کوں خوش آمدید نا آکھیسوں ، دے حوالے نال متضاد رپورٹ تے انہاں نے آکھیا کہ وزیر اعظم سینیٹ اچ آون توں انکار کریسن ، کیا او نا آ تے سینیٹ دی توہین نا کریسن؟

پیپلز پارٹی دے رکن تے نو منتخب سینیٹ اپوزیشن رہنما شیری رحمن نے آکھیا کہ پارٹی وزیر اعظم دے بیان دے خلاف بھر پور احتجاج کریسی انہاں دے بیان نال پورے ایوان دا تقدس مجروح تھئے ، ایں توں قبل اپوزیشن لیڈر سید خورشید شاہ نے وی شاہد خاقان عباسی دے بیان کوں پارلیمنٹ دی توہین قرر ݙیتا ھا جبکہ پاکستان تحریک انصاف دے سیکریٹری اطلاعات فواد چوہدری نے وزیر اعظم توں متنازعی بیان تے معافی منگݨ دا مطالبہ کیتا ھا ۔ شیری رحمان نے آکھیا کہ وزیر اعظم دے بیان نال پارلیمینٹ دی بے حرمتی تھئی ھِ نواز شریف دا میمو گیٹ توں متعلق اعتراف تے رد عمل ݙیندے ہووے شیری رحمن نے آکھیا کہ سابق وزیر اعظم ہمیشہ گالھ کریندے ھن لیکن ایں ادارے دا ناں نی گھیندے

اسلام آباد(سرائیکی نیوز)مسلم لیگ (ن) دے قائد میاں نواز شریف نے آکھیا ھِ کہ جو کم چیف جسٹس صاحب دا کینی او ایں طرف نا ونجن، احتساب عدالت اچ پیشی دے بعد جوڈیشنل کمپلیکس دے باہر صحافیاں نال گالھ مہاڑ کریندے ہووے نواز شریف نے آکھیا کہ اساں بھجن والے کینی تے نا ھی ایہو جئیا سوچا ونجے ورنہ ایں مقدمے کیتے کیوں آندا میڈی اہلیہ بیمار ھِ میکوں اتھاں رھاونڑاں چاھیدا ھِ میں گئیا تے ول واپس آیا ھن ونجن چاھنداں ھاں لیکن اجازت نی ݙیتی ویندی پئی ۔ انہاں آکھیا کہ اج جو گواہ بھگتا ، ایکوں اسٹار وٹنس آکھیا گئیاجئیں طرح نال اج فیکٹس سامنڑیں آئے ھن او سبھ نے ݙیکھ گھیدے تے سݨ گھیدے ، گواہ نے ھک ھک کر تے اپنڑٖیں الزامات کوں دھو ݙیتا جو اساݙے خلاف ھن تے اساݙے وکیل صفائی نے انہاں الزامات کوں دھلوا گھیدا، سابق وزیر اعظم دا آکھن ھا کہ اساں تے مقدمہ بدعنوانی دا کینی اے فراڈ ھِ جو میڈی ذات تے خاندان دے نال تھیندا پئے ایندے اچ بہوں ساری طاقتاں دا ہتھ ھِ اے مقدمہ سیاسی مخالفین نے دائر کیتا تے جئیں طرح دی سیاسی زبان ایں بینچ اچ اساݙے خلاف استعمال کیتی ایں توں ثابت تھیندا پیا ھِ کہ سب کجھ سیاسی ھِ ایندے اچ کجھ نیں نکلدا پیا جنہاں نے اے دائر کیتا ھا انہاں کوں شرمندی تھیونڑی چاھیدی ھِ

مسلم لیگ ن دے قائد نے ڈسایا کہ ایں مقدمے اچ کجھ نکلن دی گنجائش کینی اگر سزا ڈیوݨ ضروری ھِ تاں ایں مقدمے اچ نی ݙیتی ونج سکدی ، ایندے باوجود اگر سزا ڈیونڑی ھِ تاں میڈا ناں ٹیکنا ، اے سی ایل ، رینٹل پاور ، جج اسکینڈل ، این ایل سی یا ای او بی آئی اچ پا ڈیو جیندے اچ ارباں کھرباں کھادے گئے ھن۔

نواز شریف مزید آکھیا کہ اگر ایندے ذریعے سزا ڈیوݨ مقصود ھِ تاں ڈے ڈیون میڈے کیس اچ فراڈ دے سوا کجھ کینی اے فراڈ اسٹیبلش تھیندا ویندا پیا ھِ تے عدالت اچ ثابت تھیدنا پیا ھِ اسٹار گواہ ایں گالھ دا اعتراف کر چکے ھن انہاں دا آکھن ھا میڈا خیال ھِ کہ ایں معاملے کوں منطقی انجام تک پھچنڑاں چاھیدا ھِ اللہ نے اساں کوں سرخرو کریسی، اساں قوم دا ھک پیسہ کھادا نا لٹیا بلکہ جناں لٹے انہاں کوں روکے تے انہاں دے خلاف کارروائیاں کیتیاں ھن سابق وزیر اعظم نے آکھیا کہ جو تماشا لایا ہویا ھِ اے زیادہ دیر تک نی چل سکدا چیف جسٹس تے وزیر اعظم دی ملاقات تے نواز شریف نے کوئی تبصرہ کرݨ توں انکار کر ݙیتا۔

میاں نواز شریف نے آکھیا کہ چیف جسٹس جئیں طرح پہلے کئی مہینیاں توں مختلف معاملات دے گالھ مہاڑ کریندے ھن اسپتال اچ گئے ھن انہاں نے پرائیویٹ اسپتال تے کالجز دے بارے جو جائزہ گھنݨ دی کوشش کیتی ، ایں دا ٹارگٹ وی اساں ھاسے ، اے وثوق نال نی آکھ سکدا لیکن اے میڈا خیال ھِ

انہاں دا آکھن ھا کہ انہاں دا مقصد اے ھا کہ اساں تے ہتھ پایا ونجے ، کھ ہوندا تے ہتھ پایا ویندا ، چیف جسٹس سڑکاں ، سیکویرٹی ، دودھ تے پیون دے پانڑیں دی گالھ کریندے ھن میں انہاں کوں پہلے وی ھک گالھ آکھی ھائی ، مقننہ کردار بدقسمتی نال ڈوجہیاں دے ہتھ اچ چلا گئیا ، قانون کوں تلے کیتا گئیا ، سیاسی جماعتاں کوں ختم کیتا گئیا تے میکوں وی صدارت توں لھا ݙیتا گئیا ، سابق وزیر اعظم نے آکھی اکہ چیف جسٹس دے سوموٹو ایکشناں نے ایگزیکٹو دا کردار اپنڑیں قابو اچ گھن گھیدا ھِ

انہاں آکھیا کہ چیف جسٹس اے ضرور کرن لیکن انہاں اٹھارہ لکھ مقدمیاں دا وی کجھ کرن جو زیر اتواء ھن لوگ پریشان ھن ایں وقت تک انتظار کریندے پئے ھن کہ کیں ویلے وقت آسی جئیں ویلے آساں کوں انصاف ملسی، مقدمے بھگتیندے ہووے لوگاں دیاں نسلاں گزر گئیاں ھن۔ مسلم لیگ ن دے قائد نے چیف جسٹس توں متعلق آکھیا کہ تساݙا جو کم کینی اوں چرف نا ونجو، اے میڈا نکتہ نظر ھِ میں سمجھدا ھاں کہ چیف جسٹس کوں جو کم نی کرنے چاھیدے او نی کرنے چاھیدے او میں ڈسا ݙیتے ھن۔

اسلام آباد(سرائیکی نیوز) انسداد دہشت گردی دی عدالت نے ایس ایس پی تشدد کیس اچ چیئرمین تحریک انصاف عمران خان دی حاضری توں استثنی دی درخواست منظور کر گھیدی ، ایس ای سپی تشدد کیس دی سماعت کرݨ والے انسداد دہشت گردی عدالت دے جج شاہ رخ ارجمند نے سماعت کیتی ، ایں موقع تے چیئرمین تحریک انصاف عمران خان پیش نا تھئے جبکہ انہاں دے وکیل شاہد نسیم گوندل نے عدالت توں استدعا کیتی کہ انہاں دے موکل کوں اج حاضری توں استثنی ݙیتا ونجے، عدالت نے عمران خانکوں حاضری توں استثنی ݙیندے ہووے ایس ایس پی تشدد کیس دی سماعت ١٠ اپریل تک ملتوی کر ݙیتی ، چیئرمین تحریک انصاف عمران خان دے خلاف پی ٹی وی تے پارلیمنٹ حملہ کیس دی سماعت وی اج تھیسی تے فاضل جج کوثر عباسی زیدی سماعت کریسن۔ گزشتہ سماعت تے حاضری توں استثنی دے باعث چیئرمین تحریک انصاف عمران خان پیش نی تھئے

یاد رھاوے ٢٠١٤ اچ اسلام آباد دھرنے دے دوران چیئرمین تحریک انصاف سمیت دیگر پارٹی رہنماواں تے ٤ مقدمات قائم کیتے گئے ھن جیندے اچ پی ٹی وی ، پارلیمنٹ حملہ ، ایس ایس پی عصمت اللہ جونیجو تشدد تے لاوڈ اسپیکر ایکٹ دی خلاف ورزی اچ شامل ھن

اسلام آباد(سرائیکی نیوز) چیف جسٹس پاکستان جسٹس ثاقب نثر نے ریمارکس ݙیندے ہووے آکھیا ھِ کہ حسین حقانی یقین دھانی کراوݨ دے باوجود ملک توں کیویں گئیا اے عدالت دی عزت دا سوال ھِ سپریم کورٹ اچ چیف جسٹس ثاقب نثار دی سربراہی اچ ٣ رکنی بنچ نے میمو گیٹ اسکینڈل توں متعلق کیس دی سماعت کیتی ، ایں دوران چیف جسٹس نے ریمارکس ݙیتے ھن کہ حسین حقانی عدالت کوں یقین دھانی کرا تے ملک توں کویں بھج گئے اے عدالت دی عزت دا معاملہ ھِ عدالت نے استفسار کیتا کہ حسین حقانی کوں واپس گھن آوݨ کیتے پیش رفت تھئی جیندے تے ڈائریکٹ ایف آئی اے دا آکھن ھا کہ وزارت خارجہ تے خزانہ کوں خطوط لکھے ھن جبکہ حسین حقانی دے خلاف مقدمہ وی درج کر گھیدا گئیا ھِ حسین حقانی دے وارنٹ دے اجراء کیتے معاملہ چلدا پیا ھِ چیف جسٹس نے استفسار کیتا کہ اے معاملہ لمبا نی ہونڑاں چاھیدا جیندے تے ڈائریکٹر ایف آئی اے نے عدالت کوں ڈسایا کہ امریکا اچ پاکستانی سفارت خانے توں دستاویزات آندے پئے ھن چیف جسٹس نے کل تک تمام دستاویزات پوری کرݨ دی ہدایت ݙیندے ہووے آکھیا کہ آئندہ سماعت تے وزیر داخلی تے وزیر خارجہ ڈونہیں آ ونجن، ھک بندہ عدالت کوں یقین دھانی کرا تے ملک توں کویں بھج گئیا اے عدالت دی عزت دا معاملہ ھِ جبکہ عدالت ھن تک دی پیش رفت توں مطمئن کینی ، عدالت نے سیکریٹری خارجہ تے سیکریٹری داخلہ کوں کل طلب کریندے ہووے کیس دی مزید سماعت ملتوی کر ݙیتی۔

اسلام آباد(سرائیکی نیوز) قومی احتساب بیورو (نیب) نے انکوائری کیتے حکومت دی طرفوں امریکا اچ سفارت واسطے نامزد علی جہانگیر صدیقی دا ناں ایگزٹ کنٹرول لسٹ (ای سی ایل) اچ پاوݨ کیتے وزارت داخلہ کوں خط لکھن دا فیصلہ کر گھیدا ، نیب دی طرفوں جاری اعلامیے دے مطابق چیئرمین نیب جسٹس ریٹائرڈ جاوید اقبال دی زیر صدارت اجلاس تھیا جیندے اچ میسرز ایز گارڈن تے میسرز ایگری ٹیک لمیٹڈ تے دیگر دے خلاف انکوائری اچ احمد ہمایوں شیخ تے علی جہانگیر صدیقی دے ناں ای سی ایل اچ پاوݨ کیتے وزارت داخلہ کوں خط لکھݨ دا فیصلہ کر گھیدا۔ خیال رھاوے کہ وزیر اعظم شاہد خاقان عباسی نے معروف بزنس مین جہانگیر صدیقی دے صاحبزادے علی جہانگیر صدیقی کوں امریکا اچ پاکستان دا سفیر تعینات کرݨ دی منظوری ݙیتی ھائی۔ واشنگٹن اچ موجود پاکستان دے سفیر اعزاز چوہدری دی مدد جلد مکل تھیون والے ھِ جیندے عبد اے عہدہ خال تھئی ویسی علی جہانگیر صدیقی دی نامزدگی دے حوالے نال مختلف حلقیاں دی طرفوں حکومت تے تنقید کریندے ہووے آکھیا گیئا ھا کہ انہاں کوں سفارت کاری دا تجربہ کینی تاہم وزیر اعظم نے ایں تنقید کوں بلا جواز قرار ݙیتا ھا ۔ وزیر اعظم نے ھک انٹرویو اچ آکھیا ھا کہ امریکا دے نال ایں ویلے تعلقات مختلف نوعیت دے ھن ایں واسطے روایت توں ھٹ تے سفارت کاری دی ضرورت ھِ تے علی جہانگہر صدیقی دے کول اے قابلیت ھِ وزیر اعظم نے وضاحت کریندے ہووے آکھیا ھا کہ علی جہانگیر صدیقی نال انہاں دی کوئی کاروباری شراکت بازی کینی۔ خیال رھاوے کہ علی جہانگیر صدیقی کوں اگست ٢٠١٧ توں وزیر اعظم دے معاون خصوصی مقرر کیتا گئیا ھا تاہم ایں ویلے تک انہاں کوئی قلم دان نی ݙیتا گئیا ھا۔ نیب اعلامیے دے مطابق اجلاس اچ سابق وزیر اعظم نواز شریف دے دامان کیپٹن ر محمد صفدر دے خلاف آمدن توں زیادہ اثاثے بنڑاون تے مانسہرہ اچ تریھ سو کینال زمین ، تریھی کینال دا پلاٹ ، ھک کینال دا گھر ، ٹاون شپ مانسہرا اچ فلور مل دے مبہینہ الزامات دی شکایت تے جانچ پڑتال دا حکم ݙیتا گعی اھِ اجلاس اچ کابینہ ڈویزن توں پی ایم گلوبل سٹینیبل ڈیولپمنٹ گول ایچیومنٹ پروگرام دے تحت نو ارب روپے کوں کیپٹن ر صفدر کوں غیر قانونی چور تے ڈیون دے مبینہ الزام دی شکایت دی جانط پڑتا دا حکم ݙیتا گئیا ھا۔ خیال رھاوے کہکیپٹن صفدر سپریم کورٹ دے پاناما کیس دے فیصلے دی روشنی اچ نیب دی طرفوں دائر ریفرنس اچ سابق وزیر اعظم تے مریم نواز دے نال احتساب عدالت اچ پیش تھیندے پئےھن

اسلام آباد (سرائیکی نیوز) ترجمان دفتر خارجہ دا آکھن ھِ کہ امریکہ معاملے کوں سیاسی رنگ ݙیون توں باز رھاوے، پاکستان نے نیو کلیئر سیفٹی کیتے بین الاقوامی معیار دے اقدامات کر رکھے ھن، واضح رھاوے کہ اے بیان ایں ویلے سامنڑیں آی اھِ جئیں ویلے امریکا نے پاکستان دی ست کمپنیاں تے پابندی عائد کرݨ دا فیصلہ کیتا ھِ ترجمان دفتر خارجہ ڈاکٹر فیصل نے اپنڑیں بیان اچ امریکی اقدامات سے سخت رد عمل دا اظہار کریندے ہووے آکھیا ھِ کہ امریکی محکم تجارت تے لائی گئی پابندیاں توں آگاہ ہیں ٹرمپ انتظامیہ معاملات کوں سیاسی رنگ ݙیون توں گریز کرے امریکا دی طرفوں جنہاں کمپنیاں تے پابندیاں لائیاں گئیا ھن او نجی شعبے دیان ھن ، جوہری عدم پھیلاو ،تحفظ و سلامتی توں متعلق پاکستان دیاں کوششاں نال پوری دنیا آگاہ ھِ ترجمان نے آکھیا کہ امریکی چیزاں تک رسائی کیتے انہاں کمپنیاں کوں مزید لائسنسنگ شرائط دا سامنڑیں کرنا ہوسی، صورتحال سمجھݨ کیتے امریکا تے انہاں کمپنیاں توں مزید معلومات حاصل کیتیاں ویسن، پر امن تے جائز مقاصد کیتے دہرے استعمال دی اشیاء تے ٹیکنالوجی تے پابندی کینی پاکستان شافیت دے نال دھرے استعمال دی اشیاء دی سپلائے دے نال رابطے اچ رھیے۔ انہاں آکھیا ھِ کہ پاکستان نے ایہو جی چیزاں دی ترسیل دے بعد وی تصدیق کوں یقینی بنڑایئے ، پاکستان ایٹمی عدم پھیلاو دی کوششاں تے امریکی شوک و شہبات کوں مسترد کریندے ھیسے۔

اسلام آباد(سرائیکی نیوز) سپریم کورٹ اچ دوران سماعت انکشاف تھئیا ھِ کہ ملک بھر اچ ھک لکھ ٧٢ ھزار سرکاری افسران اچوں ٣٢ زار نے حکومتی ریکارڈ اچ اپنڑی ذاتی معلومات دا درست اندراج نی کروایا، چیف جسٹس پاکستان جسٹس ثاقب نثار دی سربراہی اچ سپریم کورٹ دے تریھ رکنی بینچ نے ججرز تے سرکاری افسران دی دہری شہریت توں متعلق کیس دی سماعت کیتی ، سماعت دے دوران ڈی جی ایف آئی نے عدالت کوں ݙسایا کہ ملک اچ ھک لکھ ٧٢ ہزار توں ودھ سرکاری افسر ھن ، ھک لکھ ٤٠ ہزار ملازمین دی معلومات درس ھن ، ٦١٦ افسران نے رضا کارانہ چور تے دہری شہریت تسلیم کیتی، ١٤٧ افسراں نے اپنڑی دہری شہرت لُکائی ، ٦٩١ افسراں دی بیگمات دہری شہرت دی حامل ھن جنہاں اچ ٢٩١ افسراں نے بیگمات دی دہری شہرت لکائی ، ٧ ایہو جئے افسر وی ھن جنہاں دی شہریت غیر ملکی ھِ چیف جسٹس نے استفسار کیتا کہ سرکاری افسراں دی بیگمات تے دوہری شہریت دی قدغن ھِ کیا غیر ملکی سرکاری ملازمت اختیار کر سکدا ھِ دہری شہرت توں متعلق کافی معلومات آ چکی ھِ کیا مزید معلومات آون دا امکان ھِ عدالتی پچھ گچھ تے ݙی جی ایف آئی اے نے آکھیا کہ صوبیاں دی طرفوں دہری شہریت توں متعلق معلومات آون باقی ھِ غیر ملکی سرکاری ملازمت نی کر سکدا ، سیکریٹری اسٹیبلشمنٹ نے ݙسایا کہ افسراں کوں اپنڑیں تے بیگمات دی دہری شہریت ظاہر کرنی ہوندی ھِ حکومت کوں اجازت ھِ غیر ملکی شہری مخصوص منصوبیاں تے تعینات تھئی سکدے ھن

سپریم کورٹ نے دہری شہریت چھاپݨ والے ١٤٧ افسراں ، بیویاں دی شہریت لوکاون والے ٢٩١ افسراں تے ٧ غیر ملکی افسراں کوں نوٹس جاری کریندے ہووے سماعت ھک ہفتے کیتے ملتوی کر ݙیتی

اسلام آباد(سرائیکی نیوز) الیکشن کمیشن پاکستان (ای سی پی ) نے متحدہ قومی موومنٹ ایم کیو ایم پاکستان دے بہادر آباد گروپ دی طرفوں کرائے گئے انٹر پارٹی الیکشن کوں کالعدم قرار ݙے ݙیتا، جیندے نال ھی ڈاکٹر فاوق ستار پارٹی سربراہ نا رھاسن ۔ الیکشن کمیشن اچ ایم کیو ایم پاکستان دے ڈونہاں دھڑیاں دے انٹرا پارتی انتخابات دے حوالے نال الگ الگ درخواستاں دی سماعت تھئی ایم کیو ایم پاکستان دے رہنما ڈاکٹر فاروق ستار دی طرفوں درخواست دائر کیتی گئی جیندے اچ ای سی پی دے دائرہ اختیار کوں چیلنج کیتا گیا ھا تاہم کمیشن نے انہاں دی درخواست کوں مسترد کر ݙیتا جبکہ ڈاکٹر خالد مقبول صدیقی تے کنورنوید جمیل دی درخواستاں کوں قابل سماعت قرار ݙے ݙیتا ای سی پی نے درخواستاں ت فیصلہ سنڑیندے ہووے ڈاکٹر فاروق ستار کوں ایم کیو ایم پاکستان دی کنونیر شپ توں ہٹا ݙیتا۔

اسلام آباد(سرائیکی نیوز) عالمی بینک نے اپنڑیں ھک رپورٹ اچ آکھیا ھِ کہ چین پاکستان اقتصادی راہداری منصوبے (سی پیک) دی تکمیل نال معاشی ترقی دے وسید تر مواقع پیدا تھیسن جیندے واسطے معاشرے دے تمام طبقات تے مثبت اثرات مرتب تھیسن ، جنوبی ایشیاء اچ نقل و حمل کیتے راہداریاں دے قیام دے عنوان نال اے رپورٹ عالمی بینک دے اقتصادی تجزیہ کار مارٹن میلیکی تے عالمی امدادی اداریاں نال مشترکہ طور تے تیار کیتی ھِ رپورٹ اچ آکھیا گئیا ھِ کہ چین پاک اقتصادی راہداری دے تحت سڑکاں ، ریلوے تے بندرگاہواں دے شعبیاں اچ وڈے پیمانے تے سرمایہ کاری کیتی گئی ھِ جیندے نال پاکستان اچ اقتصادی ترقی دے فروغ ، غربت اچ کمی ، وسیع تر فوائد دے حصول تے نویں تجارتی رستیاں دے قیام نال متاثر تھیوݨ والی آبادیاں کیتے امداد دی فراہمی ملسی رپورٹ اچ ایشیائی ترقیاتی بینک ، برچانیہ تے جاپان دے بین الاقوامی ترقی دے ادارے تے عالمی بینک نے مشترکہ طور تے شائع کیتی ھِ جیندے اچ چین پاک اقتصادی راہداری سمیت مختلف اقتصادی راہداریاں دے قیام دا تفصیلی تجزیہ کیتا گئیا ھِ

اسلام آباد(سرائیی نیوز۔پولیٹیکل رپورٹر) وزیر اعظم شاہد خاقان عباسی نے آکھیا ھِ کہ چودھری نثار کوں پارٹی ٹکٹ ݙیون دا فیصلہ پارٹی دا پارلیمانی بورڈ کریسی، انہاں آکیا کہ انتخابات اچ پارٹی ٹکٹس ڈیون دا فیصلہ مسلم لیگ ن دا پارلیمانی بورڈ کریندا ھِ وزیر اعظم دے ترجامن دے مطابق سابق وزیر اطلاعات پرویز رشید دی طرفوں چوہدری نثار علی کوں پارٹی توں ہٹ تے موقف رکھن تے آئندہ انتخابات اچ پارٹی ٹکٹ نا ڈیون دے حوالے نال وزیر اعظم نے آکھیا کہ انتخابی ٹکٹ ڈیوݨ دے حوالے نال مشاورت دٖے تحت تھیندے ھن تے کوئی ھک بندہ ایندا فیصلہ نی کریندا انہاں آکھیا کہ ایں ضمن اچ پارٹی دا پارلیمانی بورڈ مجاز فورم ہوندے۔

اسلام آباد(سرائیکی نیوز) پاکستان نے ترکی توں جدید جنگی ہیلی کاپٹر گھنݨ دا اعلان کریندے ہووے آکھیا ھِ کہ پاکستان تے ترقی جنگی ہیلی کاپٹر دی خریداری دے معاملے کوں حتمی چکل ڈیون دے قریب پھج گئے ھن اطلاعات دے مطابق پاکستان تے ترکی دے درمیان اعلی درجے دے جدید ٹی ١٢٩ ہیلی کاپٹر دی خرید و فروخت دا معاہدہ عنقریب طے پا ونجن والا ھِ ترکی نے ھک اعلی دفاعی افسر دے ناں ظاہر نا کرن دی شرط تے ڈسایا کہ ڈونہاں ملکاں دی حکومتاں دے درمیان اے ٹی اے دے ہیلی کاپٹر دا معاہدہ مستقبل دے قریب طے پاسی۔ ذرائع دا آکھن ھا کہ مذکورہ ہیلی کاپٹر دا آذمودہ کر گھیدے تے پاکستان نے ایکوں گھنݨ کیتے دلچسپی گھیندے ہووے ہیلی کاپٹر اچ اپنڑیں مطلوبہ ضروریات تے اطمینان دا اظہار کیتا ھا ۔گزرن سال اکتوبر اچ دورہ ترقی دے دوران پاکستانی وزیر اعظم شاہد خاقان عباسی نے ١٢٩ اے تی اے دے ہیلی کاپٹر دی آزمائشی پرواز دا مشاہدی و تجزیہ کیتا ھا جیندے اچ انہاں نے متاثر کن ہیلی کاپٹر قرار ݙیندے ہووے ایکوں جلد توں جلد پاکستان فوج اچ شامل کرن دی خواہش دا اظہار کیتا ھا ترک ذرائ ابلاغ دا آکھن ھِ کہ پاکستان تے ترکی دے درمیان مذکورہ ہیلی کاپٹر دی خریداری دا معاہدہ ڈیڈھ ارب ڈالر مالیت دے لگ بھگ ھِ

اسلام آباد(سرائیکی نیوز ) پولیس نے گزشتہ سال فیض آباد انٹر چینج تے ݙیتے گئے دھرنے دے دوران قائم مزید ١٤ مقدمات اچ خادم حسین رضوی سمیت دیگر ملزمان دے ورانٹ جاری کر ݙیتے گئے اسلام آباد دی انڈسٹریل ایریا زون پولیس نے خادم حسین رضوی و دیگر دے خلاف مختلف عدالتاں توں ورانٹ گرفتار حاصل کر گھیدے انہاں مقدمات اچ خادم حسین رضوی تے انہاں دے دیگر ساتھیاں تے دہشت گردی ایکٹ دی دفعہ ٧ وی شامل ھِ واضح رھاوے کہ فیض آباد دھرنے توں متعلق کیس دی سماعت اسلام آباد ہائی کورٹ اچ وی زیر سماعت ھِ انسداد دہشت گردی دی عدالت ایں توں قبل وی خادم حسین رضوی تے انہاں دے ساتھیاں دے ناقابل ضمانت ورانٹ گرفتاری جاری کر چکی ھِ

اسلام آباد(سرائیکی نیوز) قومی احتساب بیورو (نیب) نے سابق صدر پریز مشرف دے خلاف آمدن توں ودھ اثاثیاں دی تحقیقات شروع کر ݙیتی، شکایت کنندہ انعام الرحیم نے سابق صدر پرویز مشرف دے خلاف آمدنی توں زائد اثاثیاں تے بدعنوانی دا الزام لا تے نیب توں تحقیقات دی درخواست کیتی ھائی تاہم نیب نے ابتداء اچ اے درخواست مسترد کر ݙیتی ھائی، اسلام آباد ہائی کورٹی دی طرفوں نیب کوں سابق صدر دے خلاف کارروائی دا اختیار ݙیتا گئیا جیندے بعد شکایت کنندہ نے نیب کوں ھک واری ول خط لکھا جیندے تے تحقیقات دا آغاز کر ݙیتا گئیا ذرائع دے مطابق شکایت کنندہ دا آکھن ھِ کہ پریوز مشرف نے اپنڑی آمدن توں ودھ اثاثے بنڑاون تے ایف بی آر دے مطابق انکم ٹیکس وی ادا نا کرن ، تے تحقیقات شروع کر ݙیتی گئی ۔ صدر دے خلاف شاھد منگ گھیدے گئے ھن جنہاں دی بنیاد تے کارروائی عمل اچ گھن تے آئی ویسی۔

اسلام آباد (سرائیکی نیوز) تحریک انصاف دے چیئرمین عمران خان نے ڈاکٹر عامر لیاقت کوں ٢٠١٨ دے انتخابات اچ اپنڑی ٹیم دا اہم کھلاڑی قرار ݙیندے ہووے آکھیا ھِ کہ عامر لیاقت نے جو کجھ میڈے بارے آکھیا ھا میں انہاں کوں معاف کرینداں پی ٹی آئی چیئرمین عمران خان نیازی نے آکھیا کہ عامر لیاقت دی پارٹی اچ شمولیت تے سب آن بورݙ ھن کوئی پارٹی چھوڑ تے نی ویندا پیا سبھ نے انہاں کوں پارٹی اچ خوش آمدید آکھے عامر لیاقت دا میݙی ذات تے تنقید کرݨ انہاں دا حق ھا تے جو کجھ انہاں نے میڈے بارے آکھیاں ایں تے انہاں کوں معاف کرینداں کیونکہ میں اپنڑی ذات کیتے جنگ نی لڑدا پیا بلکہ میڈا کاز صرف تے صرف پاکستان ھِ تے جو وی مافیا دے خلاف جنگ اچ میڈے نال ھن میں انہاں کوں پارٹی اچ خوش آمدید آکھیساں، عمران خان نے آکھیا کہ ٢٠١٨ دا میچ جیتنڑاں ھِ تے ایں مقصد کیتے او لوگاں دی پسند تے ناپسند تے کھلاڑی دا انتخاب نا کریسن بلکہ ایہو جئے پلیئر کوں ٹیم اچ شامل کریسن جو میچ جتوا سکدے ہوون عامر لیاقت ھک زبردست کھلاڑی ثابت تھیسن تے کراچی اچ پارٹی دے امیدوار بݨ سکدے ھن تے میڈیا تے اساݙے نظریے دی ترویج دے نال نال مافیا دے خلاف مضبوچ تے توانا آواز بنڑسن۔